Besøk hos Quiltestæsj!

 Reisebrev frå Mariann!

Det er  alltid hyggelig å gå innom ein quiltebutikk når ein er i nærheten, denne gongen var eg i Bergen og då må ein berre ta eit besøk hos Quiltestæsj.

Butikken ligg Åsane med adresse Liamyrane. Om ein er i sentrum og ikkje har bil, så er det veldig enkelt å komme til butikken, ein tek buss nr 4 frå Festplassen eller Bryggen,  og bussen stoppar rett ved butikken, stopp "Industribygget". Tek ca 20 min og returen er like enkel! 

Så oppfordrer til å ta eit besøk, og en blir alltid godt mottatt på butikken. Mange nye stoff og fine modeller, og eg får alltid ja når eg spør om å få ta bilder! Tusen takk til butikken for det!

Her er ein liten bildeserie frå besøket!

Besøk hos Fantasi på Sandane!

Eit lite reisebrev frå medlem Mariann:

Når ein har eit ærend på Sandane i nabokommunen, kan ein ikkje la være å besøke butikken Fantasi.

I utgangspunktet tenkjer eg på at dette er ein quiltebutikk, men den er også mykje meir. Her finn ein stort utval av alt utstyr ein kan trenge til Scrapbooking, og dei som jobbar der har erfaring og kan gje gode råd. 

Her er også ei avdeling med både strikkegarn og broderi, så her kan alle kreative finne noko å supplere med!

Eg får alltid ein god og lang prat med den som jobbar i butikken, og får då også lov til å ta bilder i quilteavdelinga. 

Denne gongen vart eg merksam på stoff i glade fargar, og det var det rikeleg av. Berre sjå på bildet under av reolen med stoff frå Tula Pink.

...og sjå desse sommarlege stoffa!!

Flott serie frå Tim Holtz

Butikken har stort utval i "Layer cakes" i mange størrelsar, spesielt mykje av 5 og 2,5 inch!

Mange fine ferdige modellar finn ein i hyller og på stativ!

I slutten av september arrangerer butikken syhelg. her er begrensa tal på plassar, men er ope for alle, så det er berre å melde seg på!!

Takk for ei kjekk stund på butikken!

Helsing Mariann L. Hatlenes

Presentasjon av butikkar!

Vi er så heldige at det kjem heile 6 butikkar på Regionstreffet 2. april!

Presenterer dei her med link til Facebooksida deira. Om det er spesielle varer du er ute etter å kjøpe under treffet, så er det lurt å ta kontakt med butikken i forkant slik at den vara vert med!!

Her er lista:

• Frå naboen vår i aust kjem Lappeloftet som held til i Vågå.

Frå Fosnavåg på Sunnmøre kjem Sølvi Quiltestudio, godt kjent for flott quilting av tepper som vi syr! Og har butikk i tillegg.  

• Frå Førde kjem Trapp ned, den vesle gule butikken midt i sentrum! Godt uval av stoff og Marit er erfaren sydame!

• Frå Sandane kjem Fantasi! Butikken som er både fysisk butikk midt i sentrum og som har nettbutikk! Butikken har ofte sy- og hobbykveldar og stort  utval av hobbymateriell.

• Frå Nordfjordeid kjem Lappestua Eid. Butikken har sal og service av symaskiner og sel utstyr til saum  Driv også med bunadskurs og har godt utval av stoff og utstyr til Nordfjordbunad. Har av og til Pop-up-butikk i sentrum! 

• Frå Nordfjordeid kjem Sybutikken Primula Design, den vesle sjarmerande butikken rett ved Klemmekroken i Eidsgata! Her er stort utval av stoff og du får gode råd om quilting av erfarne Ingun! 
  
  
  

Eit kortreist reisebrev!

Det er midtsommar, mange av oss er på tur eller skal ut og reise litt, og kanskje samle litt inspirasjon til hobbyen vår. Sommaren er kanskje ikkje den store sesongen for å sitje inne og sy, men då er det endå viktigare å farte litt rundt og samle idear som du kan plukke fram på mørkare kveldar.

Vi som bur i Nordfjord er så heldige å ha to gode quiltebutikkar med kort avstand i mellom. På Nordfjordeid har vi Sybutikken Primula Design og på Sandane (nabokommunen vår) har vi Fantasi som  også har nettbutikk.

