mandag 4. februar 2013

Påskehøner

Sidan tankar på påska vart lansert i innlegget i forgårs, så er det vel like greitt å ha ein liten oppfølgjar!
På klubbmøtet som skal være i morgon tysdag 5.2 er temaet "Vis fram påska di", så om nokon vert frista til å lage noko til påske, så er her ein liten ide!
På bloggen til Ullas quilt World ligg dette mønsteret ute, det er små høner som ein kan oppbevare små hemmelighetar inni! Ein løpegang med snøre i gjer at dette blir som ein liten snørepose!

HER kjem du rett til innlegget.

Slik ser mønsteret ut, der er ikkje noko pdf-fil som du kan laste ned, men her får du eit lite tips:
  • Marker bildet så det blit "blått", lagre mønsteret som eit bilde i ei mappe.
  • Åpne Word og "sett inn bilde" fra fila du har lagra bildet i.
  • Når du har fått bildet på plass, klikkar du på det så du får markørar på alle hjørner og på sidene. 
  • "Dra" i eitt av hjørna og strekk ut bildet til du er fornøgd med størrelsen.
  • Treng du større bredde på arket, velg liggjande utskrift.
Då er det vel ei viss moglegheit for at vi kan sjå ei slik lita høne på møtet i morgon???


Ingen kommentarer: