torsdag 8. juli 2021

Slik quilter du store tepper!

På heimesida til Quiltebutikken finn vi tips om korleis vi kan quilte store tepper sjølve. Teknikken kan brukast dersom teppet kan setjast sammen i delar. 

Videoen viser eit stort teppe som er delt i 3 delar.


Anne Kari viser oss steg-for-steg korleis dette kan gjerast! HER kjem du rett til videoen!

På sida til Quiltebutikken.no finn du fleire videoar der ho viser ulike syteknikkar, sjå Youtubekurs øverst på sida.

Stor takk til Anne Kari for at ho deler slike nyttige tips!


mandag 5. juli 2021

Papirsaum som sommarsying??

 Med litt regn i sikte denne veka, så er her eit tips om korleis sy papirsaum. Gratis mønster og papirmaler til å laste ned.


Mønsteret heiter "Woven star" Og du kan bruke blokka til ei brikke, løpar eller eit stort teppe!



Mønsteret finn du HER til å skrive ut.

Full forklaring til framgangsmåte finn du HER, sida til Caliquilter.com.

Lykke til!


torsdag 1. juli 2021

Eit kortreist reisebrev!

Det er midtsommar, mange av oss er på tur eller skal ut og reise litt, og kanskje samle litt inspirasjon til hobbyen vår. Sommaren er kanskje ikkje den store sesongen for å sitje inne og sy, men då er det endå viktigare å farte litt rundt og samle idear som du kan plukke fram på mørkare kveldar.

Vi som bur i Nordfjord er så heldige å ha to gode quiltebutikkar med kort avstand i mellom. På Nordfjordeid har vi Sybutikken Primula Design og på Sandane (nabokommunen vår) har vi Fantasi som  også har nettbutikk.

I dag skulle eg forbi Sandane i eit ærend, og sjølvsagt må ein då finne ærend innom Fantasi!! Og som alltid når eg spør om å få ta bilder, så er det alltid positivt svar! Det er berre kjekt å få vise fram det dei har, og i dag så lurte eg på kva som er nytt i butikken, og kva som er populært akkurat no.

Det aller første som eg fekk sjå, var ein flott løpar med enkle trekantar. Fantasi har starta med "Månadsabonnement" som dei legg ut som pakkeløysing  den 1. i kvar månad. Her er det stoff og mønster, og treng du linjal så kjøper du den i tillegg.

JULI-abonnementet: Ein enkel men stilrein løpar!





Løparen er sydd av ulike stoff frå pakken, og linjalen Spider Web er brukt.

Ny stoffserie og mønster frå Sew kind of wonderful var komt til butikken nylig, her kan vi bruke Curves-linjalen som sikkert mange har frå før.


Butikkeigaren gjekk rundt og viste meg det som var nytt og litt spennande, mange flotte stoffseriar var komt inn.


Tim Holz


Ein stor serie med Tula Pink!



Kaffe Fasett


Mønsteret under her er inspirasjon til denne flotte løparen, 
linjalen Super Sidekick er brukt.



Mange fine panel var å sjå i butikken, dette under har motiv "Utedass"!  :)  Kanskje dette kan være noko som er aktuelt å sy i sommar til nokon som har hytte med utedass!!

Håpar no at  nokon no vart inspirert til enten å besøke butikken/nettbutikken eller å sy noko.
Desse lokale butikkane er gull verdt for oss quiltarar  fordi dei både gjev gode sytips, har modeller og kan hjelpe deg med fargeval. Støtt dei når du er ute på reise, og finn du ikkje ut kvar dei er, spør på ei av quiltesidene på Facebook, eller på vår side,  så får du hjelp!

God sysommar, fleire reisebrev kjem kanskje av underteikna eller frå dei mange medlemmane våre!

Helsing Mariann L. Hatlenes






tirsdag 4. mai 2021

Velkommen til Maimøte!

 I dag  4.5 er det klart for Maimøte, fremdeles digitalt på vår interne Facebookside.

Gjer deg klar til møte kl 18.30 med stoff /quiltar i nasjonalfargane som er temaet i dag. Det blir delt tips om kva du kan sy til 17.mai. 


Slike laga vi på maimøtet i 2019!



