søndag 30. september 2018

Velkommen til quiltemøte!

Oktobermøtet er nær,  og 2.10  kl 18.30 møtest vi igjen på Stokkenes Gjestegard til trivsel og inspirasjon!

Denne gongen har vi invitert gjester frå naboklubben vår; Gloppen lappe- og quilteklubb! Velkommen skal dei være, det skal bli kjekt å møtast og dele litt erfaringar med kvarandre!

Tema på møtet denne kvelden er "Katedralvindu"! Det er ein syteknikk vi har høyrt om lenge, men ikkje brukt noko særleg, truleg fordi den er tidkrevjande å lage. Men den er dekorativ, og brukande til mykje! Kanskje ikkje til dei store arbeida, den passer kanskje best til brikker, løparar, pynt på vesker og liknande. Det er visst også fleire måtar å lage den på, så vi har kanskje litt å lære oss???

Vi håpar at dei som har noko som er laga i denne teknikken, vil ta det med å vise oss andre.
På møtet tenkjer vi at dei som vil prøve dette, skal få enkel instruksjon i korleis ein syr den. Mariann vil vise teknikken, er ingen ekspert, så om nokon av dei frammøtte har erfaring, så skal vi nok få dette bra til i lag!


(bilda er henta frå søk på internett.)

Info frå Mariann:
Etter litt utprøving så har eg komt fram til ein storleik som er passeleg å jobbe med. Det er litt maskinsaum, men eg tek med symaskin som ein kan låne, det er berre nokre få saumar som skal syast.  Resten er handsam. Eg legg også ut nokre bilder av førebuing som du kan gjere heime, sjå lenger nede.

Her er det du treng å ta med:

  • To stoffbitar 9x9 inch, bruk eit stoff som er ensfarga eller nøytralt i mønsteret. Eg anbefaler eit stoff som er tynt, dvs at det er mjukt og føyelig å arbeide med, då får du best resultat.
  • To stoffbitar til å ha i midten, ca 3,5 x 3,5 inch, men dette må du tilpasse når du skal bruke det. Tenk på at dette stoffet blir hovedfokus, sjå nåleputa over her.
  • Saks, sysaker, knappenåler og sytråd som passar til hovedstoffet.
Forarbeid heime til den som vil det:
 To stoff på 9x9 inch
 Brett kvart stoff dobbelt og sy dei to sidesaumane.
 Åpne opp og brett sammen den andre veien slik som bildet under viser.
 Sy saum slik bildet viser, men ha ei opning på ca 3 cm på eine sida av midten.

Resten tek vi på møtet!

Her er link til ein anna framgangsmåte!

Møteplan elles vert:
  • Info frå styret
  • Butikk med fristande stoff og utstyr
  • Kaffipause
  • Lotteri med quiltegevinstar
  • Vis og fortel

Velkommen til møtet, både gjester, medlemmer og til dei som kanskje vil bli medlem!

mandag 24. september 2018

Aslaug har vore på tur!!

I dag kom det reisebrev frå medlem Aslaug, ho har vore i Trondheim og besøkt to flotte butikkar! Veldig kjekt for oss andre å få ein liten titt i slike butikkar som er litt langt unna, då veit vi iallfall litt om butikkane om vi skulle være i området der!!

Tusen takk til Aslaug for flotte bilder med omtale!!


                           ------------------------------------------------------------------


Reisebrev:
Kjære Quiltevenner
I helga var eg på tur til Trondheim. Eit besøk på to quiltebutikkar høyrde jo sjølvsagt med
Først besøkte eg Quiltegården. Den ligg i Dronningens gate 23. Ein fantastisk flott butikk med eit rikt utvalg og hyggelig personale. Ein plass ein rett og slett kan kose seg i mange timar. Masse modellar og mykje til inspirasjon for oss som besøker butikken.
Ein kan gå ifrå rom til rom og berre nyte fargar og stoff. Eit stort og flott rom der dei skjære stoff og arrangerer kurs hadde dei og. Der kan ein sette seg ned og ta ein pust i bakken og for ein quilteprat. Ein rett og slett koselig møteplass for oss quiltedamer.

