NLQ photo

System i blokkene!

2012-01-29T19:54:00.004+01:00

Nancy viste oss korleis vi kan få til eit ryddig system når vi skal til å sy sammen blokkene. I staden for å legge alt ut over golv eller bord, så kan ein merkje og nummerere blokker og rader, for så å samle alt i bunkar på bordet ved symaskina.Her er kvar rad merka A,B,C osv. og kvar blokk nedover denne rada har nr. frå 1, 2, 3 osv.

Så samlar ho sammen kvar rad, dvs heile rad A og der blokk nr 1 er den øverste. Ho set også ei knappenål i øverste kant på kvar bunke, dette for å markere kva som er opp.Når ho så skal til å sy sammen rad A og rad B, så set ho 2 knappenåler i kvar bunke, stikk nedanfrå og opp. Dette sikrar at blokkene ikkje flytter seg eller forsvinn!! Og når ho så skal til å sy, så er det berre å dra opp kvar blokk.

Her er dette vist med enkle lappar, samme system fungerer like godt med store samansette blokker.

Og til sist, men kanskje svært så viktig: KIKKHOLET!! Då vi såg Nancy ta opp denne dingsen og stod og kika på blokkene med denne, .....då lurte vi litt! Sant nok er ho frå sjøkanten på Sørlandet, og brukar sikkert kikkerten ofte, men på eit lappekurs??

Etter kvart fekk vi både vite og prøve, og vi lo litt då vi fekk greie på at dette var eit slikt kikhol som er brukt i dører!! Ved å sjå gjennom denne, eller med digitalkamera, så fekk vi same effekten som når vi "myser" med augene. Striper og kontrastar kom betre fram. Takk for tipset Nancy, og for eit avslappande og lærerikt kurs! Anbefales til andre quilteklubbar!!

Jewel Box

2012-01-29T19:41:00.004+01:00

På kurset var det denne teknikken, Jewel Box, som dei fleste sydde. Her er ikkje bilder av alle arbeida, håpar at det blir litt å sjå på dei komande klubbmøta no framover.Her er ei herleg fargesamling med stoffremser, brukt i teppet over.På bildet over er alle blokkene sydde saman slik dei er, medan det under her er sett inn striper mellom blokkene. Dette er gjort for å "lysne" inntrykket av teppet. Lurt triks! Denne teknikken har også Nancy brukt på eit beige teppe som ho hadde med, sjå innlegg med dato 28.1.

Firerblokk

2012-01-29T18:53:00.002+01:00

Firerblokka er enkel å sy, og ein kan sy på ein rasjonell måte. Dei store kvadrata på 3,5 inch må kuttast opp kvar for seg, medan dei små kan syast som stripesett og kuttast opp etterpå. Og her var det viktig å stryke saumrommet mot det mørke stoffet. Vi merka også at all skjæring og sying måtte gjerast nøyaktig for då passa bitane perfekt sammen!
Her er størrelsen på dei små kvadrata 2 inch og dei store 3,5 inch, men desse kan med fordel aukast opp dersom ein skal lage store tepper.
Firerblokka kan fint brukast til løpar.

Nierblokk

2012-01-29T18:40:00.005+01:00

På kurset med Nancy Eriksen var det 3 som sydde denne teknikken Nierblokk med rammer og midtblokk med rutekant rundt. Dette var tidkrevjande og nøyaktig arbeid med små blokker på 1,5 inch, med sjå kor nydelig dette blir!Denne blokka kan også lagast med nierblokk der kvart kvadrat er 2 inch, og ramma rundt er på 5 og 8 inch. Noko større enn desse måla anbefaler Nancy ikkje, for det tek seg best ut når blokkene er små. Under her er ein løpar sydd av den eine arten av desse blokkene.Nancy hadde med eit stort teppe i denne teknikken, i glade fargar med lys botnfarge, det var veldig fint. I neste nr. av Quiltemagasinet vil det komme bilder og mønster av akkurat dette teppet, så gled dykk!

Hildes INCH-kjeks!

2012-01-29T18:25:00.003+01:00

Hilde var kursvert denne helga og hadde førebudd seg godt og veldig nøyaktig. Sjå på desse stablane med havrekjeks i kakeboksen hennar. Vi lurte litt på om ho brukte å ta mål av boksen før ho laga kjeksa! Men ho kunne avsløre at ho brukte ein pappmal å skjære etter!
Oppskrifta vil komme her så snart den blir oversendt, og opprinnelig kom den frå hennar mormor som budde på Nordfjordeid.

Som de ser, så er kjeksa i storleik 2 1/4 inch, difor namnet INCH-kjeks! Så desse passa godt inn i alt arbeidet vi hadde med inch-linjalen denne helga. Og smaken var fortreffeleg, desse kjem vi nok til å lage Hilde!! Takk for all god servering!

Resteteppe-kurs

2012-01-28T07:08:00.002+01:00

Då er kurset med Nancy Eriksen i gang, og på under 3 timar skjedde det 2 under!!
Her viser Nancy eitt av sine tepper, teknikken her heiter Juvel-boks.

Alle hadde med ferdigkutta bitar som vi sydde saman etter Nancy sin instruks. Då alle blokkene (4 på kvar) var sydd, la vi dei saman på golvet, og vips så var der eit stort "dugnadsteppe". Fantastisk flott måte å vise effekten av blokkene på og kor flott det er med fargeblanding, dette var lurt Nancy! Takk!

Dette er Firer-blokk, nydelig og ryddig mønster med flott effekt.
...og då nesten alle hadde plukka opp att sine blokker, såg det slik ut på golvet. Jammen kjekt vi er mange på kurset, for det er så flott å sjå slike resultat på kort tid. Det inspirerer og opnar opp for bruk av dei fæle og ubrukelige stoffa!

Den grøne veka!

2012-01-16T07:09:00.004+01:00

Tenk om vinteren hadde vore endå meir grøn,..... med sol!!! Ønsketenking! Men denne Veka er grøn hos Primula Design! Dei som var innom butikken forige veke, fekk kjøpe raude stoff til halv pris. No har du sjansen til å fylle opp lageret ditt med grøne stoff til halv pris!!Desse stjernene har Ingun på Primula Design sydd, så det er vel stor sjanse for at ho har akkurat desse stoffa.

Til andre medlemmer som har bruk for litt reklame, kontakt bloggred. så får du eit innlegg her på bloggen,....heilt gratis!! Og kjekt for oss andre å lese!

Etter den 13.!!

2012-01-14T08:41:00.002+01:00

Så er fredag den 13. over, og det gjekk vel bra med deg òg? Eller skulle du av stad for å kjøpe meir stoff? Og gjekk det bra med alle våre skarpe verktøy?

Må berre gje dykk ein latterpause mellom syinga dåkka, for på ein interiørblogg stod denne artige lista over skademeldingar frå folk.

Ynskjer alle lesarar god syhelg, og sjå dykk godt rundt når de forlet huset for ein luftetur!!

Kurs med Nancy Eriksen

2012-01-09T19:14:00.005+01:00

No er det litt over 2 veker att til årets første kurs, "Resteteppe", og kursleiar melder no at kurset er fullteikna! Dei som no har meldt seg på, kan glede seg til kurset. Vi har fått eit bilde av ein kursmodell, men no i dag oppdaga bloggred. at kursholder Nancy truleg har nokre hemmelege overraskelsar på lur når ho kjem.

(Bildet er lånt frå bloggen Sibir fryd og Quilt)

Nancy har bloggen Nancys Sting og Ting, og på eit innlegg i går skriv ho at ho har brukt mange timar på syrommet i det siste. Og mykje truleg er det førebuingar til kurset vårt som pågår!! Dette skriv ho i bloggen sin:

"Looking forward to classes in Nordfjord later this month. I have several models in addition to what you can see out of this photo."

Så Nancy gleder seg til å holde kurs for oss, og Nancy; "Vi gleder oss til du kjem! Velkommen!"

Besøk hos Primula Design

2012-01-08T06:29:00.005+01:00

Laurdag var bloggred. innom butikken til Primula Design på Nordfjordeid. Akkurat då heldt Ingun på med å prøve ut den "taggete" linjalen som vart vist fram på siste klubbmøte. Ho hadde då sydd eit stripesett og la på linjalen. Det var raskt å kutte opp trekantar utan å flytte linjalen for kvar trekant, dvs. dette er ein "hurtiglinjal"!!Her har ho sydd saman 4 trekantar til ei blokk.Dette er henta frå boka "Strip smart quilts".

Denne boka er i privat eige, mulig at Primula Design får tak i denne, men du finn den òg på Amazon på DENNE adressa. Her kan du gå inn og bla i boka.Og så eit lønnsamt tips til slutt: Komande veke, v 2, så er det HALV PRIS på alle Raude stoff i butikken til Primula Design!!

Januarmøte

2012-01-07T06:22:00.006+01:00

Vis og fortell starta med denne flotte løparen. Den består av mange små blokker av "Snowball". I haust har vi hatt blomster som tema, dette fortset vi med fram til sommaren.Denne løparen er fyllt av Primula, sa nokon, akkurat den blomsten som no kjem i handelen. På februarmøtet vert denne teknikken temaet!
Men også i litt meir kalde fargar, vert denne fin. Det er Ingun som er mester for dette.

Haldis sitt flotte teppe, framsida er flott og baksida unik med eit puslespel av blokker i mange teknikkar som har blitt liggande. Denne baksida har mykje historie!

Dette er rammer som det skal komme noko fint inni, håper vi får sjå seinare!

Dobbel firerblokk

2012-01-06T06:14:00.005+01:00

Dobbel firerblokk/ Double fourpatch er ei anna blokk som vi skal få lære teknikken til på det komande kurset vårt. Dette er også ei overraskande flott blokk, så enkel men så fin!! Og sjå på bilda kor ulikt det blir med ulike fargeval. Jobben vår på kurset vert nok ma. å plassere fargane på rett plass for å få fram den effekten vi håpar på, så då skal det bli godt med ein erfaren kursholdar! Det er Nancy Eriksen som skal lære oss dette!

Bilda er henta frå bloggen til MaryQuilts.com, og HER kan du laste ned mønster som PDF-fil.

Denne blokka er henta frå bloggen til norske Bellaquilt, og red. har også lest seg til at bladet Familien hadde ein "Lappeskole" som serie i bladet i fjor vår. starta i nr 6/11. Hos Jannes Hobbykrok er det også eksempel på denne blokka.

Då håper bloggred. at kursdeltakarane er blitt inspirert av desse 2 innlegga om blokkene og kan gjere seg opp litt tankar om kva fargar ein kanskje skal plukke med seg til kurset. Kva kursmodellar Nancy har med seg, gjenstår å sjå, men det vert sikkert endå meir inspirasjon å hente der og då.

Jewelbox

2012-01-05T06:43:00.004+01:00

Jewelbox-blokk

(Bilde er henta her)

På kurset som vi skal ha i slutten av januar, skal vi mellom anna lære å sy og bruke blokka Jewelbox i eit teppe.

HER er link til ei kanadisk side der det er sydd eit heilt teppe av berre denne blokka. Kjempefint å bruke denne åleine der det også er fargane som avgjer korleis dette vil sjå ut. Bloggred. skal delta på kurset, og etter at desse bilda vart funne på internett, så GLEDER eg meg!! Og som nemnt i forige innlegg, eit par plassar er ledige!!

Juleutstillinga i biblioteket

2012-01-04T18:24:00.003+01:00

Dette er nokre av tinga som var utstilte i biblioteket på Nordfjordeid før jul. Koselige snømenn, slike har vi også laga på eit klubbmøte for ein del år sidan. Enkle å lage, fine å ha til pynt heile vinteren. Takk til dei som deltok med fine produkt til denne utstillinga!

