4. desember!

Dagens hjerte er i teknikken papirsaum.

Vi har nyleg hatt kurs med Grete Gulliksen Moe der vi hadde om papirsaum,....men vi sydde då på Rasterquick.

Dette hjertet kan du sy både på papir og på rasterquick eller vanleg vliselin. Fordelen med vliselin er at du treng ikkje ta den bort, det må du gjere om du brukar papir. Om du ikkje har prøvd teknikken før, så går det ut på at du syr etter nummer på mønsteret, og google "paperpiecing" på Youtube, så finn du mange eksempel.

Det er ikkje link til desse mønstera, men kopier bilda inn i Word, då kan du "dra i hjørna" på bildet og få den størrelsen du vil ha.

Lykke til,...og legg gjerne ut bilde i kommentarfeltet på Facebooksida dersom du syr eit slikt hjerte!!

Ein kopp kaffi i dag??

Det er søndag, og fridag for mange av oss. Å ha heilt fri frå alt arbeid er vel kanskje ikkje heilt rett å seie, men om du vil slappe av med noko framfor symaskina, så er det vel det same som å ha ei god fristund??  Og premien er ei lita blokk som kan bli ein Mug Rug som du kan bruke til ein velfortent kaffikopp etterpå??

På heimesida til svenske Rikstäcket er det mange gode tips, HER er link til bildet over. Noko av det som står der er kun for medlemmar (tilsvarande Norsk Quilteforbund), men der er også mange flotte tips som er ope for alle.

Denne flotte koppen er laga i teknikken "papirsaum" der du syr i rekkjefølge etter tala som står på delane. Linken som står på sida fungerer ikkje (Debby Kratovil Quilts), men ved søk på Google, finn vi same koppen på sida til Quilterbydesign.com (som også er knytt til Debby Kratovil!!) . HER kjem du rett til PDF format med mønster som du kan skrive ut.

George Siciliano igjen!

Nokon som huskar George Siciliano? Amerikanaren som kom til Eid og heldt kurs for 30 av våre medlemmar! Den store mannen med dei bittesmå lappane! Tusenvis av lappar.

Han syr framleis med dei bittesmå lappane sine, på papir, med den sjølvdesigna linjalen som han har fått i produksjon.

No har han vore på utstilling på den store Quiltefestivalen i Houston.

2014 Winners in Quilts: A World of Beauty,

the annual Judged Show of the

International Quilt Association

www.quilts.org

HER kjem du til heile samlinga av vinnarar i fleire kategoriar.

Under kategorien "Miniature Quilts" har han vunne 2. plass for quilten du ser på bildet under her.

Litt bilder frå quiltar han hadde med seg då vi hadde kurs med han i august 2010:

HER kjem du til innlegget om kurset vi hadde.

Desse to bilda er laga ev medlemmar, med mange tusen bitar! Beklager dårleg bildekvalitet, men bildet er frå utstillingsbilder frå Regionstreffet vi hadde i vår.

Marsmøte!

Bildet og mønster er henta frå Yvonnes.dk

Det er VÅR og då må vel vårblomster være det rette blomstertemaet på neste møte.

Vi har valt ut 2 blomster, ein krokus og ei rose.

Teknikken vi har tenkt å fokusere på er papirsaum/ saum på vliselin med symaskin eller for hand. Vi er vane med å sy med maskin på papir, dette vert litt vanskeleg om ein vil sy for hand. Difor kan du velje om du vil ta med symaskin eller berre synåla!! Om du vil sy for hand, så må mønsteret overførast til eit fast materiale, td. vliselin eller tearaway. Då må ein ta med seg lys så vi får laga oss "lyskasse", for det er truleg ikkje nok dagslys til at vi kan bruke lys frå vindauget når vi skal overføre mønsteret.

Ta med deg det utstyret du treng til syinga, og stoffrestar til blomstane. Dei ferdige blokkene er ca 15 cm, så det er ikkje store stoffbitar du treng.

Denne modellen har bloggred. sydd i dag, Fritt etter originalmønsteret. Denne er med eitt blad, men som de ser kan den òg syast med to blad og ein litt mindre blomst.

Om du ynskjer å sy andre slike blomster, så er her mange fine motiv til papirsaum på DENNE sida. Mønstra er veldig små, så dei må bearbeidast litt på pcen!

Då møtest vi tysdag 6.mars til ein koselig sykveld på Stokkenes Gjestegard!