Klart for Låvemesse denne helga!!

Det er no berre timar att til Låvemessa opnar, og vi ynskjer både "gamle" og nye kundar velkomne til "Monsgarden" i Leivdalen.

Låvemessa er open mellom kl. 12 og 18 laurdag og søndag. Her får de møte både godt handverk og kultur på ein plass! Vi har 23 salsboder  i låven og ute på tunet og i kafèen vår serverer vi tradisjonsmat som  nysteikte sveler og natronkaker.

På låven har vi utstilling av store tepper, sal av ei stor megd quiltearbeid og eit flott lotteri med over 30 gevinstar. Vi har igjen ein flott hovudgevinst: Dukke i ei flott vogge og med stor garderobe!

Søndag vert ein skikkeleg kjekk familiedag, for då er det Open Gard i regi av Eid Bondelag.

Eit lite tips! Når de kjem til garden, vil de sjå ein dekorert MELKERAMPE! Her har vi GRATISLOTTERI om de skriv dykk i boka som ligg der.

Velkomne til Låvemesse!

Låvemesse!

Det nærmar seg Låvemesse igjen!
6. og 7. september kl 12-18 vert det liv og røre på "Monsgarden" i Leivdalen! 

Vi takkar medlem Aslaug m/familie for at dei legg til rette for dette unike arrangementet i Nordfjord.
Det er 3. gongen vi arrangerer denne messa der, og det er gode erfaringar frå før som gjer at vi no gjentek dette.
Som tidlegare år, har klubben vår salsutstilling på låven, og det vert mange salsboder ute på gardstunet. Det er kanskje no ein bør kjøpe dei første julegåvene??  Her får ein kjøpt både mat og godt handverk frå produsentar, og kafèen er open heile tida. Kafèmenyen vert minst like god som før; med kaker, smørbrød og dei berømte natronkakene våre.

Søndag 7. sept vert det også OPEN GARD! Eid Bondelag vil være der med ulike dyr og dei legg til rette for kjekke opplevingar for både små og store.
Det vert òg høve til å besøkje samdriftsfjøsen på garden, her er det melkerobot. I fjøsen er det 50 melkekyr og rundt 110 storfe totalt.

Det vert også underholdning begge dagar:
laurdag kl 15.00: Eid Spelemannslag spelar opp på låven!!
søndag  kl 15.00: Stårheim Songlag underheld på låven!!

Ein ting som er viktig å huske på er at vi ikkje tek kort, så ein må ta med seg kontanter.

Vi håper mange tek turen oppom «Monsgarden» i Leivdalen desse dagane og ønsker alle 

Velkommen til ein triveleg handel.

Natronkakebakst!

Då er første bakerunde med førebuing til Låvemessa unnagjort! Denne veka vart det baka 500  nydelege natronkaker!!!!

Vi skal ha ei bakerunde til rett før messa, så no håpar vi at litt fleire skal få smake desse berømte kakene våre under arrangementet 6. og 7. sept. Vi veit frå tidlegare arrangement at desse natronkakene er svært populære både i kafeen og i salsbua vår, og dette prøver vi no å forbetre med å ha dobbel produksjon!

Om du vil ha oppskrifta, så finn du den HER.

Snart Låvemesse!!

Bildet er frå lokalavisa Fjordabladet.

No er det berre få timar att til årets store Låvemesse ! Etter suksessen i fjor, så prøver vi i år også med salsmesse laurdag og søndag. Nytt i år er at det også vert arrangert Open gard i same gardstun søndagen, så her kjem det nok til å bli folksamt!!

I kveld har ein stor dugnadsgjeng halde på med rigging av messa, og det bugnar av hundrevis av salsvarer! Heilt utruleg kva flittige medlemmar  har laga, og det er høg kvalitet på det som vert lagt ut for salg. I tillegg til det våre medlemmer stiller ut, så vert tunet også fyllt av andre stand med handverksprodukt og ulike slag matvarer. Ein skikkeleg gammaldags marknad nesten!!!

Vi gler oss, og det gjer sikkert kundane våre også!

Ei fantastisk låvemesse!

D-kor

Det er mandag i dag, og slett ingen blåmandag når vi ser tilbake på arrangementet vårt. Verre er det vel med oss arrangørar som stod på begge dagane, slitsomt men kjekt, ja så kjekt at dette gjer vi gjerne ein gong til!!

Ein kjempesuksess i eit bygdemiljø med fjøslukt og våte vegar og marker. Men folk kom i lange baner og hadde fokus på alt det vi serverte av quilta godbitar, heimelaga mat i kafeen og mange kjekke medutstillarar som vi hadde fått påmeldt eller invitert.

Stårheim songlag

Glimt frå langveggen inne i låven.

Mange flotte gevinstar frå medlemmene gjorde at det gjekk godt unna med loddsalet. Trekning vert 12. september.
Eit lite kunstutsal like ved kafeen vår.
Og inne i kafeen var det trengsel og god omsetnad på all den gode maten begge dagane.

Det kjem meir bilder frå messa seinare.