"Skatter fra restekassen"

2012-01-04T06:48:00.005+01:00

Det nærmar seg årets første kurs, 27. - 29. januar vert det "Skatter fra restekassen" ved Nancy Eriksen. Dette ser ut til å bli eit kjekt kurs der vi får lære teknikk til tradisjonelle blokker, for så å setje dei saman til teppe med flott mønster. Dei tradisjonelle blokkene går aldri av moten, og som reklamen seier,"det enkle er det beste", gjeld også i quilteland! For det er valet av fargar som gjer utslaget, og på eit slikt kurs med mange som syr det same, får vi sikkert sjå kva effekt dei ulike fargane skaper. Bildet under er eit fargerikt resteteppe, men du står nok fritt til å velje berre få fargar og rolige fargar. Så den som kjem, får sjå!

Etter siste oppsummering av påmelde i går, så har vi ledig eit par plassar. Vil du vere med, så meld deg på fort! Kontakt Siv på 91531479. For som vanleg når vi har noko ledig plass på kurs, så opnar vi opp for "ikkje-medlemmar" om noko er ledig.

Stoffrydding??

2012-01-02T17:43:00.006+01:00

(alle bilda er henta frå Building houses from scraps)

Er det nokon som har vareteljing i heimen i dag?? Tel opp metervis med stoff? Bloggred. lurer ofte på kor mange meter stoff som ligg pent og venter i heimen på sin tur under symaskina. Kjekt å kjøpe, kjekt å ha, men ofte vanskelig å finne tid til å bruke........!

Eit nyttårsforsett som mange av oss sikkert har, er å lage ferdig påbegynte arbeid, bruke opp stoffa,...alle stoffa...... før vi kjøper noko nytt. (Sorry Primula Design og Lappestua,..... men vi klarer sikkert ikkje å holde løfta våre lenge, .......kanskje 1 døgn? For de fristar oss vel allereie på møtet i morgon!)

Men til dåkke som har berre nokre få små stoffbitar slengande att på botnen i stoffkassa, her er tipset som kan hjelpe dåkke til å bli kvitt siste rest av dei gamle stoffa.

På denne nederlandske bloggen Building houses from scraps (bygge hus av rester) er det beskrivelse og mønster til eit teppe der du syr ei lita husblokk kvar dag!! I år er det skotår, så då vil teppet bestå av 366 hus!! Blokkene er i miniformat, 7,5 x 7,5 cm og er sydd for hand, men ho skriv at dei lett kan forstørrast opp så du kan sy på maskin. (NB! Bloggred berre tipsar, har ikkje prøvd ut dette!!)

Klipp frå bloggen:

The plan is to try to make a house block every day, so at the end of the year a total of 366 blocks are finished. These blocks will be joined together into a quilt from approximately 155 x 200 cm, with a border around even bigger.

HER er link til mønsteret, og HER er beskrivelse på engelsk

Tepper som varmar!

2012-01-01T08:38:00.008+01:00

Då er det gjort!! Alle våre "Tepper som Varmar" er begynt å varme!!! Varmar både kroppar og auger i Jurbarkas i Litauen. Alle våre 36 tepper vart overlevert til Ragnhild Lunde i Lions club avd. Stryn på julemøtet vårt, og 16. desember starta ho og mange andre turen til Litauen. Takk til Lions som tek på seg slikt arbeid, og tanken på at desse flotte teppa skulle varme nokon langt borte, ja det varma nok oss her heime også! Magiske tepper!!

Her er litt av helsinga frå Ragnhild:

Vi er tilbake frå ein fantastisk tur til Jurbarkas. Heilt på tampen blei Eline Vereide Kongsvik med frå Nordfjordeid og Inge Sveen frå Stryn.

Teppa har vi gitt vekk til sjukehuset, og der trengdest det verkeleg noko som pynta opp. Dei blir også brukt som pynt på dagheimen for vanskelegstilte born - du ser bildet der Eline står saman med dagleg leiar og ein ansatt. Vidare vil dei bli brukt til å pynte barnehagar. Og nokon blir gitt til sjuke born (dei minste teppa) Folk som var med - og dei som vi møtte der nede (Lions) var imponerte over den flotte gåva og kvaliteten på teppa.

På grunn av at eg måtte vakumpakke alle teppa, måtte bamsane plukkast av - og dei ga vi direkte til dei sjuke borna på sjukehuset.

Vonar dette oppfyller dei forhåpningar de hadde til korleis vi skulle nytte gåva.

Og Laila U.P. fortener all takk for å være primus motor, no er prosjektet i mål. og det vart vellukka.

HER kan du lese om oss på ei medlemsside for Lions Club, sjå litt langt nede på sida!

Godt nytt quilteår!

2012-01-01T07:54:00.002+01:00

Så er vi på startstreken igjen,..... til mange ubrukte timar til hobbyen vår, til å få ny inspirasjon, til å lære noko nytt og til å møtast att! Reknar med at mange gledar seg mykje til å få tid til å sy igjen, men kanskje er det òg nokon som har laga noko sidan sist?

(Dette bildet er laga av eitt av medlemmane våre, R. S.Nord. Takk for at vi fekk sjå dette flotte bildet!)

Til alle som ivrar etter å møtast igjen, velkommen til årets første møte i NLQ tysdag 3.jan kl 18.30. Møtestad er som før Stokkenes Gjestegard og vi har Quiltekafè. Ta med deg eit syarbeid som du held på med, og så kosar vi oss med mat og prat.

Så har vi fått ei oppfordring frå Hilde i Svelgen, ho held som kjent på med eit dugnadsteppe av små sekskantar som mange av medlemmane har sydd og levert til henne.

Her er beskjeden frå henne:

Er komen såpass langt i sekskantteppe-prosjektet, at det nærmer seg fullføring/avslutting av lappedelen/framstykket.
Har mista kontroll over kven som ikkje har levert sine blomster, og kven som har liggande blomster som dei driv og syr saman.

Ber om at alle som har noko som høyrer til dette prosjektet liggande, tek det med på neste medlemsmøte, eller event sender det i posten til meg
(Kringomvegen 26, 6723 Svelgen). Har eit håp om at framstykket på teppet skal bli fiks ferdig til påske.

Til slutt ei lita påminning: Har du ei lånebok frå NLQ, ta den med på møtet, for kanskje har nokon andre lyst å låne den? Dette gjeld spesielt dei nyaste bøkene!

Velkommen til julemøte!

2011-12-04T06:32:00.007+01:00

Bilda av teppa er lånt frå bloggen til Tiril Sol

Det er igjen tid for julemøte! Så fort tida går, iallefall for oss som skal få gjort mykje før jul. Men mykje er likevel gjort, fantastisk mykje,..... for på dette møtet vert det overlevering av minst 27 tepper til prosjektet vårt "Tepper som varmar". Ein representant frå Lions Club vil ta imot teppa, og ho skal også vere med å dele ut teppa til barn på eit sjukehus i Jurbakas i Litauen og evt. andre trengande no før jul. Dette vart eit fantastisk prosjekt som ein stor del av medlemmane har teke del i. Vi rettar ei stor takk til primus motor Laila U. Piel for arbeidet ho har gjort, ho hadde håp om 10-15 tepper, men her vart det dobbelt opp! Besøk Lailas blogg, Tiril Sol, der finn de eit flott innlegg om heile prosjektet og bilder av 27 tepper!!

Når ein har slike store prosjekt, så er det mange ein skal takke i tillegg til dei som har gjort jobben. For til minst 27 tepper, så går det nokre meter stoff, trå og vatt. Vi har vore så heldige å få mange meter stoff frå nettbutikken Olaugs Quilt, og dei 2 lokale quiltebutikkane våre har også støtta oss, Primula Design med vatt og lån av quiltestativ som de ser på bildet under, og frå Lappestua har vi fått mange flotte stoff og vatt. Men også mange har medlemmane har vore gode sponsorar, for her har det blitt nytta restelappar og småprosjekt som har vorte liggande, sett saman til nye og flotte tepper. Det er berre å ta av seg hatten for denne flotte innsatsen i klubben vår!

Så når vi møtes no tysdag til julemøte, skal vi verkeleg kose oss med synet av alle teppa. Og vi skal ha god mat og som vanleg vert det òg litt å pusle med......Kva det er, ja det er hemmelig!! Ta med saks, elles får du det du treng!

Då ynskjer vi alle velkomne til møte, og ta med mykje JULEQUILTAR (og anna sjølvsagt) til kveldens Vis og fortel! Ta også med det du vil stille ut av juleting på biblioteket!

Presangteppe 2

2011-12-03T08:01:00.007+01:00

Endå eit nydelig presangteppe til inspirasjon. Nydelige fargekombinasjonar. Til dette teppet er det ikkje gratismønster, men du finn meir om det HER på bloggen Piece and Quilt.

Sy ei julegåve?

2011-11-26T06:37:00.007+01:00

Sy ei julegåve??

Ja dette kan du ta heilt bokstavleg, for her kan du sy ei julegåve som varer og varer. Og som ikkje kan pakkast opp!

Dette bildet er frå bloggen QuiltSoup der gratismønsteret "Hip holidays" kjem frå.
Innimellom nokre juletre står det mange gåver, og HER finn du link til dette gratismønsteret. I klubben har vi også ei mønsterbok med Buggy Barn mønster, der er det også ei blokk med liknande presangar. Om du vil bruke dette gratismønsteret, så kan du velje å sy berre presangblokkene, og variere stoffbruken,........dette kan nok bli rett så flott??

Her er mønsteret til ei lita lommebok med "presangmotiv" på, det kjem også frå same blogg. Men dette mønsteret kan nok også miksast med dei store presangblokkene.

Lykke til om nokon prøver seg på dette, og kanskje kjem her bilder av resultat her på bloggen seinare??

God helg til alle som kikar innom!

Eit julegåveynskje??

2011-11-24T07:27:00.003+01:00

Eit julegåveynskje til deg?? Vel å merke om du har hund då...... eller om du ynskjer deg ein! Northern Quilts lanserer no sin neste bom "A dogs life", eit sjarmerande teppe i nydelige fargar fyllt med hundar!

Dette er designa av Lynette Anderson, ein kjend designer frå Australia.

Sytips?

2011-11-21T20:10:00.006+01:00

Om du har bruk for etui til heklekrokane dine, så finn du bilder og tips til det her i bloggen til Tonemor og i DETTE innlegget hennar. Ho har funne mønster til etuiet på DENNE bloggen, Mad Quilter frå Australia. Her finn du nøyaktig framgangsmåte, men desverre som så ofte,... alt står på engelsk. Vi håpar likevel at dei som treng det, finn nokon som kan hjelpe seg med oversetjing. Men viss ikkje de har nokon i nærleiken, ja så er det berre å sy sin eigen versjon inspirert av bilder som de ser!

Dette er vel også eit fint julegåvetips??

Heim til jul?

2011-11-16T19:11:00.003+01:00

På den australske bloggen Hatched and Patched dukka dette flotte bildet opp. "Heim til Jul" står det over motivet. Ein fin kombinasjon av applikasjon, lappeteknikk og stichery laga på ein dekorativ måte.

Fristande å prøve seg på noko slikt?? De rekk dette før jul om de byrjar no! For her kjem det beste: MØNSTERET ER GRATIS OG DET LIGG SOM EI PDF-fil SOM DE LASTAR NED HER!!!

Mønsteret er desverre kun på engelsk, men måla står som inch, der er klippemalar og godt bilde å sjå etter, så dette klarer nok dei fleste av dykk!

Lykke til!

Heimebesøk!

2011-11-12T07:39:00.003+01:00

Som bloggred. har ein som oftast kameraet i veska same kvar ein er. Denne veka vart det eit besøk hos Reidun, ein av medlemmane i klubben vår. På forige klubbmøte då vi ma. fekk servert natronkaker, då sa Reidun at oppskrifta på dei gode natronkakene, hadde ho brodert inn på eit "kaffi-veggteppe". Ein god idè til andre gode oppskrifter også!!Dette fargerike sommarfuglteppet fanga også fotografens merksemd!Takk for "Vis og fortel" i heimen din Reidun!!

Tepper som varmar!

2011-11-06T12:14:00.009+01:00

Vi har hatt SYLAURDAG! Med sying, quilting og kanting av tepper som er til prosjektet vårt "Tepper som varmer". I underkant av 10 stk var møtte fram og jobba iherdig då bloggred. var innom. Ein skulle gjerne sett at fleire av medlemmane møtte opp, men håper dei stiller ein annan gong om vi lagar til sylaurdag.

I allefall må vi gje dei frammøtte ei stor takk til dette frivillige arbeidet dei gjer. I tillegg må vi takke Primula Design for lånet av quiltestativet. Om dei vart ferdige, det vites ikkje i skrivande stund, men reknar med at medlemmer vert kontakta om det trengst meir hjelp i innspurten. Teppa skal overleverast midt i desember, så vi håpar at dei kan bli viste fram samla på julemøtet vårt. Om det ikkje går, så skal vi ordne med bilder til bloggen. Laila. U. Piel er initiativtakar, lurer de på noko, så ta kontakt med henne.

Sjå elles innlegg 5. mars og 10. april om dette prosjektet.

Dette teppet er laga av Solfrids restar, eit flott fargespel. Men sjå kor flott ho har quilta! Ho har brukt fleece til bakside, og det er så fine quiltemønster at baksida er minst like vakker!!

Julesalsutstillinga er på plass!

2011-11-04T19:27:00.006+01:00

Om du no går på Didriks kafe på Nordfjordeid, så vil du sjå julete quilteting rundt om på veggane der. For i går jobba Aslaug, Sølvi og Elin flittig med å få hengt opp alle dei flotte arbeida som vart samla inn på siste klubbmøte.

Her ser ut til å vere rikelig med varer akkurat no, men desse damene er så optimistiske til denne salsutstillinga at dei allereie no ETTERLYSER MEIR VARER FOR SALG!!!

Dei ynskjer å ha eit lite lager som dei raskt kan supplere frå, for vi veit alle at ei bugnande utstilling sel mykje betre enn ein ting her og ein ting der! Og det er mange kafedagar før det er jul, så her kan det bli mykje salg!
Her er viktig melding frå Aslaug:

Eg tek meg av registrering av produkta og sørger for å fylle på varer på Didriks. Eg hentar og pengar, og betaler ut til dei som skal ha det.

Det beste for meg hadde vore om eg fekk inn masse, og kunne pøse på framover. Vil tru at det er nokre restar etter låvemessa..... Dei kan ringe meg,dei som har noko... Treng ikkje berre være jul og advent, kan være ALT mulig :-)

Mobilnr er : 97533623

Nydelig mat for quiltarar!

2011-11-03T08:08:00.002+01:00

På siste klubbmøte hadde vi som vanleg mykje god kaffimat. Der var både wienerbrød av ulikt slag , eplekake, lefse og natronkaker. Slike natronkaker vart også selt i hundretals på Låvemessa vi arrangerte før i haust, så dette er tydelig noko folk likar. Kjempegode med godt smør og brunost på!
Her er oppskrifta:

2 l kefir
1 pk natron (40g)
1 toppa ss vaniljesukker
0,4 kg sukker
Ca 2 kg kveitemjøl

Deiga skal vere laus når du lager kakene.
Kakene klappast ut i ein mjølbolle.
Steikast på takke, ved middels varme.

Dette blir ca 80 kaker.

Novembermøte i NLQ!

2011-11-02T20:54:00.017+01:00

Veske til kaffislabberas?

Dette er Hilde i Svelgen som jobbar flittig med hexagonteppet. Mange av medlemmane har vore med på å sy små blomster, og Hilde har teke på seg å sy sammen. Imponerande!

Primula Design viste to flotte modellar av Annakas sminkeveske.

Nydelig vinterteppe, dette panelet får du kjøpt ferdig trykt hos Lappestua, du treng kun å quilte og å montere på ein del knappar til pynt. Nydelige fargar og motiv.

Hjerter, kutta og miksa og sydd saman igjen. Primula Design har boka der dette står i.

Hexagon med cupcakes, sydd på maskin.
Annakas adventsløpar, stod i siste Quiltemagasin.

Dåpsgåve til lille barnebarn Emil.
Desse to med stjerner vert å få kjøpt på juleutstillinga vår på kafeen Didriks. Og sjølvsagt mykje meir. Mange arbeid vart innlevert, og vert hengt opp med det første der.

Mobilveske
Ei samling av nyttige "verktøykasser"! Både til smykker, sminke og hobbyutstyr.

Frå Sun Bonnet Sue kurset.

Desse to svarte løparane er dekorert med band.

Frå kurset Sun Bonnet Sue.Dei 5 bilda under her er tepper og sengesett til dukkevogger.

Vognteppe til eit oldebarn nr 4!!

Nydelig toalettveske med koselig namnelapp. Denne er bestilt hos Mina namnband, link står i høgrefeltet på bloggen her.

Mobilveske, mønster til dette finst på nettet ein plass...... , kort tid etter publisering av innlegget, så kom det link frå Haldis! Det er ho som har sydd denne, takk til henne for tipset!

Pink Penguin heiter bloggen.

Smiil!

2011-10-31T19:02:00.002+01:00

"Av og til er eg virkeleg takknemlig for at eg er gift med ein quiltar!"

(Bildet er frå amerikanske Pickledish.)

Så enkelt kan det seiast! Håper våre næraste av og til ser fordelen med hobbyen vår! Iallefall så dei let oss få tid nok til å sy......!

I morgon møtest vi att på klubbmøte, velkomne!!

Ein sy-idè frå Danmark

2011-10-30T12:53:00.004+01:00

Av og til når ein surfer i veg på nettet, så hamnar ein plutselig ned på ein idè som ein gjerne vil dele med andre. Denne gongen var det i det danske bladet Familie Journal at dette enkle teppet dukka opp. Det er sydd i enkle stripesett som er kutta opp i kvadrat, og så er annakvart snudd så stripene går motsett veg. Her er det sydd i raudt og kvitt, litt julete vert det då, men i andre fargar så vert det heilt sikkert like fint!

Teksten under her er kopiert frå den danske sida, så då er det om å gjere å skjøne dansken då!!

Julesofatæppe

mandag 16.11.09

Det hyggelige patchworktæppe med fleece-bagside er skønt til en afslappet stund i sofaen

JULESOFATÆPPE
Mål: 140 x 175 cm.
Materialer: Bomuldsstof: 50 cm lyst med hjerter (A), 75 cm ternet (B), 100 cm rødblomstret (C), 50 cm lyst med skrift (D), 75 cm rødternet (E), alle min. 115 cm brede. 8,50 meter blonde, 3 cm bred. 1,55 x 2 meter rød fleece.

Arbejdsgang: Klip i stofbredde 115 cm: 7 stk. A à 6 cm, 7 stk. B à 9 cm, 7 stk. C à 13 cm, 7 stk. D à 6 cm og 7 stk. E à 9 cm (alle mål er inkl. 1 cm sømrum). Sy strimlerne sammen til 7 ens baner, hvor stofferne lægges op i rækkefølgen A, B, C, D, E. Pres sømrum fra hinanden og sy blonde på alle B-strimler ca 1 cm fra sammensyningen med C. Mål banernes bredde, og skær hver bane i 3 kvadrater (à ca. 35 cm). Læg 4 x 5 kvadrater op til tæppet således at sammensyningerne skiftevis vender vandret og lodret.

Montering: Læg fleecen på et bord så den ene ende af hele stofbredden bredes ud. Læg 1. bane på med retten op, ca 10 cm fra afklipningskanten, og med præcis samme afstand til begge ægkanter. Hæft banen fast langs de 3 ”ydersider”. Læg næste stofbane ovenpå den 1. med vrangen op. Hæft, gennem alle 3 lag, delene sammen på den løse langside af 1. stofbane (den uden nåle i) og sy delene sammen 1 cm inde gennem alle 3 lag. Fold retten ud på bane 2 og hæft den fast langs begge korte ender. Sy de resterende 3 baner på efter samme princip idet banernes korte sider skal flugte hele vejen ned.

Kanter: Når sidste bane er syet på og foldet ud, hæftes den fast på langsiden. Klip fleecekanten hele vejen rundt så den måler 6 cm mere end tæppet. Bøj denne kant 1 cm ind på patchworkstykket og sy den fast - (evt med en af symaskinens broderiborter.

Tid for å møtast igjen!!

2011-10-29T10:17:00.006+02:00

Om få dagar er det november!!! Og klubbmøte 1.11! Tida går fort, men det er bra nokre har fått jobba litt med julesying. På forige møte starta vi med å sy Julestjerne i crazy quilt, dette kjem vi til å ha som tema på novembermøtet òg. Dette er etter ynskje frå medlemmane om å ha same tema over 2 møter.

Og denne gongen passar nok dette veldig bra, for vi hadde litt problem med å få til ei passeleg stor blokk til å gå ut ifrå. Så no oppfordrar vi alle som har prøvd seg og held på med dette, om å ta med seg arbeidet og dele erfaringar med oss og å få hjelp av andre.

Det er òg høve til å bruke symaskin på dette møtet.

Elles tykkjer vi at det er kjekt å sjå at de har med dykk småarbeid på klubbmøta, stitchery, hexagon mm, dette inspirerer oss andre!! For ikkje alle vil ta del i det som er hovudtemaet på møta, det er heilt ok, og då er det fint med slike småarbeid.

Bilda som er lagt inn her, er innsende av Torunn, ho kjem til å ta med seg sine lappar og forklare kva ho har gjort.
Dei fleste veit vel no at vi skal ha julesalgsutstilling på kafe Didriks, sjå tidlegare innlegg.

VIKTIG MELDING!

Dei som har ting dei skal stille ut, må ta dei med på novembermøtet!!! Og dei skal ha "doble" merkelappar slik som vi hadde på Låvemessa!

Sy stitchery??

2011-10-19T18:58:00.004+02:00

Dette bildet kjem frå bloggen til Syfrøjd.

Treng du eit lite syarbeid?

På bloggen Syfrøjd dukka dette flotte stitcheryet opp, og ved nærare ettersyn, så viser det seg at dette er eit gratismønster frå Bird Brain Designs.

HER er link til å laste ned mønsteret.

Som de ser kan det brukast til mangt, her er det ma. brukt som dekor på eit handkle og som eit motiv i ei brikke.

Sun Bonnet Sue kurs! Del 2

2011-10-17T17:38:00.002+02:00

Så er kurset Sun Bonnet Sue med Bente Tufte over. Og som bilda viser, så har damene jobba flittig ved borda sine heile helga.

Om de kikar på forige innlegg, så ser de bilde av kursmodellen der. Sjølv om det har vore jobba flittig, så har dei nok mykje arbeid att her, både applikering, stitchery og handquilting står for tur.
Men vi gler oss til å sjå arbeida deira no framover, så vi håpar at dei tek med seg quilten på klubbmøta så vi får sjå korleis dei jobbar. Det vert iallefall mykje nydelege tepper i vakre fargar her, så vi gler oss til å få sjå meir!

Alle bilda i dette innlegget er teke av Laila U. Piel som gjekk på kurset.

Kurset er i gang!

2011-10-16T10:06:00.010+02:00

Dette er Bente Tuftes kursmodell

Bloggred. var innom kurset Sun Bonnet Sue med Bente Tufte midt på laurdagen. Og der var kurset i full sving. Mykje aktivitet og stoff over alt, men merkelig stille. Kvifor??? Jau, damene jobba intenst med store mengder med små lappar som skulle setjast saman.

