Velkommen til marsmøtet!

 Det er blitt Mars og vi går mot vår og lyse fargar!

Vi møtest på Stokkenes gjestegard tysdag 3. mars kl 18.30-21.30, og vi skal kose oss med følgjande:

• Aktivitet på møtet : Vi gjentek suksessen frå tidlegare år der vi syr ein "Påskeharepose"! Ta med deg eit lyst stoff til framside og eit farga til for. Du treng også litt brodergarn til ansikt. Elles vanlege sysaker, og den som kan, tek med symaskin. Elles så kan du låne, styret tek med minst ei symaskin.  
  

               (bilde frå Pinterest)

• "Vis og fortel": Fint om du også tek med noko gult du har sydd ein gong, ...treng ikkje være nytt, men kanskje med litt påskeinspirasjon sidan dette møtet er siste før påske.
• Årsmøtet: Det er siste frist for påmelding til lunsjen og kursa.
• Diverse info frå styret
• Kurs framover, kva ønsker de og kva er mulig å få til?
• Toalettvesker til "Søstre for søstre", litt info om dette prosjektet.
• Har du sydd blå lappar til blokklotteriet? Ta med deg på møtet, meir info rundt dette v/Haldis
• Sybutikken Primula Design med "flyttenytt" og litt aktuelle stoff og utstyr. Om du treng at ho har med noko spesielt, så må du kontakte ho på førehand!
• Lotteri
• ...og sjølvsagt ein liten kaffipause midt i møtet!
• Velkommen til alle, og ta gjerne med deg ein syvenn!

Nærbutikken vår fornyer seg!!

 Vår trufaste nærbutikk med all slags godsaker innan stoff og utstyr, Sybutikken Primula Design, fornyer seg igjen! Og vi både gratulerer og jublar, for no kan vi fortsetje med lokal handel og samtidig få gode råd til både fargeval og teknikkar!

Når huseigar skal renovere heile det vesle huset der butikken har vore i mange år, så var spørsmålet "Kva skjer med butikken no"?? Men butikkeigar Ingun som har levd heile livet sitt bak ein butikkdisk, gjev ikkje opp! Så ved hjelp av ein flott dugnadsgjeng, så har no butikken flytta 50 m nordover gata og er no komen inn i lyse og moderne lokale.

Du finn no butikken i første etasje i Moengården aust, som også  er ein del av Alti, der du finn både dyrebutikk, internasjonal butikk og Cats kafe. Det er inngang både frå hovedinngang på vestsida og gjennom ein inngang til senteret frå gata.

Butikken held framleis på med å installere seg i lokalet, men er open som vanleg. Ingun seier at det skal bli ei større markering av opninga seinare, så her må vi følge med på sida til butikken!

Litt bilder frå butikken knipsa i går!

....og vårfargane har komt på plass!

Her skal det også bli plass til syaktivitet for fleire,.....vi gleder oss til denne nye møteplassen!!

Bilder frå februarmøtet!

Tema på februarmøtet var vårlige småfuglar! Her sydde vi over papp og mange hadde med seg ulike modellar, ein veldig kjekk aktivitet medan praten gjekk over borda. 

Ingun viste også mulighetene med linjalen Lazy Angle.

Elles mykje fint å sjå på "Vis og fortel"!

Eksempel på blokker med linjalen Lazy Angle.

10-grader linjal er brukt her!

Her er det mange små bitar, kuttemål for kvadrata er 1,5 inch.

"Posh penelope", frå kurset med Mona Rosvold i haust.

Skikkelig fristande utval frå Sybutikken primula Design

Takk til matvertane for god kaffimat, og ved sida av brann det godt i peisen!

Ein kjekk kveld for alle frammøtte, og det var nesten 30!!

Bilder frå ei kjekk syhelg!

Sist helg arrangerte vi syhelg, eit "lavterskeltilbod" der vi kun lodda stemning om folk ville komme for å sy i lag.

Laurdagen talde vi heile 17 symaskiner, og det var kjekt å sjå all aktivitet i rommet. Vi hadde ikkje noko spesielt opplegg, for alle kunne sy på det dei ville.

Nokre av oss lurte på korleis ein syr "pølseveske", og medlem Gitte viste oss korleis ein bretta og sydde dei lange fargerike pølsene! Så takk til ho for all hjelp til det, men elles så var vi der for kvarandre med både tips, inspirasjon og deling av erfaring. Mykje kjekt arbeid var i gang denne helga!