Bilder frå septembermøtet!

 Kjekt å sjå kva medlemmane våre har styrt med no i sommar!!

Takk til matvertane som syter for noko godt til pausen!

Velkommen til haustens første møte!

Tysdag 1.september ynskjer vi velkommen til oppstart av haustsesongen i klubben vår. Vi møtes som vanleg på Stokkenes Gjestegard og vi har vanleg møtetid som er 18.30-21.30.

Plan for kvelden er:

• Informasjon om haustplanen
• Planlegging og påmelding til turen der vi besøkjer "Trapp ned" i Førde laurdag 19.9
• Informasjon om  og påmelding til veskekurset med Liv Holvik  31.10-1.11, her blir endelig påmeldingsfrist på oktobermøtet. Bilder av modellar finn de på medlemssida.
• Vi skal pakke ferdig toalettvesker med innhold til Krisesenteret for kvinner i Ålesund
• Vis og fortel,....om både det du har sydd i sommar både av lappeteknikk og av fine små sting på stramai
• Lotteri
• Ein pause midt i med kaffi og noko til, ansvarlege er Ingebjørg, Grete og Aud S.
• Om det er nokon som har litt lyst til å komme på besøk til oss for å sjå kva vi gjer på, så er det berre å møte opp eller ta kontakt med nokon av medlemmane. 

Lappeloftet, den vesle quiltebutikken i Vågå i Ottadalen!

 

Reisebrev frå bloggredaktør Mariann!

Vi som driv med quilting, erfarer no at det har blitt langt mellom dei fysiske quiltebutikkane. Men nokre gjev ikkje opp, kanskje "liten og sta" kan ein kalle "Lappeloftet" som har lokale midt i Vågå sentrum i eit bittelite gammalt hus. Ein meir sjarmerande quiltebutikk trur eg ikkje finst!! Så køyrer du gjennom Ottadalen, må du ta eit besøk, Vågåvegen 48, men sjekk opningstida!

Her finn vi ei fin blanding av teknikk og historikk. Sjå på denne gamle enkle symaskina, reine museumsgjenstanden. Og på veggen heng eit stort lappeteppe, handsydd i teknikken "Log cabin". 

 Teppet er sydd rundt år 1900, så denne enkle men fine teknikken lever enno etter 126 år!!

Lappeloftet er driven av ei erfaren quiltedame, Tone Brun, og i butikken finn ein mange modellar og eit flott utval av stoff i glade fargar. Flotte lokalproduserte saueskinn finn du også der. Butikken arrangerer også kurs innimellom, og nokre av våre medlemmar har delteke.

Eg oppfordrar alle som driv med stoff, quilting og søm generelt, om å både besøke og bruke dei fysiske butikkane vi har att. Det er truleg berre 2 slike butikkar i Gudbrandsdalen!! Det er noko eige å sjå på og setje saman fargar, ofte treng vi berre stoff til å supplere det vi har frå før, og å samanlikne fargar klarer ein ikkje i nettbutikkar. Gode råd og sytips til det du skal lage, får du gratis i butikken!!

Eg besøkte butikken siste veka i juli, det var fint ver og då var det også fin utstilling ute. Berre nyt den vakre bilen til Tone, "sommarbilen" kallar ho den, og om du ser den utanfor butikken, så er der ope!!

Tusen takk til Tone for at eg fekk ta bilder i butikken, og sjølvsagt vart det litt handel også!!