Her var det ikkje berre å sy i veg i full fart. Fargane på lappane var nøye planlagt, kutta opp og sortert i store lad. Her måtte ingen vind komme og lage uorden!!

Dei heldt på med å montere den første ruta, og pinlig nøyaktighet gav resultat. Og med den fantastisk flotte kursmodellen å sjå etter, så er nok dette motivasjon til å vere nøyaktig og tålmodig. Basisen er eit ukjent antal små lappar, i opne felt er det applikert nydelige motiv for hand og rundt kantane er det mange små stitchery. Det heile er så quilta for hand, eit nydelig handverk!! Så her kan damene på kurset sjå fram til mykje kos med handarbeid i mørke vinterkveldar.

Fleire bilder kjem om det dukkar opp bilder til red. på epost frå kursdeltakarar!

Sun Bonnet Sue kurs!

2011-10-13T16:54:00.007+02:00

Komande helg er det kurs igjen, no er det Sun Bonnet Sue som er tema

og kursholder er Bente Tufte. Kva som kursdeltakarane får lage, gjenstår å sjå!

Ved søk på nettet er det mykje info og bilder å finne. Har lagt ut nokre få linkar på dette innlegget, men søk på namnet på Google og klikk på bilder/images, så finn de mange flotte bilder.

I avisa Lappenytt til Bergen Quiltelag på s 12, link HER, finn de bilde og omtale av eit kurs som Bente har hatt der.

Her på denne heimesida finn du info om kva Sun Bonnet Sue er.

Her er ein link du finn mønster på. Litt fleire: 1, 2

OBS! OBS! Siste nytt frå kursleiar no kl 18.00, det er visst plass til nokre få til på kurset, så kontakt Siv på 91531479 om du hiver deg på i siste liten!

Hos Didriks!!

2011-10-12T06:57:00.008+02:00

Då er vi invitert!! Invitert til å være "fluge på veggen" på den koselige kafeen Didriks på Nordfjordeid.

Vi har no vore i kontakt med kafeeigar, og frå 1.veka i november kan medlemmane stille ut quilter for salg på veggane i kafeen. Dette vart også omtalt på siste klubbmøte. Alle kan delta med sine arbeid som dei vil selje. Av naturlege årsaker, så bør dette vere ting som egnar seg til å henge på veggen, ikkje for lite og ikkje for stort! Husk namnelapp og pris!

Sidan det også nærmar seg jul og kjøp av julegåver, så kan vi ha dette i tankane når vi skal lage til salsutstillinga.

Vi kjem til å henge opp "salsvarene" samla, og då ynskjer vi at de tek med det som de vil selje, på klubbmøtet i november. Har de meir spørsmål til dette, kontaktar de leiar i klubben, Anne marie Holsvik, tlf 578 73777, mob.95137013.

Vestlandstreff 2013

2011-10-10T17:01:00.007+02:00

Vestlandstreff 2011 i Ålesund er no historie, men i 2013 kan vi ta turen til Molde!

Der er Molde quiltelag arrangør.

Men før den tid, så er det Voss quiltelag som arrangerer neste år!

Sylaurdag

2011-10-06T06:33:00.003+02:00

På siste klubbmøte fekk dei frammøtte vite at det vert sylaurdag 5.november på Stokkenes Gjestegard.

Dørene opnar kl 9 og så held vi på til ut på ettermiddagen ein gong, når det blir avtaler vi der og då.

Vi skal då gjere ferdig alle "Tepper som varmer", dei som har ferdig topp skal vi quilte på quiltestativet som Primula Design let oss låne. Dette er også ei god anledning til å lære å bruke dette, då kan du seinare leige dette til eige bruk. Dei teppa som er quilta ferdig, skal få lukkekant, så her blir det allsidig arbeid som alle kan delta i. Vi håpar at mange kjem på sylaurdagen, heile eller deler av dagen er like bra, det viktigaste er at vi vert mange på ein slik dugnad.

Arbeidet vil då bestå av:

Evt. ferdigsying av toppar
Klipping/tilskjæring av vatt og bakstykke
Quilting på quiltestativet eller på eiga symaskin
Kutting og påsetjing av lukkekant enten med maskin eller for hand.

Vi lagar til kaffi/te og så tek den enkelte med seg niste, evt noko ein også vil dele med andre. Det bestemmer du! ....og så har du vel Hexagonarbeidet ditt på lur til ledige stunder??

X antal Hexagon!!

2011-10-05T17:50:00.002+02:00

Dei 2 foregåande innlegg handla om mat, så det er vel på tide med litt quiltebilder òg.

Her kjem berre eitt bilde i dette innlegget, med det fortener all merksemd!! Eit fantastisk arbeid sydd for hand, påbegynt i det forige århundre fekk vi vite!

Her er det hexagon i alle fargar og mønster, fint innramma av kvitt stoff. Berre heilt nydeleg!

Så til alle som no er begynt på sine lappar,....hold ut! Det kan bli like fantastisk!

Festmat frå Sunndal

2011-10-05T17:30:00.003+02:00

Når mange quiltedamer samlast til klubbmøte og god mat til kaffipausen, så dukkar det ofte opp nye og spennande smakar. På siste klubbmøte fekk vi smake noko som dei fleste av oss aldri hadde høyrt om, VAFLER med SUNNDALSGRØT på!!

Mange av oss har høyrt om sveler med ein liknande semulepudding på som dei brukar i indre Nordfjord, men dette nye måtte alle smake på. Og det var NYDELEG!! Så no kjem oppskrifta frå Solfrid her!

SUNNDALSGRØT til VAFLER
(stor porsjon)

200gr meierismør
200 gr hvetemel
2 dl kremfløte
2 kp sukker
2 l H-melk
1/4 ts vaniljesukker.

Smelt smør, ha i fløte, mel, rør i 1 kp sukker. Kok opp. Spe med kokende melk, rør i resten av sukkeret ,vaniljesukker til slutt.
Dersom grøten blir for tykk, spe med mer kokende melk. Kok til melsmaken er borte.
Kanel strøes over.

Lag vafler og ha til grøten.

Dette er festmat i Trøndelag

Dessertkake

2011-10-03T17:06:00.002+02:00

Når vi i klubben vår har kurshelg, så vert ei slik helg ei "godhelg" på mange måtar. På siste kurshelga var det ei som fortalde til kursholdaren at "når vi går på kurs, så kjøper vi oss fri frå ungar og husarbeid!" Så sant, så sant!! Og då er det vel ikkje rart at vi også fortener både god mat og kaker!

Ei av kakene denne helga var ei enkel dessertkake, ser fristande ut, og er rask å lage. Her kjem oppskrift:

FRUKTTERTE

3 egg

2,5 dl sukker

75 g smelta margarin

3 dl kveitemjøl

0.75 dl melk

1 ts bakepulver

1 ts vaniljesukker

Ha egg og sukker i ein bolle og rør sammen med ein strengvisp. Ha i melk og det smelta smøret, tilsett så resten og rør til røra er glatt.

Ha i smurt rund form 28 cm eller i lita langpanne,

Steik nest nederst i ovnen i 25 min v/200 gr.

Krem:

Kaka er lav og skal ikkje delast, dvs. at alt skal oppå.

1 pk kremfløyte

1 pk Piano vaniljekrem

3 pl gelatin

Bland piska fløyte med vaniljekremen, løys opp gelatinplatene i ca 2 ss vatn og bland i. Dette gjer at kremen held seg på plass.

Pynt:

1 pk skogsbærblanding

Andrè Wallenborg var her!!!

2011-10-02T21:06:00.010+02:00

Denne helga som no er omme, må berre kallast super!!

Supert ver med sol og sommartemperatur, supert kurs med ein ekte veskedesigner som læremeister. Her fekk vi virkeleg lære teknikk og finesser! Og vi fekk lære at her gjaldt ikkje inch-mål eller berre centimeter, her var det snakk om centimeter med desimal bak!

Døme: Kutt delen 25,2 cm,.....eller slik: sy ca 1 millimeter inn frå kanten!!

Dette var eit behagelig kurs, veldig strukturert slik at alle klarte å henge med og fekk med seg forklaring og vising av teknikk. Og vi fekk skryt tilbake, for vi var ein "jamn" gjeng, syinga gjekk som ein leik.

Andrè tok seg god tid til å vise oss mange lure knep for å få arbeidet fint. Millimeterane var viktige, men også kvar vatten skulle "stoppe" for at vi ikkje skulle få tjukke saumar.
Dei ferdige produkta, her manglar ei veske på bildet, men den var i bruk på sitt første gallaoppdrag,....... den var i bruk på Opera Nordfjords matinè av "Tryllefløyten"!!
Ein fornøgd kursholdar som vi gjerne vil ha tilbake til nye kurs.

Klubbmøte med ny blomst!

2011-09-28T17:03:00.004+02:00

Det er no berre få dagar att til neste klubbmøte, 4. oktober, og då er det på tide med viktig info til medlemmane.

Bildet over viser det som er temaet for neste møte. Som vi har sagt på forige møte, så er årets hovedtema ulike måtar å sy blomster på.

Etter ynskje frå mange av medlemmane, så prøvar vi oss no med eit godt gammaldags møte der vi syr på maskin!! Vi brukar å vere mange på møta, og det er trangt om plassen, så vi må rekne med å ha det trangt men desto meir kjekt??? Vi tenkjer oss at vi lagar til ei symaskinavdeling og plasserer oss slik at dei som ikkje skal bruke symaskin, vert sitjande i lag ein annan stad.

På komande møte har vi også jul i tankane, så difor har vi valt å ta føre oss blomsten i denne løparen. Her er litt fakta:

Mønsteret er henta frå boka "Lappesprell" av Hanne Asplin Firman. Det heiter "Hvite julestjerner" og står på s. 51.
Teknikken er ein Crazy-logcabinliknande teknikk!
Du startar med ein skeiv likesida trekant og syr rundt og rundt, og til slutt vert dette basis for 3 stk kvadrat som du skal skjære ut.
Anne Marie har prøvd ut teknikken og vil vere rettleiar.
På bildet ser de at blomsten er i kvitt og med grøn bakgrunn. Her kan du variere bakgrunnsfargen etter eige ynskje, for den kvite blomsten passar til alt!
Ta med deg: symaskin, skøyteledning, passande stoff (stoffrestar går fint å bruke her, men har du ikkje så kjem Primula Design med butikken), skjæreutstyr, ein kvadratlinjal på td. 8" eller ca 20 cm, om du vil kan du ta med tynn vliselin til å sy på for å stabilisere arbeidet.
.....og husk quiltekoppen din!

Hexagon over alt!

2011-09-27T14:58:00.006+02:00

Hexagon i New York har DENNE bloggaren kalla innlegget sitt. Og det er interessant å sjå kva ein fangar opp av ei geometrisk form når ein er ute på reise. Gatestein og kunst, 6-kanten er over alt og går aldri av moten!

HER er eit nyleg innlegg der ho har brukt lappane til dekor på ei pute.

Bloggen heiter Diary of a quilter (dagboka til ein quiltar) og ho bur i Utah i USA. Besøk den fine bloggen hennar, og husk å legge inn kommentar!!

Håpar no at mange av medlemmane i klubben har fått smaken på desse små lappane og har sett kor mange muligheter som er med dei. Og bloggred. er like fasinert,..... så dette blir nok ikkje siste innlegg om hexagon!

Hexagon

2011-09-25T12:24:00.003+02:00

Bildet er lånt her.

På sida til Quilteposten er det ein flott presentasjon av korleis ein syr hexagon.

HER er linken.

Det nærmar seg kurs!!!

2011-09-24T08:35:00.009+02:00

Reknar med at no er mange byrja på nedteljing til eit kjekt og spennande kurs!! Kurs med Andre Wallenborg vert endeleg hos oss òg!

