Teppe av Wedge Ruler

 Sjå kor flott teppe Aud L har laga! Ho har brukt linjalen Wedge Ruler til blokkene og laga nydelege vifteformer. Det kan også likne på fine skjel eller blomster. Tusen takk for at vi fekk sjå teppet på blåturen, det er både kjekt og nyttig å sjå den ulike bruken av ein linjal. Klubben har denne linjalen i biblioteket.

Vår i anmarsj!!

I morgon er det vår! Hurra! Og for å få opp stemninga og forventingar til ei lysare tid, så legg eg ut eit herleg teppe i lyse fargar. Teppet heiter Full Swing.

Bildet av teppet er frå Fat Quarter shop, og på linken HER kjem du rett til sida, og det er GRATIS!!! Mønsteret ligg som PDF side, HER er link til den sida.

På bloggen til Ps I Quilt, innlegg 19. februar, fann eg aller først dette teppet, og det var her linken til gratismønsteret dukka opp. Nydeleg dette teppet også!

Eit meisterverk!

Dette er nok meisterverket til quiltaren Haldis! Blokkene har ho sydd nøyaktig ei etter ei. Motiva er applikert med maskin. Litt av ein jobb, for her er det mange delar som skal applikerast på plass.Teppet er eit månadsabonnement frå Quiltekroken , ho byrja i 2009 og etter 12 sendingar vart ho ferdig i 2010.





Den flotte quiltinga har ho fått gjort av profesjonelle, Jannes Quiltestudio, dette er med på å heve kvaliteten på eit så stort arbeid. HER kjem du til Facebooksida til Janne.
Takk for at vi fekk sjå dette Haldis!

Eit fantastisk sengeteppe!!!

På klubbmøtet i mars viste Anne Marie fram eit sengeteppe ho har sydd på over tid. Det måtte ta si tid, for mønsteret til dette kom som ein serie i My Quilt i alle blada som kom ut i 2011. Både underteikna og sikkert mange andre har sett dette mønsteret i blada, men ikkje reflektert noko spesielt over det. Men når ein så får sjå eit slikt ferdig produkt,........ja då skjønar ein at ein har gått "glipp" av noko!!! Det er noko heilt anna når ein får sjå kor flott det kan bli, og spesielt vert det iallefall når Anne Marie set i gang.

Dette er baksida, så fin at teppet er vendbart.

Her er det ikkje kjøpt inn stoff i metervis for å sy sengeteppe nei! Anne Marie bur i eit gammalt hus med stort loft,...dit går ho når ho skal finne materiale. Og dette teppet er ingen unnatak, for under "vis og fortel" fekk vi vite at den flotte kanten med vasar er nokre gamle gardiner. Det same er dei blomstra rutene på baksida, her er litt sengetøy, ein gammal damaskduk, litt klipt frå eit gammalt pyntehandkle, litt blonder som dukka opp, ja slik fortalde ho om nokre av stoffa og det ho hadde brukt. Og der var sikkert mykje meir å fortelje om. Snakk om å ta pusten frå oss som sit med ein haug med nyinnkjøpte stoff! Men det må leggjast til at der var også litt nye stoff innimellom, for å binde det heile saman, eit heilt nydelig arbeid med historie i!

Takk for at vi fekk historia di Anne Marie, og no er det den heldige son og svigerdattera hennar som får det i eige!

Desse to bilda er lånt frå sidene til My Quilt, det ferdige teppet vart gitt til Tv-aksjonen i haust. Flott tiltak! (det er same teppet, men med litt ulikt fargenyanse)

Tusen takk Anne Marie for at vi fekk sjå dette, no må vi nok til å leite fram blada våre,...eller låne med dei som har!

Til dei som ikkje har desse blada My Quilt frå 2011, så finst det enno enkeltnummer å få kjøpt i nettbutikken deira, HER kjem du rett inn på bestillingssida!

Nydelig Irish chain teppe!

(Bilda er lånt frå bloggen TeaRoseHome)

Akk så nydelig!

Kom over dette flotte arbeidet på bloggen til Sashiko frå Usa, Tea Rose Home, så eg måtte berre dele dette med fleire. Her er det brukt teknikken "Irish Chain", bakgrunnen for namnet har ho skrive om på bloggen slik:

"A tradition, which had its origin in England, stipulated that a girl must have twelve patchwork quilts in her dowry. The thirteenth was her wedding quilt and would be made only if she married. It was the most beautiful one, often with embroidery and with heart-shaped designs in the stitching."

Det viser seg stadig at det er dei enkle grunnteknikkane som gjev dei beste resultata, iallefall om ein vel fargar med omhu! Og oftare ser vi kor flott det er å bruke mykje lyse stoff i quiltane, då kjem dei fine og sarte fargane til sin rett. Som de ser så er teppet sett saman av niarblokker og kvite kvadrat, enkelt og greitt! Litt tenkjearbeid er der å ha fargene på rett plass for å få rette effekt i stripene på skrå.Sjå også den fine quilta dekoren i dei kvite felta, ser mest ut som det er gjort for hand! Handquilting,......er vi flinke nok til det?? Ville vi hatt tolmod nok til å quilte eit heilt teppe for hand?

Presangteppe 2

Endå eit nydelig presangteppe til inspirasjon. Nydelige fargekombinasjonar. Til dette teppet er det ikkje gratismønster, men du finn meir om det HER på bloggen Piece and Quilt.