Det blir også ein konkurranse i dag, og Sybutikken Primula Design  sponsar oss med flott gevinst, det kjem eit eige innlegg om konkurransen på medlemssida vår seinare i dag!

Det blir også "Vis og fortel" der vi håpar at mange deler bilder og tips til oss alle!

Husk å gjer klar kaffikoppen og noko attåt, og så er vi klare for ein koselig kveld!



mandag 5. april 2021

Aprilmøte!

 Hei alle sammen!

Det vart pluselig April og tid for møte, og vi er fremdeles fanga i våre egne heimar!! Også når det gjeld møtevirksomhet!

Men takk og takk til digital teknikk, så får vi det gjennomført likevel. Det er nesten som om det er gjennom skjermer i møter  dei fleste av våre venner no!

I morgon tysdag 6.4 kl 18.30-21.30 er vi i gang igjen, på same måten som vi har gjort dei siste månadane!

Snøen kom brått på oss i går,....og vi som hadde planlagt ein svært så vårleg aktivitet!! 

Blomster i lyse og lette fargar står på agendaen, så det er berre å leite fram:

  • Fine stoff i lekre fargar
  • Saks og papir til mal
  • ....og så får du vite resten når du kobler deg på!

Kaffipausen bestemmer du sjølv!! 

Då sjåast vi!

lørdag 27. februar 2021

Marsmøte!

Tida går mot vår heldigvis, Mars står klar med nye idear!

Tysdag 2.3 kl 18.30-21.30 møtast vi att,....på avstand!

 Gjer dåkke klare med pc/nettbrett eller mobiltelefon  og så ser vi kva kvelden bringer!

Men litt kjekt har de i vente, for også denne gongen vil Haldis inspirere oss med noko påskerelatert! Info om aktiviteten vert lagt ut på medlemssida vår!



Som vanleg vert det:

  • Velkommen og aktuelt ved leiar
  • Vis og fortel
  • Kaffipause i eiga stove! :)
  • ...og heile kvelden kosar vi oss med påskeaktivitet eller det du held på med!

søndag 31. januar 2021

Februarmøte!

 Februar er like om hjørnet, men vi må framleis ha møta våre digitalt!


Tysdag 2.2 håpar vi at du er klar ved pcen kl 18.30-ca 21.

Vi har ei kort plan for kvelden:

  • Velkommen og aktuell informasjon.
  • Haldis vil så  inspirere oss med kva vi kan få til av trekantar.
  • Vis og fortel. Om du ikkje har høve til å være til stades i "møtetida" så er det heilt ok å legge ut bilder på medlemssida vår når du vil!
  • Kaffipause???.....ja den må du fikse sjølv i dag og!
Idear henta frå søk på Google:









søndag 3. januar 2021

Godt nytt år!

 Vi ønsker alle våre medlemmer eit Godt Nytt Quilteår, ja vi håpar no på at dette året skal bli bedre enn 2020!

Men,..... dessverre så starter vi der vi slapp i 2020, med å avlyse fysiske møter. I alle fall inntil vidare må vi seie, så januarmøtet som vi skulle hatt no komande veke, må gå digitalt!

Vi er så heldige at nesten alle våre medlemmer er på Facebook, så då går møtet digitalt på vår medlemsside.

Sett av litt tid tysdagskvelden, 5.1 frå kl 18.30.  Så leit fram det du har til "Vis og fortel", litt kakerester til kaffipausen og så ser vi fram til ein koselig kveld på avstand!

 Koselig bilde frå Synnøve si jul!


Meir detaljer vert eventuelt lagt ut på medlemssida på Facebook.

Vi sjåast!

fredag 27. november 2020

Bilder frå Novembermøtet!

 På dette møtet var temaet å sy fyllte hjerter! Gitte hadde laga mange fine modellar og vi sydde og sydde! Ein kjekk aktivitet!



















































Takk til Primula Design som alltid møter opp og har med seg metervis av stoff og anna utstyr vi treng! Vi er så takknemlige for at vi har denne flotte og inspirerande butikken i vårt nærmiljø. Oppfordrar alle til å støtte lokale butikkar, for kvar skal vi elles få desse gode råd innan både teknikkar og fargeval???
Butikken har eiga Facebookside og sender varer på forespørsel!