lørdag 16. desember 2017

16.desember!

I dag viser vi nokre nydelige hjerter med broderte motiv. Det er ikkje mønster til dei, men her klarer du fint å få til noko liknande. Hjerta har om lag same fasong som "Tilda-hjerta", du finn mønster i nokre av Tildabøkene.
Korsstingmotiva er så tydelege at her tegnar du dei lett over på rutepapir.



Det er på sida til Natalya som truleg er russisk, trykk på oversett til norsk opp til høgre, då blir det iallefall litt forståelig!!! :)

 Gå inn på sida hennar og sjå, der er det mange andre flotte motiv til inspirasjon!



Lykke til!!

fredag 15. desember 2017

15. desember!

(bilde frå Pinterest, designer ukjend)

Dagens hjerte er elegant og enkelt!  Dette kan du bruke som dekor på mykje, stort eller lite!

Om du no manglar ei julegåve til nokon, så kan dette hjertet være fint til applikasjon. Det er ikkje mønster til dette, men det er enkelt kopiere eller å bruke som utgangspunkt for ditt eige design!

Lykke til

torsdag 14. desember 2017

14. desember!

Det er vinter og vi har snø og kulde! Og kanskje snør det endå meir?? Det dukkar nok opp ein snømann både her og der, og kanskje også på syrommet ditt, men på eit hjerte?


HER er link til mønsteret, frå sida til Bunny Hill Designs, klart til å skrive ut!!

Her er eit par andre forslag til hjerter med snømann på, enkle å lage og fine som ein liten presang til nokon??



Alle bilda er frå Pinterest.




onsdag 13. desember 2017

13.desember!

Dagens hjerte er handlaga her i fylket! Då underteikna nyleg besøkte "Trapp ned" i Førde, så hang desse nydelege hjerta i butikken.


Marit har laga dei, stoffet er rynka ved hjelp av "rynkestoff" som ein syr saman med eit anna stoff og rynker det med strykejernet!

Her kan du bruke ulike hjertemønster som du har, det er berre å prøve seg fram!!
Lykke til!

tirsdag 12. desember 2017

12. desember!


To enkle hjerter til stitchery funne på Pinterest !
Det er ikkje mønster til desse, men er lette å kopiere!

mandag 11. desember 2017

11. desember


Dagens hjerte er så enkelt som det kan bli, og det er kanskje det beste? Blant all glitter, lys og fargar så kan desse enkle kvite filthjerta i lag med naturfargar skape den rette stemninga! 

Har lagt inn bilde med ulike hjertestørrelsar som du kan skrive ut, (kopier bildet inn i Word og forstørre opp til passe størrelse) men du kan lett lage din eigen mal!

Desse hjerta kan du også lage i lag med barn, det er nok å tråkle dei sammen og dytte inn litt vatt før du syr dei siste stinga!

Lykke til!




søndag 10. desember 2017

10. Desember!

Dagens hjerte er enkelt og julerødt! Det er sydd i filt og med brodert motiv. Litt knappar på gjer det ekstra fint!


Det er ikkje mønster til dette, men du klarer nok fint å kopiere dette. Bildet er frå Pinterest!



lørdag 9. desember 2017

9. desember!

Dagens hjerte er eit "reparert" hjerte!....."Mended heart"!!


Bildet er frå sida Bellaonline.

 (HER er link til mønster (på engelsk), men ser at bilda ikkje viser pr no!! Kun skrift.)


For ein del år sidan hadde vi kurset "Mended heart" med Mia Øhberg, eit veldig kjekt kurs der vi først sydde 2 blokker med hjerter som applikasjon, dekorerte med  litt saumar, for så å dele dei tvers over!! men som namnet seier, så reparete vi hjerta ved å bytte om og koble sammen dei to ulike hjerta. Flott effekt og vi pynta ekstra med fine saumar på symaskina ettepå. Anbefales!!

Her er eit par bilder frå bloggen vår der vi hadde eit anna kurs med Mia. Ho hadde med seg eit par eksempel på "Mended hearts" som vi tok bilde av. HER kjem du til innlegget frå kurset.



fredag 8. desember 2017

8. desember!

Dagens hjerte er dansk og bilda er frå butikken "Sy og Rens".


Dette er hjerter som det truleg er å få kjøpt mønster til, men dei har ikkje nettbutikk, så då lyt du ta turen dit ein gong??

Bilda er frå heimesida til butikken.

Som du ser så er desse to hjerta like i form og samansetjing av stoffbitar. Du kan bruke dei som inspirasjon, sy sammen passande stoff etter "crazy-quilt" metoden og tegne deg eit liknande hjerte og vrangsy det.

Storleiken på desse er litt uviss, står ikkje noko om det på sida til butikken, men det kan sjå ut som dei er store og kan brukast til duk!! Så kanskje du no kan bli inspirert til å lage deg ein heilt annleis duk enn du har frå før??

Du kan også lage det så lite at du kan bruke det til Mug-rug eller til ein fin dørdekorasjon! Dette kan bli eit spennande og kreativt prosjekt, så om du lagar  eit slikt hjerte, hadde det vore fint om du la inn bilde på kommentarfeltet på Facebooksida vår!

Hjerteleg lykke til!!

torsdag 7. desember 2017

7. desember!

Dagens hjerte er designa og gitt ut som gratis mønster av May Britt med bloggen Abyquilt.
(bildet er frå bloggen til Abyquilt)

HER er link til sida hennar og mønsteret! .....Og om du brukar mønsteret hennar, så send henne ei melding og takk!