Neste helg er vi i gang med kurs i Veskelommebok! Eit kompakt kurs der vi får lære mange lure tips samtidig med at vi får laga oss noko som vert nyttig og brukandes!!

Kursleiar opplyser at det no er nokre få ledige plassar att på kurset, så om du har lyst til å delta, må du ta kontakt med henne snarast.

OBS! Dette kurset er også ope for andre enn medlemmane i klubben!!

Sjå info om tlf.nr på eit tidlegare innlegg.

Quiltekroken i Bergen hadde dette kurset sist haust, og der laga dei mange flotte variantar. Kikk på bloggen med bilder frå kurset HER , klikk på Veskelommebok med Andrè på venstre marg .

På bloggen til Anne Lise kan du sjå kva ho laga då ho gjekk på dette kurset. Bildet over er lånt frå bloggen hennar.

Ledige kursplassar!

2011-09-19T06:52:00.004+02:00

Det ser no ut til at vi har ledig 4 kursplassar på Wallenborg-kurset. Desse er no opne for andre enn klubbmedlemmar, så her gjeld det å være først i køen!!
Sjå innlegget frå 13. sept og ta kontakt med kursleiar Siv!

Kursvert!

2011-09-14T10:19:00.002+02:00

Vi treng ein kursvert til begge kursa i haust! Er det nokon av medlemmane som ikkje skal gå på kurs, som kan tenkje seg å hjelpe til nokre timar ein av dagane?

Ta i så fall kontakt med Siv.

Kurs med Wallenborg!

2011-09-13T08:55:00.008+02:00

Det nærmar seg kurset som mange har venta på: Veskekurs med Andre Wallenborg! Endelig får vi besøk av han i klubben vår. Helga 30.9 -2.10 vert det kurs på Stokkenes Gjestegard.

Kurstider:

Fredag 18-22

Laurdag 10-18

Søndag 10-14

OBS, OBS! Det viser seg at vi no har nokre ledige plassar på kurset!! ER det nokon av medlemmane som no vil delta, ta snarast kontakt med Siv! Frist er sett til innan laurdag 17.9. For dette kurset vert også ope for andre, invitasjon er ma. sendt til naboklubben Gloppen lappe- og quilteklubb. Etter 17.9 veit vi kor mange ledige plassar vi har for eksterne.

Er det andre som les dette og vil vere med, ta kontakt på epost til Siv:

s-eng-s@online.no eller mob. 91531479

Vi skal sy Lommebok/lita veske, og dette blir nok eit spennande og kompakt prosjekt. Første inntrykket var at dette var noko veldig lite, men når ein ser på bruksområdet, så vil ein nok bruke denne vesle veska/lommeboka meir enn andre ein har sydd i si karriere!! For om du tek deg ein tur i veskebutikkar, så ser du at den nye trenden er litt store lommebøker med plass til det meste i, og dei har akkurat denne storleiken!!

Det står også i beskrivelsen at mønsteret enkelt kan forstørrast til td. PC-mappe og anna ein kan trenge i større format.

Haust på Kattebloggen

2011-09-11T18:55:00.004+02:00

Hausten er komen, det er også mønsteret til Haustkatten på Kattebloggen.

Hexagon på maskin

2011-09-06T07:35:00.004+02:00

Desse bilda er lånt frå bloggen til Abyquilt.

Har du heller lyst til å sy hexagonlapper på maskin?

På eit klubbmøte i vår viste ma. Ingebjørg korleis ho har sydd store hexagonlappar der ho skar malar etter ein trekant-linjal (60 graderslinjal). Den same framgangsmåten finn du på den flotte bloggen til Abyquilt der ho viser dette steg for steg. Takk til henne for denne flotte presentasjonen.

Klikk HER for å komme til dette innlegget.

Oppstart på haustens klubbmøter!!

2011-09-05T18:39:00.004+02:00

Det er vel på tide å møtast att?? Sjølv om dei fleste av oss har jobba hardt i lag denne helga, så er det no eit vanleg klubbmøte i morgon.

Alle er vel spente på å oppsummere Låvemessa, det vert nok det store temaet i morgon!!
I tillegg legg vi opp til ein aktivitet som vanleg. Les meir under bildet.

Dette bildet er lånt frå "All momas quilt",

Maria i Århus i Danmark driv denne bloggen.

Bildet over indikerer aktiviteten i morgon. Dei som var på junimøtet, fekk ei innføring i måtar å sy sekskantar saman på. Treng du ein liten repetisjon, sjå på bloggen til Maria. Linken går rett til eit innlegg med steg for steg korleis ho syr sine sekskantar.

Styret har ein liten baktanke med å lære dykk dette :)!! For om du lagar deg til ein pose med lappar og maler, så har du alltid eit lite handarbeid å ta til i veska. Enten du er på tur eller på klubbmøte, ta med deg desse små bitane og sy på dei om du ikkje vil ta del i opplegg på klubbmøta. Husk at alt det du gjer, det kan inspirere nokon andre nær deg!!

Vi har valt å prøve oss på eit gjennomgåande tema denne hausten: Blomster!

Og vi har planlagt at vi skal prøve oss med ulike former og teknikkar å sy blomster på. Handsaum og på maskin!

På klubbmøtet no i september startar vi difor der vi slapp sist: Sekskantblomster!

Om du vil prøve deg på kveldens opplegg, ta med deg:

Stoffbitar til 2 blomster, du treng to fargar til 2 lag kronblad og noko som skal vere midten. (ferdig blomst er ca 10 cm)
Tynn papp til maler
Kraftig strykevliselin om du har det.
Litt fyllvatt
Papirsaks, blyant, nål og tråd som passar til stoffet ditt.

Då ynskjer vi alle velkomne til ein pratsom kveld på Stokkenes!

Ei fantastisk låvemesse!

2011-09-05T09:48:00.003+02:00

D-kor

Det er mandag i dag, og slett ingen blåmandag når vi ser tilbake på arrangementet vårt. Verre er det vel med oss arrangørar som stod på begge dagane, slitsomt men kjekt, ja så kjekt at dette gjer vi gjerne ein gong til!!

Ein kjempesuksess i eit bygdemiljø med fjøslukt og våte vegar og marker. Men folk kom i lange baner og hadde fokus på alt det vi serverte av quilta godbitar, heimelaga mat i kafeen og mange kjekke medutstillarar som vi hadde fått påmeldt eller invitert.

Stårheim songlag

Glimt frå langveggen inne i låven.

Mange flotte gevinstar frå medlemmene gjorde at det gjekk godt unna med loddsalet. Trekning vert 12. september.
Eit lite kunstutsal like ved kafeen vår.
Og inne i kafeen var det trengsel og god omsetnad på all den gode maten begge dagane.

Det kjem meir bilder frå messa seinare.

Snart Låvemesse!!

2011-08-17T16:51:00.005+02:00

Minner alle medlemmar om at tysdag 30.aug startar vi opp igjen med aktivitet i klubben vår.

Då møtest vi i Leivdalen hos Aslaug kl 18.30 og startar med å førebu det vi kan til Låvemessa som er helga etter.

Styret i arrangementet hadde møte tysdag 16.8, og det meste er no klart. Aslaug har gjort ein fantastisk god jobb så langt, så no håper vi at så mange som råd av medlemmane vil møte opp denne kvelden.

Mykje info er allereie sendt ut på epost/brev tidlegare, men det vert no høve til å sjå området og få ein grundig gjennomgang av korleis dette arrangementet skal gå føre seg. Om alle yter sitt, så vert nok dette eit spennande og kjekt prosjekt.

Vi har fått eit flott og variert utval av utstillarar til messa, så her vert det berre kvalitetsvarer å få kjøpt! Det er berre å gle seg!!

OBS! OBS!

Når det gjeld gevinstar til lotteriet, så treng vi snarast å få dei levert eller registrert. Dersom nokon ynskjer å levere til Lappestua (Siv), så er det innleveringsfrist der 24.8. Etter denne datoen vert ho bortreist. Då må gevinstane leverast på møtet den 30.8.

Det vert kaffi/te på møtet, anna å bite i tek kvar med til seg sjølv denne gongen.

Ferien over??

2011-08-06T08:45:00.003+02:00

Så er vel ferien over for mange av oss? Då er det vel på tide å ta fram att noko å pusle litt med, litt oppvarming! På siste møtet før sommaren hadde vi om hexagon, små lappar som vi kunne sy for hand og setje saman til små eller store produkt.

Dette bildet over fann eg på bloggen Simple Pleasures, her er ein fin ide til å lage små arbeid om til store på kort tid! Ved å montere ei lita hexagon-blokk på eit stoff, så kan dette fort syast saman på maskin. Faktisk ganske fint også, for kontrasten i fargane gjer at forma på hexagon kjem godt fram.

På haustens første klubbmøte håpar vi at nokon har med seg eit "hexagon-produkt" frå sommaren å vise fram. Vi skal også ta føre oss eit lite hexagon-arbeid.......

"Blåkurs" med Magnhild Tautra

2011-07-01T08:28:00.007+02:00

Blåturkomiteen hadde noko BLÅTT på lur, vi visste det var eit kurs, men ikkje kva! Magnhild Tautra hadde teke på seg å vise oss noko med handsaum, og ho hadde laga til 2 spennande prosjekt.

Stofforigami kan vi kalle dette, ei form for japansk bretteteknikk. Vi hadde fått beskjed om å ta med oss vrangsydde lappar etter eit visst mål, og her er det vi fekk til. Ser innvikla ut, men ikkje vanskeleg når vi forstod det heile!Frå denne boka er teknikken henta. Store blomster, eller kjempe Yo-Yo!

Enkelt å lage og effektfullt med mange i lag.

Flotte lokaler i skulen i Tresfjord! Her møtte vi 7 quiltedamer frå Vestnes! Vi hadde også "Vis og fotell" for kvarandre, det kjem i eit anna innlegg.

Magnhild hgadde laga dette teppet og eit anna med 4 x 5 blokker, dekorativt! (Bildet kjem seinare)

Den blå reisa del 2

2011-07-01T07:53:00.009+02:00

Årets blåtur gjekk til Vikebukt i Vestnes kommune, der Haldis hadde invitert oss til garden der ho har vakse opp. Turen varte frå fredag til søndag, og då hadde ho ordna med overnattingsplassar i 3 hus som alle hadde tilknytning til garden og låg nær kvarandre. Utruleg flott opplegg! Haldis og Elna hadde planlagt godt for denne blåturen, dei rekna ikkje med sommarlege dagar, så eit langt partytelt var sett opp på gardstunet.

Fredag kveld var det grillmat til kvelds, i dette flott pynta teltet med fine quiltar og lys.

I dette teltet åt vi også frukostane i lag både laurdag og søndag.

Utsikt frå loftglaset i det raude eldhuset. Her går sola ned bak Moldefjella.

På loftet på Eldhuset var det ei lita leilighet med kjøkken, stove og 2 soverom. Her i stova kosa vi oss der vi sat tett i tett. 12 stk var vi, og alle fekk plass!

På Vikesetra har familien til Haldis denne hytta.

Sjå kor flott utsikt! Her kan ein virkelig dra pusten og nyte alt rundt seg! Rett over fjorden her ligg Molde.

Haldis og Ingun. I bakgrunnen her ligg Vestnes med Tomrefjorden lengst bak.

Søndag ettermiddag etter ein lang fjelltur på setra, var det restefest-lunsj!

Foreldra til Haldis var i lag med oss søndag ettermiddag, dei spanderte marsipankake på oss til kaffien, den var nydeleg!

Utsikt frå garden mot Vestnes.

Gardstunet der teltet stod. Her er vi i full sving med å ta ned teltet, og det tok ikkje lang tid å rydde opp når vi var så mange flittige maurar!

Før avreisa var underteikna ned i strandkanten og kika, eit fint område med vidt utsyn mot Moldefjorden og Vestnes.

