Oktobermøte

Minner om at det nærmar seg klubbmøte igjen, tysdag 6. okt håper vi på å møtast mange på Klubbhuset.

Elin Grinde viser oss korleis vi kan lage ein klemmepung, så ta med symaskin dei som vil prøve dette. Ein kan også lage brillehus av same type klemmer. Elin kjem nok med nokre modellar som vil kan studere, så no håpar vi at mange vil være aktive denne kvelden og sy. (OPPFORDRING!!)

Ta med stoff om du har noko du vil bruke, men våre trufaste butikkar dukkar nok opp også denne gongen med fristande varer!

Under her har eg limt inn nokre bilder frå Internett.

Dei 2 øverste bilda er mønsteret frå Bente MalmDesse er henta fra denne bloggen

Ein annan variant er henta her.

Mønsteret til desse 2 siste bilda stod også i Quiltemagasinet 5/2007.

Slik ser klemmene ut før dei blir monterte i "syarbeidet".

Dei som har prøvd dette før må gjerne ta med seg sine modellar og vise fram!!

Brummunddal,...har du vore der???

Endå eit reisebrev frå Mariann, frå aust denne gongen også!

Ein spontantur med trailer i lag med min mann førte meg til Brummunddal no laurdag. Og klart eg ville ha eit lite stopp der, for der er det ein quiltebutikk som eg ikkje har fått besøkt før.

Fabrikkutsalget ligg midt i sentrum, og er ein kombibutikk med gåver og interiør, trå og stoff. Eg hadde ikkje forventa å finne mykje modellar der, men der tok eg feil. Mange fargeglade løparar og tepper hang i lokalet, og med artige teknikkar. Ein lokal quiltar hadde laga mange av arbeida, ho held også kurs i området der.

I 2007 hadde dei ein veskekonkurranse, her er link til eit slide-show av dei.

Eg tok nokre bilder i butikken med mobilen min, så når eg får lagt dei på pcen min og dei ser ok ut, skal eg legge dei ut her.

Litt stoffkjøp vart det på meg her, for her var nye og fargeglade mønster og fargar, i store mengder, så det var vanskelig å begrense seg. Seinare i haust startar dei med nettbutikk, så den som er interessert i det, må følge med på sida deira.

Helsing Mariann

Ein herlig blogg!

Må berre få vise dåkke denne herlige bloggen!

MATERIAL OBSESSION

Dette er ein australsk blogg og er egentlig ein firma/butikkblogg. Men dei brukar så utruleg mange lyse og lekre fargar at dette er å sjå på som ein "GLADBLOGG"!!!
Nyt også alle dei artige designa dei brukar! Så det er langt fram til vi har prøvd alt!!

Og no når det går mot vinter hos oss, så blir det sommar hos dei!!!! Då har vi noko å sjå fram til når vi sit her nord i mørketida!!

Dei har også gitt ut to bøker, Material Obsession 1 og 2, den siste av dei har eg kjøpt. Det er ei kjempeflott bok med mønster og mange gode bilder. Ei kosebok! Har sett den i nettbutikken hos Northern Quilts (fann den ikkje i butikken der i dag), men eg har kjøpt mi hos Capris.

Helsing Mariann

Lyst på kurs?

Vi er så heldige å ha 2 quiltebutikkar her vi bur, og dette er til og med to "dyktige" butikkar. Dei har eit utruleg flott utval av stoff, så bra at når vi besøker andre butikkar, så veit vi ikkje heilt kva vi treng å kjøpe, FOR VI FÅR ALT VI TRENG HEIME!!


Dei er også arrangørar av kurs av ulikt slag.
Primula har mange 3-timarskurs på kveldstid, meir som "drop in", på Stårheim skule. Sjå i bloggen hennar etter annonsering.

Ho sel ma. Bernina symaskiner og annonserer også no med eit Bernina-kurs:




NYTT BERNINAKURS MED MARIT FRÅ BERNINA 23-24 OKT PÅMELDING 57861395

Den andre butikken er Lappestua v/Siv Smørdal

Ho sel Janome symaskiner og helga 26. -27. sept arrangerer ho kurs for kundar som har kjøpt maskin med henne (Ho opnar også opp for at andre som ikkje har kjøpt maskin av henne òg kan få plass). Kurset er ved Patricia Iden og er laga til for elektroniske maskiner, med spesiell tanke på Janome 6600. På dette kurset skal ein sy eit trekk til symaskina der ein får bruke mange av finessane ved maskina.

