6. desember!

I dag er hjertet sett sammen av trekantar i mange fargar.

(bilde frå pinterest)

Det er fleire måtar å sy perfekte trekantar på, metodane er mykje brukte, så ta eit titt på begge forslaga her!

Her er ein annan måte frå sida Lemonsqueezyhome, her lagar du 4 like i ein fei!

Lykke til!

Quiltemagasinet!

Quiltemagasinet kom i posten i dag. Skikkeleg kos å komme heim frå jobb og kunne nyte eit nytt quilteblad til ein kopp kaffi.

Men kva ser eg???? Blir visst ikkje kvitt desse trekantane eg har skrive om siste dagane, for inne i bladet er det mønster til denne Retro-løparen!

Og måten den er sydd på.........akkurat slik som det er forklart i eit tidlegare innlegg!

Og du kan bruke Triangelpapir står det,....dette finn du link til nedlasting av mønster i innlegget frå 18. juni.

Eit geometrisk møte!

Det vart visst eit innlegg i dag også, eit innlegg som byggjer på dei to forige innlegga. For få dagar sidan var det ikkje planer om desse innlegga, men slik er tilfeldighetene når ein tek seg ein oppdagartur ut i quilteverda med pcen på fanget! Men du verden kor kjekt det er! Håpar de som er lesarar også synest det er kjekt med litt inspirasjon.

Når ein kjem med tips her på bloggen, så synest eg det er kjekt å komme med noko der ein kan holde seg til eit tema, og å sjå moglegheitene rundt dette. Akkurat slik som det no er blitt ein serie med triangel og trekantar. Sidan underteikna er glad i både matematikk og geometriske former, så nyttar eg ofte høvet til å vise at matematikken har stor plass i quiltinga. Og har du ikkje likt matematikk i yngre år, så er det kanskje litt artig å oppdage at det er rein praktisering av matematikk når vi driv med hobbyen vår!!

Bilda er frå Pat Sloan, og mønsteret er eit gratismønster.

I dag dukka dette tipset opp på Pinterest, har du ikkje vore inne på slike sider, så linkar eg til sida HER.

Om du framleis lurer på kva "Eit geometrisk møte" tyder, så må du kikke på blokka over her. Ein matematikklærar ville juble om vi dukka opp i ein time med denne blokka! For kva ser du her??

• Trekantar
• Kvadrat
• Rektangel

Og vidare,.....dette kan brukast til ei grubleoppgåve, for kor mange kvadrat ser du? Kor mange trekantar og rektangel?  (bloggred. har ikkje fasiten!! Men tek gjerne imot forslag til svar, så får vi sjå kva lesarane finn ut!! :)  )

Mønsteret til dennne blokka finn du HER, og som du ser, så er dei 4 kvadrata i hjørna sydd på same måten som er forklara i dei to siste innlegga. Legg merke til kor lyst og sommarleg teppet er med den lyse bakgrunnen i blokkene, og her er brukt mange ulike lyse stoff.

Ha ein fin sykveld !

Triangel og trekantar!

Ja om vi kallar det triangel eller trekantar så betyr det ikkje noko. Det som betyr noko, er FARGEN på dei!! Og akkurat det er det vi som er ekspertar på!

Og vi er mange ekspertar rundt om i landet! Truleg mange fleire enn vi veit om, for det er ikkje alle som er med i eit quiltelag eller ei sygruppe. Vi som har vore med i eit lag i fleire år, veit kor kjekt, nyttig, inspirerande og sosialt det er å være i lag om ein felles hobby. Så om her er lesarar som ikkje er med i noko lag enno, ta kontakt med eit lag i nærleiken av der du bur, du blir varmt velkommen! Og kjenner du ikkje til kvar du finn eit lag, så ta kontakt og meld deg inn i Norsk Quilteforbund, der får du hjelp! I siste blad til NQF som nyleg kom ut, hadde dei teke med i lederen ei oppfordring frå oss om å registrere seg! Dette vart vi veldig glade for, fordi vi hadde problem med å finne fram til quiltarar som vi kunne invitere då vi hadde Regionstreffet. Og dei som fekk personleg invitasjon frå oss, dei vart veldig glade for det! Så oppfordringa her er at så mange som råd melder seg inn i NQF eller eit lag, då får du såååå mykje meir glede av hobbyen!

Vel, det vart visst eit lite sidesprang frå trekantane her, men må også få ta med at vi fekk heile 3 SIDER omtale og bilder frå Regionstreffet i siste medlemsblad til NQF!!

Som de ser, så er det limt inn to bilder av quiltar. Begge er laga av trekantar eller triangel etter same teknikk som stod i innlegget i går. Og som eg starta med øverst, så er det kun plasseringa av fargar  som avgjer resultatet!
Tidlegare var det eit firma i Bergen som kalla seg "Tre damer", dei hadde eit opplegg som dei kalla "Tryll med trekanter", der dei brukte "triangelpapir". Når ein ser alt ein kan få til med akkurat desse rettvinkla trekantane, så er det som å trylle!
Ved søk på nettet etter triangelpapir, dukka det opp ein link hos Elverum Quiltelag.

Sida heiter Quilting and Whatnot.

Her ligg det gratis PDF-filer til triangelpapir i ulike storleikar. Dette kan de laste ned og skrive ut på A4 ark, og bruke til papirsaum. Dette er ein effektiv måte å sy mange blokker på ein gong! To lag stoff, papiret øverst og sy i veg. Deretter kuttar du opp, og vips så har du mange ferdige kvadrat klar!!

Ha ein flott sykveld, det skal regne i fleire dagar no, så berre dukk ned i stoffhaugen!

(bilda i innlegget er lånt frå Flickr)

Glasbrikke!

Starta du ikkje på sommarløparen i går?? Då kan du kanskje sy deg ei lita glasbrikke på ca 10 x 10 cm??
På same bloggen som det var linka til i går, Bee in my Bonnet, er det også lagt inn nokre TUTORIAL (sjå øverst under headingen der). Tutorial er på godt norsk ei oppskrift, her framstilt med både tekst og bilder frå start til ferdig produkt.

HER kjem du til oppskrifta som er på engelsk.

Denne glasbrikka er sydd på ein enkel måte, og du kan gjerne forstørre måla slik at du kan bruke det til tepper ol. også.

Du startar med to kvadrat som du legg oppå kvarandre, og merkjer opp to diagonale striper, 1/4 inch ut frå midtdiagonalen. Det er på desse oppmerka stripene du skal sy, og deretter skjer midt mellom.

Saumen må du stryke ut, deretter merkjer du på nytt opp motsett veg slik bildet viser. Når du no skal legge eit anna samansytt kvadrat under, så må du ha sydd slike av fleire ulike stoff så du kan få 4 ulike stoff i den ferdige brikka.

Vær nøye med at saumane ligg oppå kvarandre!

Del igjen midt mellom saumane!

No skal du reinskjære, legge under tynt vatt og lage til bakstykke som stikk ca 3/4 inch fram om kanten.

Brett inn 2 gongar og sy, her er det gjort med maskin, men handsaum går vel like bra!

Då er det berre å leite fram sommardrykkjen og nyte arbeidet ditt!