Vi er 30 år!!

Vi har feirer i år,  vi har 30-årsjubileum!! 

Tenk at vi har halde på så lenge, og vi er framleis ein aktiv klubb! 

Vi har hatt mange store arrangement opp gjennom åra, og no når vi har jubileum, så ynskjer vi å markere dette.

Eit jubileumstreff  med utstilling vart då naturleg for oss å lage til, for vi ynskjer å dele gleda med andre å arbeide med stoff i mange fargar. 

Vi har "ope hus" på Stårheim i Stad kommune søndag 30.mars kl 11-17, med utstilling i Stårheim kyrkje og kafe og butikkar i ungdomshuset rett ved sida av. 

Det er inga påmelding, og gratis inngang begge plassar, så no håper vi på at mange tek turen innom denne dagen. Invitasjon er sendt ut til quiltelag i nordre del av Vestland fylke og Møre og Romsdal, men vi når nok ikkje ut med invitsjon til dei som ikkje er knytt til noko lag. Så difor denne invitasjonen til alle andre også!

Her er plakaten som vi har  laga, treng du meir informasjon så er det berre å ta kontakt med oss!

Tlf. til leiar Torunn F. Utnes: 95924701

Jubilantane!!!

Her er vi, 25 av 28 ivrige jubilantar som sydde nydelige blomster heilt ute ved havet.

Kursleiar Randi Røys i midten framme.

I to dagar, berre avbrotne av denne nydelege solnedgangen laurdag kveld, så vart det sydd mange ulike veggoppheng og løparar.

Kursleiar var kreative Randi Røys som var utruleg flink! Tusen takk Randi for alt du lærte oss og hjelpte oss med, alt frå fargeval av stoff, bruk av sting, og ikkje minst tålmodig rettleiing då vi skulle sy saman "labyrinten" av strimlar til botnen. Artig måte og utruleg dekorativt!

Her er eitt av produkta frå kurset, fleire bilder vil komme på bloggen seinare. Randi skal ha kurs nr. 9 på Vestlandstreff, og det som vi sydde denne helga, kan knytast direkte til kursopplegget som ho skal ha då!

Vil du sjå fleire bilder, så følg med når neste innlegg kjem!