Takk for at vi fekk komme til denne nydelege plassen Haldis! Og takk til både Haldis og Elna for ein godt organisert blåtur!

Den BLÅ reisa!

2011-06-30T08:46:00.002+02:00

Ein liten forsmak av det blå, for desse bilda er frå mobilen, difor SÅ blå! Meir bilder kjem snart.

Frå ferjekaia i Liabygda ved heimreisa søndag.

Nydelige hexagon-blokker

2011-06-28T17:40:00.004+02:00

Må berre få vise dykk at det er mange som syr hexagonlappar! Geta i Romania har laga desse flotte blomsterblokkene. Ho skriv i bloggen sin at quilting ikkje er så kjent i hennar land, så ho gledar seg over alt det fine ho finn på internett.
(bilda er frå Getas blogg)

HER er link rett til innlegget om hexagonlappane.

Andre innlegg finn du HER og HER og HER

No håpar eg at det er mange klubbmedlemmer som sit og kosar seg med handsaum av små eller store hexagonblokker! Og husk å lage til så du har med deg i veska di om du skal ut på ei reise i sommar!

Eit lite quilteeventyr.....

2011-06-22T14:11:00.004+02:00

Vi quiltarar har det ofte eventyrleg, vi reiser i opplevingar og flotte synsintrykk. Og når vi finn fine stoff i quiltebutikkar, så kjøper vi dei ofte impulsivt, for vi er akkurat som Askeladden som seier "Eg fann , eg fann!" og til seg sjølv: "Det er kjekt å ha, det kan komme vel med ein gong..." Men innimellom når ein tenkjer litt attende over ting som har skjedd, så er vi ofte med å skape våre eigne eventyr.
I siste nr av Norsk Quilteblad s 44 finn de eit lite eventyr frå virkeligheita, skrive av underteikna. Før nyttår fekk klubben vår ei henvending frå Norsk quilteforbund om vi ville skrive litt om prosjektet vi hadde gåande i klubben med Kalenderblokker og Kalenderbloggen vår. Vi tok imot utfordringa og sende inn tekst og bilder av arbeid som medlemmane har laga. No er dette kome på trykk og fine bilder er sett inn på sidene. Det er Elna som har laga dei 12 blokkene over teksten, dei 4 andre har eg ikkje eigarnamn på enno.(ta kontakt om eg skal setje inn namnet ditt) Så takk til alle medlemmane som engasjerte seg og deltok, og viste fine arbeid til fotografen. Eg tek gjerne imot fleire bilder av blokker som eg kan legge ut på Kalenderbloggen!
Teksten til eventyret skal eg også legge ut der, slik at dei som ikkje har bladet, får lese eventyret om oss! HER er link til teksten.

Nedtelling til blåtur!

2011-06-21T08:05:00.005+02:00

No kan vi snart berre telje timar til årets blåtur startar, fredag 24.6! Om tre dagar, eller under 100 timar, ja så er mange av medlemmane i klubben på reisefot! Med sovepose, kle for ei helg og nødvendig utstyr( det er sjølvsagt sysaker og noko handsaumsarbeid....) så legg vi i veg til målet vårt. Eitt av medlemmane i klubben vår er frå denne plassen som er blåturmålet: Vikebukt! I lag med eit anna medlem har ho laga til eit opplegg til denne helga. Noko av det som skal skje veit vi, men der er òg noko som er i det BLÅ, så dette skal bli spennande!

Og til dei som skal vere med på turen, husk fotoapparat, sovepose eller sengkle og elles må de lese på infoarket som dei to arrangørane har laga til.

Bilda er henta frå kartsøk på internett, eit vanleg kart over kvar Vikebukt er plassert i Møre og Romsdal, finn du HER.

Då ynskjer vi oss sjølve ein god tur nordover, bilder skal nok komme på bloggen i etterkant!

Eit lite kunstverk

2011-06-20T08:25:00.008+02:00

På bloggen til Barbros lille atelier var denne kunstneriske fuglen. Enkel å sy , men veldig dekorativ på rett plass.

Motivet er brukt som dekor på veske eller som vist her, eit hjerte med fuglen som blikkfang. Enkelt men nydelig. Dette hjertet sel ho på nettbutikken sin, den finn du HER.

Om nokon har lyst til å sy noko liknande, så har ho lagt ut framgangsmåten steg for steg på eit innlegg, du finn det HER. Takk til Barbro for inspirasjonen.

Rose

2011-06-19T09:27:00.002+02:00

Ved ei lita surferunde på bloggar til andre quiltelag, kom eg over mønster til denne nydelige rosa på bloggen til Sandefjord quiltelag. Takkar så mykje for eit fint tips!
Mønster til denne rosa som er laga av mange lyse og lett stoffrestar, finn du HER.

Viss det er nokon av medlemmane som lagar denne rosa i sommar, så send meg eit bilde av den og eg vil legge den ut på dette innlegget. Så om det er dårleg sommarver ute ein dag, så kan du pusle med roser innendørs!!

Lag HEXAGON-maler

2011-06-18T19:15:00.004+02:00

(alle bilder er henta frå internett)

Slik lagar du dine egne maler til å sy Hexagon-lappar!

Opne Word

Klikk på "Sett inn", peik på "Bilde" og velg "Autofigurer" på lista som kjem fram.

Peik på dei ulike symbolgruppene som blir vist og velg "Grunnfigurer".

Du ser no 6-kantforma, klikk på den og du får "Opprett tegningen her" på arket.

Du får et + i bildet, hold ned venstre musetast og dra til ønska størrelse.

OBS! Du kan ikkje legge inn mål og få en viss str, og du må prøve deg fram slik at alle sidene vert like lange.

Når du har fått ønska størrelse, klikkar du på høgre musetast, velg kopier og lim inn mange gongar. Deretter er det berre å klikke på 6-kantane og rydde opp, dvs å dra dei på plass så dei ikkje overlappar kvarandre.

Har no forklart etter beste evne, men har du spørsmål, så send epost eller legg inn under Kommentarer. SYTIPS!

Med få sting kan du feste stoffet fast rundt 6-kanten (sjå bildet under)

Du kan sy tvers igjennom den tynne pappen, dette er lurt om du har små maler.

Du kan bruke binders.

Du kan bruke maskeringstape.

Du kan bruke spesiell lim/limstift som du får kjøpt i quiltebutikken.

Sommarkatten

2011-06-06T07:36:00.001+02:00

No er sommarkatten komen på plass på Kattebloggen!

Junimøte

2011-06-06T00:44:00.005+02:00

Det er tid for sommaravslutning og koselig klubbkveld tysdag 7.6 på Stokkenes gjestegard. Men vi legg ikkje handarbeidet bort fordi det vert sommar vel???
Aktiviteten uteblir ikkje denne kvelden heller, temaet er HEXAGON(sekskantar)!
Vi har tenkt å gje dykk litt idear og inspirasjon til koselig sommararbeid. Eit lite eller stort arbeid, det er det du som bestemmer. Men du skal få nok tips til at du alltid kan ha eit lite syarbeid på lur, i lomma kanskje? På fjellturen eller ute i hagen? Det er utrulege muligheter med desse små sekskantane, nokre lagar dei mikroskopisk små medan andre syr dei på maskin.

Vi legg opp til handsaum denne kvelden, så ta med sysaker, stoff i sommarlege fargar, stoff- og papirsaks og limstift.

Husk også å ta med det du har laga siste "Quilteår" til utstillinga vår!

Quiltekafe

2011-05-01T22:58:00.004+02:00

Det er blitt mai, og tysdag 3.5 er det klubbmøte med Quiltekafe.

Temaet på dette møtet er Buggy Barn igjen, vi vil at dei som held på med blokker til "Tepper som varmer" tek desse med, og dei som ynskjer å sy på desse har høve til å ta med symaskin. Er det blokker som er ferdige, så ser vi på dei og korleis dei skal monterast. Her er det mykje arbeid for mange, og vi håper at alle vil ta del i dette på ein eller annan måte.Det er også høve til å sy på eigne blokker, og vi lærer teknikken av kvarandre.

Det vert som vanleg også "Vis og fortel", men denne gongen vil vi endre litt på visinga. Vi ynskjer at mange tek med seg quiltar til å henge opp på "Snora" vår, men når det kjem til Vis og fortel, så vil vi at kvar utstillar tek fram 1-2 produkt dei vil seie noko om. Det kan td. vere kvar ideen kom frå, mønster, tips til å dele med andre mm.

Tepper som varmer

2011-04-18T13:57:00.005+02:00

Det ser ut til at medlemmane våre syr litt i påskeregnet! I dag kom dette bildet på epost frå Randi, ho har prøvd ut eit av motiva i ei av våre Buggy Barn-bøker. Kjempefint teppe, takk til henne for innsatsen så langt.

Er det fleire som har tepper som blir ferdige, så er det berre å sende over bilder, så blir det litt nytt i påska her på bloggen òg.

Låvemesse

2011-04-17T07:50:00.007+02:00

Då er det annonsert,.....LÅVEMESSE, vårt neste store prosjekt!

(Bildet er frå annonse i Fjordabladet 14.4)

Første helga i september skjer det, og då håper vi at det er mange som melder seg med flotte heimelaga produkt.

OBS! OBS!

Vi ynskjer ikkje berre quilta ting, så her er det rom for både strikk og trearbeid, etandes varer,... det er berre å komme med presentasjon av det du vil lage og selge. Og det er ope for alle, ikkje berre medlemmer i klubben. Så det er berre å bringe invitasjonen vidare til dei som lagar spennande produkt.

Styret i Låvemessa vil etter påmeldingsfristen velge ut dei som skal få delta, dette på grunn av både plass og kvalitet.

Vi er i gang!

2011-04-10T07:38:00.007+02:00

(Laga av Tiril sol)

Ja! Vi er i gang med "Tepper som varmar". Takka vere flittige medlemmer som har jobba på eiga hand, har vi allereie no fått sjå ferdige produkt som skal gå til dette prosjektet. Laila U P med bloggen Tiril Sol har vore initiativtakar til dette, og ho har allereie sydd 5 tepper etter det ein kan sjå på bloggen!! Nokre av dei viste ho på siste klubbmøte, og fortalde at dette var ein fin måte å nytte gamle ufoar på. Nokre av bilda i dette innlegget er lånt frå bloggen hennar. På klubbmøtet i april fekk medlemmane høve til å tegne av og skjære/gjere klar denne blokka til Sommarfugl i Buggy Barn-teknikk. Vi har fått ein del stoff frå Olaugs Quilt, no vert desse stoffa snart til endå fleire tepper til prosjektet.

(over og under laga av Tiril Sol)

Også Mallemor har funne fram ubrukte lappar og sydd eit teppe til prosjektet.

(Laga av Mallemor)

På klubbmøtet inviterte også Ingun i Primula Design til sying når ho har kurskveldar tirsdagar på Stårheim skule. Følg med på bloggen hennar eller ta kontakt med butikken for å få meir info.

Aprilmøtets "Vis og fortel"

2011-04-09T06:32:00.009+02:00

Snart påske, løper i flotte mønster i ein diskret farge!

Mange flotte vesker frå kurset "Postveska" med Bente Malm

Quilterens hurtigkake!

2011-04-08T07:17:00.014+02:00

Dette er den gode brownieskaka som vi også fekk på siste klubbmøtet. Red. tok kontakt med denne bakaren også. Og gled dykk! Bakaren hadde hatt ei hektisk veke i forkant av møtet, og valet fall på ei "posekake"! Med kun tilsetjing av margarin og vatn! (merket er truleg Toro eller Møllerens) Til ei slik plate er det brukt 2 pakkar. Så då er det berre å gå i butikken og handle, husk å kjøpe vaniljeis også, for det var godt med is attåt. Og då har du god tid til å sy , og ta deg ein kaffipause med kake..... Det kom likevel ei ekstra oppskrift frå denne kakebakaren, for på kurset "Postveska" med Bente Malm, hadde ho med ei god sjokoladekake òg. Denne oppskrifta deler ho no med dykk.Tusen takk for den Linda!

