Fantastiske nåleputer!!

På siste klubbmøte hadde vi utstilling av nåleputer,....mange, mange nåleputer!

Det heile starta ved at  medlem Janne nemnde at ho hadde etter kvart fått mange nåleputer etter at ho var med i ein "byttering". Ho sydde og sende frå seg nåleputer og fekk tilbake like mange, både norske og utenlandske. Og utruleg flotte og varierte modellar.

På siste møtet inviterte vi også medlemmane til å ta med seg nåleputer til utstillinga, og det vart ei flott samling!

Etter å ha sett alle imponerande mønster og teknikker på desse nåleputene, så er ein ting klart: Ikkje kast den minste stoffbit, den kan brukast til å sy ei NÅLEPUTE!!

Tusen takk til Janne for inspirasjonen!!

Hjertelige nåleputer

Hos Primula Design på Nordfjordeid ligg desse hjertelige nåleputene framme!

Ein er kanskje ikkje motivert for dei store syprosjekta i ferietida, då er dette kanskje ein ide til lett sommarsyimg?

Her er hjerta applikerte på  med vlisofix og pynta med dekorsaumar. Om du syr nokre til å ha på "lager", så har du alltid ein liten presang på lur når du treng det!!

Fleire idear til nåleputer finn du td. på denne sida på Pinterest. Der er også mønster til nåleputa i "Katedralvindu", du kjem rett til mønsteret HER.

Om du skal til Nordfjord no i sommar, så stikk innom butikken, for der bugnar det av flotte stoff, mønster og modellar, og Ingun har alltid eit inspirerande kreativt prosjekt på gang der!

Eit lite sommararbeid!

Ei lita nålepute er noko som ein klarer å lage på ein dag, eller ein liten del av dagen! For når vi endeleg får ferie, så skal vi gjere unna alt det som vi ikkje rekk elles i året,..... men vi må no få tid til å sy litt likevel??
Hos Crazy Mom Quilts ligg det oppskrift til ei lita og nett nålepute, med 9-ar-blokk i miniformat!

Kanskje ein også kan sy denne for hand om du ikkje er i nærleiken av ei symaskin!

Dette er ein ekte miniquilt, for desse 9 kvadrata er berre 1 inch!!

Sjå her kor mange fine små nåleputer!

Internasjonal NÅLEPUTEDAG!

Oppdaga på ein nederlandsk blogg at i dag er det den INTERNASJONALE NÅLEPUTEDAGEN!

Sjå HER for å komme til bloggen og mange av verdas nåleputer.

I vår quilteklubb hadde vi vår eigen nåleputedag på eit klubbmøte i januar i år, utan å vite at det verkeleg finst ein nåleputedag.

Sjå HER for å finne utstillinga vår!

Nåleputeutstilling

God romjul til alle som kikkar innom! Må berre minne dykk på at når vi skal ha vårt første klubbmøte no 5. januar 2010, så har vi Quiltekafe med NÅLEPUTEUTSTILLING!!

Det er ikkje meininga at no skal de sy nye i full fart til utstillinga! Nei, no vil vi gjerne sjå kva som finst rundt om i heimane, og ALLE nåleputer er kvalifiserte!!

• Gamle
• Nye
• Heimelaga
• Kjøpte
• Kreative
• ....og dei som slett ikkje er fine, men nyttige!!

Fint om du merkjer dei med namnet ditt til utstillinga. Ikkje fordi vi trur der er to like, men kanskje nokon vil spørje akkurat deg om di nålepute!

Desse modellane er ikkje laga av hverken meg eller nokon i klubben, dette er bilder eg har funne på nettet ( om nokon "eig" desse bilda, så håper eg det er ok at eg har lånt dei til bloggen). Mange artige idear å finne!