Bilder frå Oktobermøtet

 Haldis viste bruk av linjalen Hex n more, ein linjal som har utruleg mange bruksmåtar! Denne burde alle ha, sjå alle ulike modellane ho viste!!

Mariann tok opp temaet om å bruke møta til syaktivitet, dette fordi vi ser at det er lett å ty til strikketøy. Vi veit at medlemmane våre er kreative og både syr og strikkar, og vil gjerne styre med noko når ein sit i ro. 

Difor har ho teikna eit stitcherymotiv som ho var litt "gneta" på, forplikta litt til å ha med noko å sy på under møta. Motivet var eit julemotiv til eit bakehandkle, så håper no at det vert sydd på nokre under dei neste møta før jul også, og kanskje vert det julegåve til nokon?? Om fleire vil ha mønster, så blir det ny sjanse på neste møte!!

Butikkvarer frå Sybutikken Primula Design

Frå Vis og fortel:

Ein studerer på 10-graderslinjalen

Takk til matvertane for nydelig servering!!

Velkommen til Oktobermøtet!

 Så er vi komt til oktober og på tide med eit nytt og inspirerande møte tysdag 3.10!  

Stad er som før; Stokkenes Gjestegard på Nordfjordeid kl 18.30-21.30.

Vi fortset med tema linjalar, ta med deg ein linjal du strevar med å bruke  for å få tips. Men om du er veldig fornøgd med ein linjal, så ta den med og det du har laga med den!

Haldis har ein linjal som ho har brukt mykje, denne vil ho vise på møtet og kva ho har laga. Om du vil både "lære og gjere" med linjalen "Hex'n more", så ta med deg stoff skjæreutstyr og symaskin! Håper mange vil delta her!

MEN,.... kanskje du også vil delta i "Stitch i lag"??  Vi ynskjer å få til meir praktisk syaktivitet på møta, så vi prøver oss med eit stitchery som du kan sy på både på oktober- og novembermøtet! Og så blir det kanskje ei julegåve til slutt?

Mariann har laga eit julemotiv til å ha på eit bakehandkle, så dei som ynskjer å delta, får mønster på møtet. Ta med deg eit kvitt bomullsstoff (gamle laken er perfekt!!) ca 50x65 cm, blyant til å overføre mønster og moulinegarn til å brodere med (passar veldig godt med rød, blå eller brun farge). Primula Design har også kvitt stoff med.

Program for kvelden ser elles slik ut:

• Aktuell info frå styret
• Lotteri
• Vis og fortel
• Godt utval av stoff frå Primula Design
• .....og kaffipause v/ Matvertar: Eli Kriken (leiar), Gitte Lefdal, Mona Skålerud, Reidun Starheimsæter

Vel møtt!