SOAKED CHOCOLATE CAKE

400 gram smør 4,5 dl vann 6 ss kakao 9 dl sukker 1 beger rømme (3 dl) 4 egg 2 ts natron 9 dl hvetemel

GLASUR

100 gram smør 6 ss melk 5 ss kakao 2 ts vaniljesukker 350 gram melis Sett ovnen på 200 grader. Ha smør, vann og kakao i en stor kjele og varm det opp til smøret er helt smeltet. Rør til en jevn masse. Rør inn sukkeret og pisk inn rømmen. Pisk inn ett og ett egg om gangen, rør så inn mel og natron og rør alt til en fin deig. Ha deigen i en stor papirkledd langpanne og stek den i ca. 30-50 minutter (midt i ovnen). Ikke la den stå for lenge,- i min ovn er den ferdig etter 30 minutter. Skal være litt våt. Sjekk med en kakenål om den er ferdigstekt. Ta kaken ut av ovnen og prikk den STRAKS med en gaffel over hele kaken så du får masse små hull overalt. Hell over den VARME glasuren (den lages ved å smelte smøret og blande inn det andre og røre alt godt sammen til en glatt glasur) og bre den godt utover. Den vil renne nedi hullene og gjøre kaken bløt. La kaken avkjøles i kjøleskapet til den er HELT kald. Ta den ut og skjær den i pene firkanter.

Kakesnadder på quiltemøte!

2011-04-05T23:16:00.007+02:00

På siste quiltemøte var denne kaka ei av mange gode freistingar. Ein nytelse attåt kaffien, og bakar Ingrid gjekk på oppfordring rett heim og sende oppskrifta si! Takkar så mykje!

Peanøttkake:

Botn:

3 eggehviter

3 dl sukker

2,5 dl peanøtter

20 stk Ritz kjeks

Sjokoladefyll:

60 g margarin

100 gr melkesjokolade

2 ss kaffi

3 eggeplommer

3 ss sukker

Pynt:

3 dl kremfløte

3 ts sukker

Peanøtter

Slik gjer du:

Pisk eggehviter og sukker.

Peanøtter og Ritzkjeks knuses og blandes i eggehviten.

Kaken skal stekes i rund form.

Stek på nederste rille i 30 min ved 175 grader.

Sjokoladefyll:

Smelt smør og melkesjokolade og bland med 2 ss kaffe.

Eggeplommer og sukker piskes.

Bland alt sammen og avkjøl.

Sjokoladefyllet skal oppå den stekte, avkjølte kaken.

Pynt:

Pisk fløten stiv med sukker.

Pynt kaken med kremfløte og strø peanøtter over.

Vårlig klubbmøte!

2011-04-02T07:59:00.003+02:00

Det er april, og så snart som vi blar om kalendaren til ein ny månad, ja så kjem klubbmøtet vårt like etter! Komande tysdag 5.4 er det igjen tid for å møtast til felles "kos og inspirasjon". For no er vel snøen borte og vi kan sjå mot meir sommarlege aktivitetar og motiv???Temaet denne gongen er som bildet viser, "Buggy Barn Sommarfugl". Mange har både sett og høyrt om den før, men no skal vi gå grundigare til verks. Dei som ynskjer det, vil på møtet få utdelt mønster til denne fine blokka. Tanken bak det heile er at du skal få lære korleis ein kuttar og syr den, slik at du kan bidra med å sy slike blokker til prosjektet vårt "Tepper som varmar". Og så syr du gjerne nokre blokker til deg sjølv òg då sjølvsagt..... Planen er då at vi skal tegne av mønsteret på frysepapir, og så lære å kutte opp stoffet, for så å mikse fargane så det vert klart til samansying. Det vert også tips om korleis ein best oppbevarer dei kutta blokkene slik at dei ikkje "går i surr" før du skal sy dei. Vi skal ikkje ha maskinsaum på møtet, så ta gjerne med deg eit anna "handsyarbeid" i tillegg. Vi startar med å bruke gratisstoffet som vi har fått til prosjektet frå Olaugs Quilt, men om nokon også vil starte å kutte opp til seg sjølv, er det også høve til det. Dess fleire stoff, dess fleire flotte blokker får vi sjå! Det du treng å ha med er:

Blyant, linjal og papirsaks

Skjæreutstyr

Stoff med minstemål 40x45 cm om du vil kutte eigne blokker

Knappenåler?

Eit laken eller eit stort stoffstykke dersom du har med eigne stoff til kutting.

Du vil få eitt ark frysepapir av klubben, men treng du mykje, så bør du ta med til eige bruk.

Knappenåler!!

2011-04-01T20:56:00.003+02:00

På bloggen til Northern Quilts er det eit flott innlegg om ulike KNAPPENÅLER! Så no finn de god info om ulike nåler til ulikt bruk,.... ei nål er ikkje berre ei nål!!!

(bilda er henta frå google-søk!)

Welcome home!

2011-03-28T19:19:00.004+02:00

Mønsteret til dette koselige bildet finn du i bladet Quiltposium si utgåve for Spring 2010 s. 129 . HER ligg direktelink til PDF-fil med mønsteret, håper det går ok å få det fram for alle. Viss ikkje må de registrere dykk og gå inn på bladet sine sider. Sjå då info under forige innlegg.

Quilteblad på nett!!

2011-03-28T17:15:00.007+02:00

Ei gladnyheit!! Eit nytt quilteblad på nett! QUILTPOSIUM! Det er gratis, har mange sider og du slepp å gå ut av huset ditt for å skaffe deg eit nytt blad!! Ja du les rett! Oppdaga dette på ein blogg i dag, så dette måtte testast ut. Sjølvsagt er ikkje dette som å sitje med bladet i handa, og når bladet er på 184!!!!! sider, så tek det litt tid. Ikkje heilt enkelt å bla fort i slike blad heller..... Minuset er at det er på engelsk, men kanskje det ikkje det gjer så mykje??? For både bilda og tala er "på norsk"!! For å kunne gå inn på sida, må du registrere deg, men det er enkelt og altså gratis. Du lagar deg eit namn og legg inn epostadressa di. Når du har registrert deg, klikkar du på "Read the magazine" i det blå feltet på startsida, der skriv du inn namnet du har registrert deg med, og så er det berre å lese og sjå!! (om du vil lese den vesle skrifta betre, klikk på sida og forstørr ved hjelp av forstørrelsesglaset som ligg i systemet) Om nokon kjenner til fleire slike gratisblad, så må de gje beskjed!! Og når du har lese ferdig dette bladet,.....så er der 6 tidlegare utgåver å sjå i! Du finn dei i margen heilt til venstre på sida! (MEN... kvifor er det ein mann på alle framsidene av dette bladet?????)

Asterisk blokk!

2011-03-25T10:37:00.003+01:00

For den som lurer, så er dette ei asterisk blokk, og under her ser du ein Asterisk quilt! Så har vi lært det!! Underteikna har iallefall ikkje høyrt dette namnet før, så vi blir visst aldri utlært i denne store quilteverda. Men det er tydeligvis ikkje noko ny oppfinning, for det finst mange fine quiltar i denne teknikken, det er vel berre slik at ein ser kor fint det ser ut og tenkjer ikkje på namnet.

Dette teppet ser så lekkert og vårleg ut , akkurat det vi treng å nyte synet av no, og kanskje begynne å sy også??? Husk at søndag går vi over til sommartid, og då er det berre å setje i gang og bruke dei lyse fine stoffa!

Desse bilda er lånt frå bloggen "Selvage blog" til amerikanske Karen Griska
Litchfield, Connecticut, United States , HER finn du alle innlegga ho har laga om denne teknikken.
Ho har også lagt ut bilder og omtale av korleis du syr blokka, du finn det blant innlegga, eller gå direkte HER.

Endå eit sytips...

2011-03-24T16:39:00.002+01:00

Under dagens surfing på bloggar dukka dette flotte tipset opp! På bloggen til LisaSol er ein skråbandbrettar brukt til å lage snorer til ein sydd pose. Takkar henne for tipset!

Sytips

2011-03-23T06:59:00.004+01:00

På bloggen til Leka-quilt er det lagt ut ei flott forklaring til korleis ein syr botnen i ei toalettveske ol.

(bildet er frå bloggen til Leka-quilt)

HER finn du linken.

Minner om.....

2011-03-22T17:31:00.003+01:00

I DETTE innlegget i februar står det om kursinvitasjonen vi fekk frå naboklubben vår i Gloppen. Det er eit kurs med danske Bettina Andersen og går føre seg 25.-27. mars, altså komande helg. Er du lysten på kurs no i ruskeveret, så er dette ein oppkvikkar for oss syglade. Kontakt klubben snarast om du vil hive deg med!!

Det er mykje truleg at dei enno har ledige plassar!

På heimesida til Bettina Andersen ligg det link til ein video om henne: "På tomannshånd med Bettina Andersen"

Klubbmøte mars 2011

2011-03-22T12:57:00.009+01:00

Denne veska er sydd av ein løpar!!

Nydelig kjole!

Mønsteret til denne finn du i Quiltemagasinet nr 1/11

Buggy Barn!

...og Buggy Barn!

Klubbmøte februar 2011

2011-03-22T08:20:00.006+01:00

På dette møtet hadde vi med oss vesker til utstilling, her var det både nye og gamle. Kjekt å sjå!

Sjå kor flott det vert når ein utnyttar fargespelet i balistoff når ein quiltar mønster!

Cafe la søm!

2011-03-20T08:23:00.005+01:00

(bildet er lånt frå Cafe la søm!)

Cafe la søm ..eit flott namn på quiltelaget i Sauda. Vi har ikkje hatt dei på lista vår før, så ta gjerne eit besøk på bloggen deira og sjå kor dei kosar seg med både quilting og god mat!!

Arna quiltelag er også ny på lista vår.
Har funne desse to på Norsk quilteforbund si oversikt over lag.
Er det nokon som oppdagar fleire lag som ikkje er på lista vår, så gje beskjed!

Avlyst kurs!

2011-03-17T11:48:00.006+01:00

På grunn av lite påmelding, er kurset "Eg vil bygge meg ein by" v/Siv Smørdal avlyst. Det vil då bety at det ikkje vert fleire kurs før sommaren.

Men vi skal ikkje gå mot sommaren utan å ha lært noko nytt likevel.
På dei 2 neste klubbmøta vert temaet "Sommarfuglblokk" i Buggy Barn-teknikk, og om vi får det til, så lagar vi kanskje til ein sylaurdag til dette prosjektet. Dei som var på siste medlemsmøte, fekk info og planer rundt prosjektet "Tepper som varmer", og tanken er at mange av desse fine Buggy Barn-blokkene vil egne seg til flotte tepper til barn.

Denne flotte sommarfuglen er lånt fra dette innlegget på bloggen til Primula Design.

Meir info om "Tepper som varmer" finn du på innlegget frå 5. mars eller klikk HER.

Sytips

2011-03-16T12:59:00.003+01:00

(Bildet er frå bloggen til Ritas handarbeid)

Lurer du på å sy Annas Sminkepung, eller noko liknande? Her er ein flott bildebeskrivelse av framgangsmåten. Gode tips å hente HER! (Ritas handarbeid)

Inch...cm...yard..fat quarter???

2011-03-15T10:53:00.005+01:00

(Bildet er lånt fra sida til Northern Quilts, hos dei måler Fat Quarter 46 x 55 cm! )

Forvirra over alle mål som ikkje er cm?? Du er nok ikkje åleine om det, her er nokre tips til korleis og kvar du finn hjelp.