Så var eg ein rask tur innom Abbys Tekstiler. Den ligg i Søndre gate 25. Ein koselig butikk med mykje "snacks" som vi likar. Koselig betjening i lyse lokaler. Masse stoff og inspirasjon.

Vareutvalget var veldig bra til tross for at butikkane hadde stand på Design by me messe på Lillestrøm denne helga.

Fekk "snopa" litt nytt, og er igang med planlegging av nye prosjekt. Er du i Trondheim, anbefaler eg å ta turen innom desse koselige butikkane.
Ha ein fin og sy rik haust
Aslaug






















søndag 16. september 2018

Eit reisebrev frå Mariann!


Sommarminner!

Når ein nydelig sommar med mange kjekke opplevingar er over, ja då er det godt å mimre litt med bilder frå nokre av høgdepunkta!

I eit tidlegare reisebrev har eg skrive om besøk på ei Quilteutstilling i Falkenberg i Sverige, no skal de få vite litt om quiltebutikken Annalunda! Dette er nærmaste quiltebutikk til quiltarane i området Falkenberg/Varberg, men for dei ligg ikkje butikken like nær som vi har våre  butikkar! Ja det er då vi ser kor heldige vi er!!

Mange kjenner nok Butiken Annalunda frå internett då det er ein godt kjend nettbutikk. Den har også Facebookside. Som eg skreiv over så har quiltarane i Falkenbergområdet eit stykke å reise til butikken sin,......det tek  frå Falkenberg om lag ein time sørover på E6 på motorvegen i fart max 120 km/t!!!! Butikken ligg i Skåne län, rett sør om Hallandsåsen, ut mot havet der det tek ca 10 min når du tek av frå E6.
 Litt kart må til så du kan orientere deg om kvar dette er! Og kanskje eit reisemål for deg eit anna år?? Som du ser ligg Forsløw i eit nydelig landskap ut mot havet, med idylliske Torekov  i nærleiken (har vore der to gongar no, ei unik perle!!) Må også få ta med at eg på same turen var på Hantverksmässan i Båstad på Norrvikens trädgårdar, ei flott messe med berre kvalitet i fantastiske omgjevnader!!! Anbefales!



Ja dette var eit lite sidesprang, men eit tur til dette området er virkelig næring til oss kreative sjeler!!

Butikken Annalunda er ein liten butikk som held til i nokre få kvadratmeter i ein kjeller i ei vanleg gate med bustadhus.  Den er ikkje open kvar dag, men det ser ut til at den fungerer fint med nettbutikk i tillegg. Butikken har eit fint samarbeid med leiaren i Kviltsystrarna , Eva Britt Johansson, (med bloggen Bambi syr...), ho tek ofte med seg ein koffert med stoff og utstyr frå butikken til møta deira i klubben! 

 (dette er nabohuset,..for ein idyll!)

 Det er også quiltarar i området rundt Forsløv, området heiter Bjärehalvøn, og dei kallar klubben sin for Bjäres quiltbønor!

Eigar var på ferie då eg var der, men ho som jobba der var kjekk å prate med og vi hadde mykje å snakke om innan quilting og erfaringar! På denne veggen over her var det eit utruleg utval av "Grunge-stoff" , ho trudde at dei kanskje har eit av dei største utvala  i Skandinavia i denne serien, for her var det fargar ton-i-ton!



 Her kan ein trygt seie at veggene var både isolert og tapetsert med stoff!!







 Her var mange fine modellar både innan stitchery og bruk av kjende linjaler og mønster.













 (bildet er av eit nabohus med nydelig hage)

Takk for meg, her vil eg gjerne stikke innom ein annan gong eg er i området! 
Og kanskje du som les dette også??

Helsing frå
Mariann
leiar  i klubben vår