Det er veldig kjekt at slike fine mønster vert delt med oss andre, og ekstra kjekt er det at det er ein norsk designer! Så på vegne av klubben vår: TUSEN TAKK May Britt!

onsdag 6. desember 2017

6. desember!

I dag er hjertet sett sammen av trekantar i mange fargar.

(bilde frå pinterest)

Det er fleire måtar å sy perfekte trekantar på, metodane er mykje brukte, så ta eit titt på begge forslaga her!


Her er ein annan måte frå sida Lemonsqueezyhome, her lagar du 4 like i ein fei!





Lykke til!

tirsdag 5. desember 2017

5. desember!

Dagens hjerte er det mange av!! Det er berre å telje i dette vakre og nostalgiske stitcheryet!!



(bilde frå Pinterest)

Om du vil bruke mønsteret må du kopiere det inn i Word og forstørre det til den storleiken du vil ha. 

Eit lite broderi kan du bruke til julekort, men om du lagar det større, kan du ramme det inn og ha ei flott heimelaga gåve til å gje bort.

Tradisjonelt vert slike stitchery kalla Redwork i USA, og vert sydd med rød trå på lys botn. 

Lykke til med syarbeidet ditt, du har att 19 dagar til jul no!

mandag 4. desember 2017

4. desember!

Dagens hjerte er i teknikken papirsaum.

Vi har nyleg hatt kurs med Grete Gulliksen Moe der vi hadde om papirsaum,....men vi sydde då på Rasterquick.

Dette hjertet kan du sy både på papir og på rasterquick eller vanleg vliselin. Fordelen med vliselin er at du treng ikkje ta den bort, det må du gjere om du brukar papir. Om du ikkje har prøvd teknikken før, så går det ut på at du syr etter nummer på mønsteret, og google "paperpiecing" på Youtube, så finn du mange eksempel.


Det er ikkje link til desse mønstera, men kopier bilda inn i Word, då kan du "dra i hjørna" på bildet og få den størrelsen du vil ha.


Lykke til,...og legg gjerne ut bilde i kommentarfeltet på Facebooksida dersom du syr eit slikt hjerte!!

søndag 3. desember 2017

Julemøte!

Vi ynskjer alle medlemmane våre velkomne til årets julemøte tysdag 5.12 kl 18.30.

 (bilde frå Etsy)


Det vert tradisjonelt møte med førjulskos;

  • fint pynta bord
  • god mat
  • "julegåve" frå klubben 
  • eit "julelotteri"
  • og sikkert mykje fint å sjå på "Vis og fortel"!

Til aktiviteten når du har opna julegåva treng du å ha med deg dette:
  • Ei stoffsaks!
  • Resten av det du treng, finn du i "julegåva"!

Velkommen til møte!

3. desember!


Dagens hjerte er eit som du kan ha både som pynt i juletreet eller ha det som eit oppheng i vinduet eller på ein krans. Hjertet er funne på Pinterest og har ikkje mønster, men med eit enkelt hjertemønster kan du pynte det med ulike motiv.






.....og om du ikkje vil sy  eller lime på noko, så kan du setje på eit smykke!!!

Du finn sikkert eit mønster sjølv, enten i bøker eller på internett. Her er bilde av eit som er funne på internett som du kanskje kan bruke!


lørdag 2. desember 2017

2. desember!

I dag kan du starte på eit hjerte som tek litt meir tid, men du har kanskje litt ekstra tid når det er blitt helg??

Hjerta som kjem på bloggen her vil være laga i ulike teknikkar og materiale, men alle innan tekstil. Stitchery er broderi på norsk, og vi ser ofte fine kombinasjonar av lappeteknikk og broderi.

Dagens hjerte er sydd i korssting, kva stoff du vil sy på kan variere, alt frå god gammaldags Aidastoff, til linstoff eller anna stoff der det er tydelig "vevstruktur" slik at du får til å sy fint og beint.
Hjertet er funne på Pinterest.


Du kan bruke hjertet til mange ting, til broderi på ein duk, til å setje i eit lita ramme som bilde eller til å klippe ut hjerteforma og fylle det med vatt og lage juletrepynt!
Lykke til med dagens hjerte!

fredag 1. desember 2017

1.desember!

Det er desember og månaden for adventskalender! I år kjem det HJERTER i "lukene" på bloggen her!

Ulike hjerter vi kan sy eller brodere, mønster og bilder funne på Internett. Tips og bilder nokre dagar, gratismønster av og til.

Tek gjerne imot tips til fine hjerter eg kan legge ut her, så send ein epost om du har noko! hatlene@online.no er epostadr!

Dagens hjerte er det mønster til, det finn du her på sida til Thespruce

fredag 24. november 2017

Kjekt kurs med Grete Gulliksen Moe!

Sist helg hadde vi eit kjekt kurs med Grete Gulliksen Moe. Ho har hittil skrive 19 bøker om tekstilarbeid, og på dette kurset tok ho utgangspunkt i mange av modellane i siste boka "Kult å sy".

I to heile dagar kosa vi oss med å sy i ulike teknikkar, vi fekk mange gode tips om både stoffkvalitetar og korleis vi skal få til perfekte resultat.

Her er bilder frå helga:









 Bilda over her er av Grete sine modellar.



 Søm av "Square in a square".



 Her fekk vi lære korleis vi lagar perfekte hjørner på rammer rundt ei midtblokk.











Frå boka "Fargeglade lapper".























Takk til kursengel Eli for god servering!