Bilder frå Oktobermøtet.

 

Denne veska får de sjå framgangsmåten på neste møte!

På møtet viste Torunn framgangsmåten til løpar.

Vi hadde også ein gjest på besøk, ho viste fram nydelig veske ho har sydd, og nokre småting som ho har fått.

Søstre for søstre!

 Det er kjekt å bidra!

Når vi i Nordfjord Lappe- og Quilteklubb får ei utfordring, så tek vi den på strak arm. Gloppen Lappe- og Quilteklubb oppmoda oss om å sy toalettmapper til Søstre For Søstre - Desiree's Lappeteknikk.

I vår leverte vi ei mengd toalettmapper til Krisesenteret i Florø, og no har vi levert til Krisesenter for Sunnmøre i Ålesund.

Tusen, tusen takk til Lions Club Nordfjordeid for økonomisk støtte til å fylle mappene med toalettartikler.

Kjekt at vi sammen kan bidra

Snart klubbmøte igjen!!

 Vi ynskjer velkommen til oktobermøte no tysdag 6.10 kl 18.30 på Stokkenes gjestegard.

På dette møtet vert det både syaktivitet og diverse info om anna aktivitet fram til jul.

Syaktiviteten:

• Torunn vil vise korleis ein syr ei dobbelsidig blokk,....ei blokk som er like ferdig på både framsida og baksida! .
• Du treng å ha med deg stoffremser til begge sidene (eller heile stoff om du ikkje har remser). Tenk på at det skal vere ein fargetone på eine sida og ein annan på den andre sida. Då kan du td. sy to ulike løparar under eitt! Vendbar! Jul og påske??  :) Finast med ulike stoff innan ein farge, då blir det litt liv i flatene. Breidda på remsene har ikkje stor betydning, men ikkje mindre enn 1 inch.
• I tillegg må du ha eit stykke stoff som matchar stripene.
• Symaskin, skjæreutstyr, og eit litt fast og stabilt stoff til å sy remsene på. Ta med linjal med markering for 45 grader og litt vatt.
• Du treng ikkje tenke på kor stort du skal lage, blokka passar fint til løpar, men også som dekor på både vesker og kuvertbrikker.

 

• På møtet får du info om veskekurset v/Liv Holvik som vi skal ha i slutten av månaden, bindande påmelding på møtet eller pr telefon om nokon ikkje har høve å komme på møtet.
• Vert det ein felles sydag også??
• Vis og fortel
• Lotteri
• Kaffipause
• ....og truleg litt varer frå Sybutikken Primula Design.

                                                              VELKOMMEN!

På tur i regnveret!

Laurdag 19.september var dagen for ein medlemstur. 

Ikkje heilt ein blåtur, for alle visste om målet, vi får kanskje kalle det ein GRÅTUR, for her på Vestlandet var det regn som ausa ned og fare for både flaum og ras!! Men turen vår gjekk som planlagt til Førde og butikken "Trapp ned" der Marit tok imot oss og hadde forlenga åpningstid.

Bildet av butikken er lånt frå butikken si Facebookside, og som de les, så hadde vi eit heilt anna ver enn det som er på bildet!!

Marit har drive butikk med stoff i mange år, og den er fyllt av mange inspirerande modellar. Utvalget i stoff er stort og variert, og har både nye stoff og stoff frå mange tidlegare kolleksjonar. Så her kan vi plutselig finne ein bit av akkurat det eine stoffet som vi treng!

Bilda viser litt av både modellar og stoff,  og sjølve lokalet er med på å danne denne koselige butikken.

I eine hjørnet av butikken er alle julestoffa samla og i vindauget ut mot gata finn vi mange små Tildakaniner, fint pynta med kjolar i småblomstra stoff. Mønster ligg gratis på Tilda si side, og lurt å forstørre opp mønsteret litt pga. små delar på originalen.

                                                        Fine mus frå boka "Tildas jul".

Butikken har også eit lokale som er brukt både til kurs og møte i quiltelaget , her fekk vi ein koselig kaffipause rundt langbordet og vi kunne nyte all pynten på veggane i det nydelige lokalet. 

Vi takkar Marit for ein triveleg dag i butikken, og vi reiste heim med mange idear, sytips om både quilting, info om bruken av ulike vatttsortar og saum av både kle og praktiske bruksting.

Tek også med at ho har pr. no nokre få ledige plassar på Collagekurs med Elisabeth Juul Andersen 12.-14. februar neste år. Kontakt butikken om du er interessert!