11. desembersydag!

Desember er månaden for hjertevarme, og alle slags hjerter er like gode!!

Her er det nokre fine hjerter i teknikken crazy quilt, sjå kor fint det er med blandinga av fargane. Fargetonane matchar kvarandre, eitt hjerte er det varme fargetonar som er sett saman, og det heilt til høgre er laga av meir sarte pastelltonar.

Legg også merke til den vesle pynten på hjerta, små silkeroser i ein farge som passar til fargane i sjølve hjertet.

Det er ikkje mønster til akkurat desse hjerta, men ved søk på Pinterest, så dukka det opp eit mønster du kan bruke.

Bildet kopierer du inn i Word og forstørrar det opp i den storleiken du vil ha.

På den same Pinterestsida som dette mønsteret er frå, er det utruleg mange andre fine mønster du kan bruke, besøk denne sida HER.

10. desembersydag!

Juletrepynten for den 10. dagen i desember er ein liten og søt sak!

 

Denne kjem frå ei Pinterest-side med crazy quilt. Liknande side finn du HER, HER og  HER. Besøk sidene og bli inspirert, for her er det fleire hundre bilder og mange tips om både sting og bildeutsnitt av ferdige broderte quiltar.

Som de ser så er dette sydd som crazy quilt og med fine broderisting som på innlegget frå 7. desember.  Her er det brukt silke- eller satengstoff, noko som gjev pynten ein ekstra fin glans! Det er ikkje mønster til denne dråpeforma pynten, men dette klarer du vel godt utan også?? For når du berre syr i veg med dei stoffbitane du har, så blir det crazy med ein gong, og så prøver du deg fram med fasongen. Husk å ta omsyn til at du skal fylle den med vatt, så lag den litt "Stormaga"!

Om du teng tips til fine sting, så er  det mange å finne på DENNE Pinterest-sida!

7. desembersydag!

Det er på tide med eit hjerte, eit kjent symbol i juletida.

For å være heilt tydeleg i definisjonen av hjertesymbolet, så har eg henta dette frå Wikipedia:

Hjerte (♥) er et utbredt symbol i tekst og bilder helt fra antikken og i flere kulturer. Hjertet symboliserer vanligvis kjærlighet, men også andre sterke, positive følelser og at noe er verdifullt.

Bildet er lånt frå Etsy, kunstnar er Pamela Kellegg.

Dette hjertet er i teknikken som vi kallar crazy quilt, men her er det ekstra dekorert med broderi og perler. Det er ikkje mønster til dette.
Då passar det godt å sende ei julehelsing til Ati Sas-Ham som no bur i Nederland. Ho heldt kurs for oss i fjor haust  og lærte oss å bruke denne teknikken.
Her er noko ho har sydd:

HER kjem du til eit innlegg om kurset, og HER kjem du til Ati sin blogg.

Om du vil sjå fleire hjerter i Crazy quilt med ulikk dekor og "stash", så er det ei side på Pinterest som heiter Corazones, ta ein kikk der!

Torsdagskurs i Crazy Quilt

I slutten av januar hadde vi eit koseleg kurs med Marie Myklebust. På 3 timar ein torsdagskveld viste ho korleis ein syr Crazy Quilt blokker på ein enkel måte. Metoden med å skjære gjennom ein "stabel" med stoff er velkjent for mange, og den er beskrive i mange bøker, ma. i danske Klematisbøker. 

Bilda over og under er Marie sine kursmodellar, den flotte duken over har ho lånt av ein annan quiltar.

Men det er akkurat det å komme i gang med ein teknikk vi treng eit lite puff til, og når vi då får vist teknikken, og får lure tips, så var det berre å sy i veg. 

Og gjerne finne sin eigen veg slik som underteikna gjorde!! For det kan lett gå i surr når ein skal bytte om stoff, og så passe på at det ikkje kjem to like stoff ved sida av kvarandre,....... då må ein kanskje bytte endå meir!!! Kvar Crazy-ordet kjem frå kan ein no lure litt på, for syersken kan vel kanskje også bli litt crazy når alt det skeive går på skeive..........

Ut over kvelden dukka det etter kvart opp mange flotte og fargeglade blokker. Når vi er 23 på kurs så blir det mykje flott å sjå, og mange idear å hente. Ikkje alle blokkene vart tekne bilder av, men eit representativt utval kjem med på innlegget her.

Bildet over og under her er Marie sine modellar.

Vi takkar Marie for eit triveleg kurs igjen, og for god vegleiing i fargar og teknikk på ein svært så travel kurskveld for henne, men kjempekjekt for oss deltakarar!

Kurs med Ati!

Som dei fleste av medlemmane våre er gjort kjend med, så vart kortkursa med Ati Ham Sas utsette tidlegare i denne månaden. Men dei vart ikkje avlyste, så her kjem dei avtalte datoane:

Det vert to korte formiddagskurs desse to laurdagane:

• 9. november
• 16. november

Teknikken de får lære er korleis ein lagar dei vakre blokkene til Ati. Dei byggjer på ei Crazy quilt blokk som vert pynta med broderi, blonder mm.

Det er mange påmelde på kursa, om du vil vere med må du ta kontakt med kursleiar Ingun i løpet av denne veka. Då får du vite om det er ledig plass. Dei som er påmelde, vil få epost med info om tid og stad frå Ingun.

Kunstnerisk crazy egg!

Under førebuing til neste innlegg om klubbmøte, så søkte red på Google etter bilder med tema påske. Kom då over dette utruleg flotte crazyquilt-egget på denne bloggen og tykte at dette fortente eit eige innlegg. Kunstnaren bak dette skriv at ho vart inspirert av dei viktorianske egga der det er eit utsmykka rom inni. Ho bur i USA og HER er bloggen hennar.

Herved er inspirasjonen sendt vidare til alle medlemmer i klubben!!