Kurset kan òg tilpassast andre Janomemaskiner, så er du interessert i å vite om der er plass, ringer du Siv på 91531479

Oppdatering:(3 ledige plassar pr i dag 14.9)

Feriebesøk hos Quiltespesialisten

No når det regnar som verst her i vest, så er det godt å ha gode ferieminner å mimre litt om. Nestleiar og bloggredaktør Mariann viser her litt inspirasjon frå aust!

Minner om sol og varme dagar gjer godt, men også å kunne hente fram att bilda frå eit besøk i ein koselig butikk på Lillehammer, Quiltespesialisten. Ei blid dame bak disken, ho både sydde modellar og heldt kurs, så kanskje vi kan invitere henne vestover til litt regnver ein gong......

Det var mange fine modellar i butikken, og spesielt mange flotte vesker. Nokre av modellane som var der var etter mønster frå "Melly and me".

Litt Tilda var også her, ein koselig liten gjeng dette ...., og sjå den bittelille quilten....

Dette teppet i gråtonar er eitt som ho held kurs i, tykte dette var eit kjempeflott teppe, og hadde eg budd nærare, så hadde det kanskje blitt kurs på meg.

Helsing frå Mariann

ps. Er det andre som vil dele noko liknande på bloggen her, så send meg bilder og tekst, så legg eg det ut!!

Sesongstart!

Minner om at no er det berre timar att til mange av oss quiltarar er i sving att!

Komande helg er det kurs, og det er kanskje ledige plassar??? Sjå innlegg 3. juni!
Kontakt Aslaug for info om du er interessert!

Tysdag 1.9 er det klubbmøte med Quiltekafe, husk også å ta med boka du har hatt denne sommaren. Kanskje har du laga noko frå denne boka også??? Då kan du "vise og fortelje"!!

OBS! OBS! Kurset med Randi Røys 6. sept går ut, vi jobbar med å finne ein ny dato, så då er det kanskje fleire som vil vere med?? Sjå omtale i innlegget 3. juni.

Quiltens dag!

20. juni- - Den offentlige europeiske quiltedagen!!

Premiere i år! (trur eg då...) ...og sikkert kvart år heretter?? Vel,- den som vil vite fakta om denne dagen må kikke inn HER

Klubben vår hadde bestemt at vi skulle markere dagen med utstilling i gata på Nordfjordeid,.....første laurdagen med opning av Sommarshoppinga. Men akk, det var ikkje sommarleg akkurat, for himmelen opna seg og det regna i over ein time minst. Ikkje var det varmt heller. Då hjalp det lite at vi hadde valt tema "SOMMAR" for utstillinga vår!

Då var det eit lykketreff at leiar i klubben hadde eit partytelt til låns,...... etter eit lite "oppsettings-show" midt i gata så kom vi under tak rett før det ausa ned! Og rett så koselig vart det under det grøne taket!Lotteriteppet vårt, "Dear Jane" kom på plass, og vi selde litt lodd heldigvis.

Ikkje så mange av medlemmane våre kom med produkt til utstillinga, så vi takkar dei som kom med ting og også stilte opp på utstillingsdugnaden vår. Vi nådde målet vårt og markerte oss i gata denne dagen.

Må legge til at etter ei stund så letta veret og det vart etter kvart folksamt i gata. Til og med nokre nederlandske turistar inviterte vi under teltduken for ein prat!

Blåtur 7. juni

Årets blåtur,... rett vest til blå himmel og blått hav! Ei oppleving for dei som slo seg med denne dagen. Her er første pause, under Hornelen, den høgaste sjøklippa i nord-Europa.

Eit vell av tusenfryd på marka der, og nesten like mange "lykke-firkløver"! Dette måtte berre bli ein lykkelig dag.

Her kjem meir bilder seinare.

Sjå også omtale av turen i bloggen til Mallemor.

Sommaravslutning 2. juni 2009

Sommarstart på kalenderen og sommaravslutning i klubben,....i kaldt regnver! Det vart nok ikkje Jektehola i år! Godt at vi hade booka klubbhuset då. Og der kosa vi oss med nydelig kyllingmeny og gode kaker etterpå. Takk til dei flinke damene som laga til denne flotte menyen.

Eit nytt "Dear Jane-teppe" er laga til, nydelig samansetjing! Takk for flott dugnadsinnsats! Dette teppet vert lodda ut, først på Quiltens dag 20. juni (sjå siste medlemsblad 2/2009 også), deretter vert det loddsal i butikkane til Ingun og Siv heile sommaren, til sist på Eidamessa i september då det også vert trekt etterpå.