I dag skulle eg forbi Sandane i eit ærend, og sjølvsagt må ein då finne ærend innom Fantasi!! Og som alltid når eg spør om å få ta bilder, så er det alltid positivt svar! Det er berre kjekt å få vise fram det dei har, og i dag så lurte eg på kva som er nytt i butikken, og kva som er populært akkurat no.

Det aller første som eg fekk sjå, var ein flott løpar med enkle trekantar. Fantasi har starta med "Månadsabonnement" som dei legg ut som pakkeløysing  den 1. i kvar månad. Her er det stoff og mønster, og treng du linjal så kjøper du den i tillegg.

JULI-abonnementet: Ein enkel men stilrein løpar!

Løparen er sydd av ulike stoff frå pakken, og linjalen Spider Web er brukt.

Ny stoffserie og mønster frå Sew kind of wonderful var komt til butikken nylig, her kan vi bruke Curves-linjalen som sikkert mange har frå før.

Butikkeigaren gjekk rundt og viste meg det som var nytt og litt spennande, mange flotte stoffseriar var komt inn.

Tim Holz

Ein stor serie med Tula Pink!

Kaffe Fasett

Mønsteret under her er inspirasjon til denne flotte løparen, 

linjalen Super Sidekick er brukt.

Mange fine panel var å sjå i butikken, dette under har motiv "Utedass"!  :)  Kanskje dette kan være noko som er aktuelt å sy i sommar til nokon som har hytte med utedass!!

Håpar no at  nokon no vart inspirert til enten å besøke butikken/nettbutikken eller å sy noko.

Desse lokale butikkane er gull verdt for oss quiltarar  fordi dei både gjev gode sytips, har modeller og kan hjelpe deg med fargeval. Støtt dei når du er ute på reise, og finn du ikkje ut kvar dei er, spør på ei av quiltesidene på Facebook, eller på vår side,  så får du hjelp!

God sysommar, fleire reisebrev kjem kanskje av underteikna eller frå dei mange medlemmane våre!

Helsing Mariann L. Hatlenes

Besøk hos "Trapp ned"!

Eit lite reisebrev igjen,....litt forsinka!!

I haust/vinter har underteikna vore to gongar innom butikken "Trapp ned" i Førde. Denne vesle butikken i det gule huset inneheld det meste du treng til ein ivrig quiltar. Her er rikeleg med stoff og det heng mange modellar rundt om på veggane. I tillegg til mykje syutstyr, så er eigaren Marit ei dyktig syerske både innan quilting og saum av kle. Her får du gode råd til det meste!!

Då eg var innom butikken i haust, så vart eg gledelig overraska då eg møtte Mona Bauge der! Ho var ein av kursholdarane som vi hadde då vi arrangerte Vestlandstreff. Denne gongen skulle ho ha eit kurs i butikken med teknikken "oldemorsruter".

No i neste veke, 28.2 og 1.3 skal Mona igjen komme til "Trapp ned" for å holde kurs og inspirasjonsdagar, denne gongen er det ma. toalettveske ein kan sy.  Det er også mange demonstrasjonar i butikken desse dagane.Det er mulig der er ledige plassar enno, så ta kontakt med butikken om du er interessert! Påmeldingsfristen til kurs er i dag!! Om du vil lese meir om dette, så finn du eit innlegg på Facebooksida på datoen 10. februar.

Tlf. 578 22 433

Vi håpar å kunne få Mona til å holde kurs i klubben vår ein gong, energiske Mona er full av idear og gode råd innan syteknikk.  Over er Marit og Mona i ivrig "quiltediskusjon" og under veileder ho ein kunde i kjøp av stoff til ein løper etter mønster av Mona.

Ho har også laga eige mønster til løper og ei toalettveske som er veldig fin.

Her har Mona sett sammen ulike stoffpakker til løparen!

Bilder frå butikken er under her:

På desemberbesøket var det tydeleg at her var julefargane henta fram!!

 Desse fine hjerta var laga ved hjelp av "krympestoff", ein god ide til neste jul!!

Takk for besøket Marit, blir nok fleire besøk  her når turen går til Førde!!

helsing

Mariann