På sida til Quilteposten finn du ei side for automatisk omregning der du legg inn dine tal i cm eller inch og får servert svaret.

Her er ei liste frå sida Purse Patterns, (også mange gratis mønster der)

Some Basic Fabric Conversions:
•15 cm. - 20 cm. = 1/5 yd.
•25 cm. - 30 cm. = 1/3 yd.
•50 cm. = 5/8 yds.
•40 cm. - 45 cm. = 1/2 yds.
•55 cm. = 5/8 yds.
•60 cm. = 2/3 yds.
•65 cm. = 3/4 yds.
•75 cm. - 80 cm. = 7/8 yd.
•90 cm. = 1 yd.
Fat Quarter Measurements -

Fat Quarters - 18" x 22"
Fat 16ths - 9" x 11"
Fat 1/8ths - 11" x 22"

Jelly Rolls - usually sold in packs of 40, these are 2 1/2" by the width of the fabric (44" - 45")

Layer Cakes - Usually sold in packs containing 40, these are 10" squares of fabric.

Fann dette om FAT QUARTER , men v/googling av dette verserer det litt ulike mål på dette!

Fat Quarter ( ca 18" x 21" ; 45 cm x 55 cm).

A Fat Quarter is a one-fourth yard cut of fabric that (usually) measures 18" x 22" (approx. 46 cm x 56 cm)

Så kva er nøyaktig rett mål på FAT Quarter??? Legg gjerne inn kommentar om nokon har det endelege rette svaret på både inch-størrelsen og måla i cm!

Etter Quilteposten si omregning vert 18 x 22 " 45.7 x 55,9 cm!!! NØYAKTIG!!

Teknikkvideo nr 2, "Log cabin"!

2011-03-14T06:34:00.003+01:00

Her viser Bente Vold Klausen korleis ein kan sy "Log cabin" på ein rask måte.

Teknikkvideo!

2011-03-13T07:01:00.008+01:00

Her viser Bente Vold Klausen, red. i Quiltemagasinet, gode tips til kutting av stoff!

Vestlandstreff 2011

2011-03-12T08:35:00.006+01:00

HER finn du info om årets Vestlandstreff!
Det vert i Ålesund 7.-9. oktober på Rica Parken hotell og arrangør er Ålesund og omegn quiltelag.
Dei har laga til 8 ulike kurs, der nokre av kursa går som dagskurs. Positivt!! Besøk bloggen og les meir om kursa der.
Påmeldingsfrist er 4. mai!

Lukkekant!

2011-03-07T17:07:00.007+01:00

(bildet er frå bloggen Ritas handarbeid)

På siste klubbmøte no i mars, var temaet "Sying av Lukkekantar" og Torunn demonstrerte dette for mange interesserte. Ho hadde også laga eit flott oppsett med innsamla info om ulike måtar å sy lukkekantar på. Dette arket vart delt ut til medlemmane på møtet, men er det fleire av medlemmene som ynskjer eit eksemplar av dette, så kan du ta kontakt med Torunn eller bloggred. så får de dette arket på neste møte.

Under litt surfing på bloggar kom red. over eit innlegg med flotte bilder som viser sying av lukkekant steg for steg . Bloggen "Ritas handarbeid" hadde dette innlegget, har lånt bildet frå denne bloggen og HER kjem du til framgangsmåten.

Postveska

2011-03-06T16:43:00.006+01:00

Årsmøtekurset vårt i år var "Postveska" med Bente Malm. 19 deltok på eit svært vellukka kurs, og mange gode teknikkar og tips fekk dei lære av henne. Og mange vart ferdige med veskene sine i løpet av kurset.

Bildet over og under er Bente sine modellar.

Og som de ser under her, så vart her laga mange like men likevel ulike vesker med personleg preg på.

Matgilde på kurs!

2011-03-06T16:19:00.008+01:00

Eit vellukka kurs med Bente Malm/"Postveska" er over, og alle 19 på kurs er truleg både mette og fornøgde med kurset!! For maken til samling av fristande rettar skal ein leite lenge etter. Ein var einige om at alle skulle ta med litt mat til kursdagane, men då alt stod framme, såg det meir ut som feiringa av alle VM gulla! Spekemat og laks, salatar, brødmat og godt pålegg stod på rad, og så litt søtt attåt. Vi hadde kursvert begge dagane, og det såg ut som kursdeltakarane sette pris på å bli bedne til festmåltid. Så takk til alle som gjorde kurset til ein minnerik helg! Og dagen i dag fekk ei flott avslutning for nokre av oss som stod med hovuda tett i hop over ein mobil med radio og vi fekk følgje siste innspurt på 5-mila! Hurra for ei flott helg og Northug sitt gull!!

Denne platekaka har Linda laga, ho har lova å sende oppskrift! Då kjem den her!

Betsy kom med desse fristande rullane, dei er laga slik:

Tortillalefse
Eit lag med snøfrisk
Ruccolasalat
Eit lag med spekeskinke
Rull sammen og kutt i bitar.

Her var det ein gong ein spesiell rett som likna på kabaret, og som de ser så var den god, for den er borte vekk! Solfrid har laga den.

Slik lagar du den:

Til ei stor brødform treng du:
2 pk sitrongele, bruk litt mindre vatn enn det som står på pakken.
Finraspa gulrot
Ananasbitar frå boks!
Epler i bitar
Framgangsmåte: du treng ikkje å ha gele i botnen på forma. Legg lagvis raspa gulrot, eplebitar og ananas, slå geleen over,(litt avkjølt)
Då - er det berre å vente .

Makaronisalatar i fleire skåler,..."heilt vanlig salat", sa Aud S!

Omtrent slik lagar ho den:

Makaroni
Skinke
Sylteagurk
Mais
Majones og rømmeblanding
Litt saft frå maisboks
Litt sitronsaft
salt og pepar

Nokre salatar hadde også eple og purreløk i.

Her er Haldis sin salat:

5 dl makaroniskruar
1 bx bogskinke
1 bx ananas i biter m/saft
1 purre
1 bx mais
litt druer

Dressing:

1 bx rømme
1 pk majones
litt ananassaft?
pepar?

Til slutt ei etterlysing frå ein kursdeltakar:

Ho saknar eit nøkkelknppe med ca 3 nøklar på, har nokon funne dei blant stoffa sine, så ta kontakt med bloggred. snarast!

Kattebloggen

2011-03-05T20:17:00.003+01:00

Har no lagt ut bilder av ferdige vinterblokker på Kattebloggen.

Tepper som varmar!

2011-03-05T18:14:00.005+01:00

Sydd av Randi Røys (privat eige)

På siste styremøte og på medlemsmøtet no i mars er vi blitt einige om å starte på prosjektet "Tepper som varmer". For dei som ikkje kjenner til dette, så er dette eit dugnadsarbeid der vi syr tepper og gjev til barn som ligg på sjukehus. Mange klubbar har engasjert seg i dette, og mange barn ved dei store sjukehusa har fått slike tepper.
Vi diskuterte kven som vi skal ta kontakt med, og no er vi truleg i gang med vår plan.

Laila P har teke initiativ til eit samarbeid med Lions i vår kommune. Dei har samarbeid med Lions i Litauen, og vi har fått vite at vårt initiativ vil truleg glede mange barn der. Samarbeidet pågår, meir info vil komme her når vi veit meir. Men takk til Laila som har jobba fram dette så langt.

Planen vår er no slik:

Vi har fått nokre meter gratis stoff frå Olaugs Quilt til dette prosjektet, det takkar vi firmaet så mykje for!
Det er mogleg at firmaet Per Olden sponser vatt, dette får vi vite etter årsmøtet til Norsk Quilteforbund.
På medlemsmøtet i april vil Randi Røys vise oss korleis vi syr blokka til "Sommarfuglteppet" til Buggy Barn. Vi har då tenkt at dette er eit flott motiv som vil passe fint til barnetepper.
Vi arrangerer ein sylaurdag eller sysøndag no i vår, då møtes vi og syr blokker både til oss sjølve, og så blir det også litt til teppeprosjektet.
Så håpar vi òg at medlemmane rundt om i distriktet grupperer seg og syr litt i lag, og kosar seg med dette tiltaket.
Om vi får det til, så kan vi ha ei utstilling til hausten når vi skal arrangere Låvemessa vår!
Dersom samarbeidet med Litauen går i orden, så vert teppa truleg overleverte der rett før jul.

Sydd av Randi Røys (privat eige)

Årsmøtehelg!

2011-03-05T18:04:00.002+01:00

Velfortente blomster til dei som gjekk ut av styret.

Eit vellukka årsmøte er vel i hamn! Det var godt frammøte til fellesfrukosten vår på hotellet, totalt var vi 23 som kosa oss i 1,5 time med nydelig mat.
Litt fleire var vi då årsmøtet byrja, og som vanleg er vi flinke til å diskutere saker som gjeld aktiviteten i klubben vår. Og heldigvis klarer vi også å verte einige!

I år har valnemda jobba godt, for 3 gjekk ut av styret og dei klarte å skaffe nye i alle verva.
Leiar Inger Lise Strand, kasserer Ann Margret Myklebust og kursleiar Aslaug B Alsaker gjekk ut av styret.
Desse nye kom inn:

Leiar: Anne Marie Holsvik
Kasserer: Laila S. Brekke
Kursansvarleg: Siv E. Smørdal og Inger Lise Strand

Snart VÅRMØTE!!!!

2011-02-25T19:06:00.004+01:00

På forige quiltemøte vart mønsteret til denne påskeharen delt ut, og vi tok føre oss ulike måtar å applikere på.

No fortset vi på dette bildet, og på komande møte skal vi ta føre oss korleis vi kan quilte dette for hand. Vi håpar at butikkane våre Primula Design og Lappestua har med seg nyttig utstyr til dette for salg, og kanskje har dei også gode tips til oss om teknikk?

I tillegg tek vi føre oss korleis ein kan sy fine lukkekantar, .......så då ligg vel alt til rette for at du kan få påskebildet ditt ferdig i tide!!!

Om du ikkje var på siste møte då mønsteret vart delt ut, så kan du laste det ned her og sy det i helga! (Du rekk det fint, for det er meldt godt syver!!)

Eit lite onsdagskurs??

2011-02-20T10:32:00.006+01:00

Vil berre tipse om at komande onsdag, 23.feb, så har Primula Design ein liten kurskveld på Stårheim skule.
Det er ope for alle, inga påmelding, så det er berre å møte opp.
Ho startar kl 18.30, og sluttar vel ut på kvelden ein gong!!!

Denne kvelden demonstrerer ho bruk av stempel og strykemotiv.
Kurskvelden koster kr 150.- pr. kveld då tar du
med symaskin og alt tilbehør ellers har ho med seg, pluss stoffkoffert.
Dei som vil kan få sy enkel lyspose m/blonder for kr.50--...passer også for dei unge
då låner dei maskin av Ingun.

Søndagsopen quiltebutikk!

2011-02-16T19:43:00.005+01:00

Bilda er henta frå heimesida til Lappestua.

Det er vår i vente,.........iallefall hos Siv på quiltebutikken Lappestua på Nordfjordeid. Komande søndag opnar ho dørene og har vårgale tilbod på stoffa sine.

Her er klipp frå invitasjonen frå henne:

STAD: Butikken på Nordfjordeid
TID: NB! NB! Søndag 20. februar 2011 NB! NB!
kl 14.00 til kl 20.00

Menyen er kopiert frå fjorårets suksess:
FERSKE VARER !

Stoff frå rull- ”smaksett” med årets aller lavaste prisar.
Symaskiner- enkelte lagerførte modellar -20%
Bøker og Mønster ”enormt” utvalg av Amerikanske mønster
- og litt Norske også.
Smått og stort som vi ”sydamer” har bruk for

Denne dagen er nesten alt i butikken prisa slik at det grenser til GALSKAP!!!!