Velkommen til basar på Stokkenes Gjestegard!

Tysdag 2. mai inviterer vi til ope hus på Stokkenes Gjestegard kl 18.30  med basar til inntekt for Ukraina! 

Vi ynskjer alle velkomne og håper på god gammaldags basarstemning. 

Dette teppet er hovedgevinsten, eit dugnadsteppe med blokker som medlemmer har sydd etter eigen ide, og profesjonelt quilta av Sølvi Quiltestudio.

Bilde frå loddsalet på Rema 1000

Vi har hatt mykje fin omtale i lokalavisene våre, og som før nemnt, så går all inntekt direkte til "Ukrainahjelpen".

 Klipp frå Fjordabladet.

Dørene opnar kl 18.30 og vi spander gratis  mat og kaffi på alle. 

Det vert åresal og framleis høve til å ta lodd på bok. Du kan bruke kontantar eller Vipps på basaren. Trekning vert rundt kl 20.30.

Vi har no hatt to veker med loddsal på Alti og Rema 1000 på Nordfjordeid i tillegg til loddsal via Vipps. Klubben takkar alle som har teke lodd hittil, det er ei god sak det er jobba for og medlemmane i klubben har lagt ned eit stort dugnadsarbeid både ved å lage gevinstane og å arrangere lotteri og basar. Vi har medlemmer i klubben frå Sunnfjord, Nordfjord og Sunnmøre, og dei har også engasjert seg i loddsalet i sine område. Så takk til alle loddkjøparar frå Sunnfjord i sør til Ålesund og Sykkylven i nord, og til andre rundt i landet som har kjøpt lodd via Vipps/SMS!

Denne kvelden er også dagen for medlemsmøte i klubben, så då brukar det også å  være "Vis og fortel" der medlemmar viser fram sine eigne arbeid. Sidan denne kvelden er "ope hus", så håper vi at mange vil komme innom og sjå kva vi held på med i klubben vår, og kanskje har lyst til å være med vidare i klubben. Vi har rundt 50 medlemmer, men har alltid plass for fleire som vil "leike seg" med stoff og glade fargar!

Velkommen til alle!

Reportasjen vår i Norsk Quilteblad!

I samband med Regionstreffet vi hadde på Nordfjordeid i april, så skreiv medlem og bloggredaktør Mariann eit innlegg til Norsk Quilteforbund sitt medlemsblad. I siste nummer  4/22 kom artikkelen og bilder med.

Bilda er tekne av underteikna og av Turid Bakken som også er med i styret i NQF. Håper no at andre quiltelag tek ideen vår vidare og lagar til liknande utstillingar!

Vi deltok på Sommarshopping!

Sist laurdag var klubben invitert til å delta i gågata på sommerens første Sommarshopping! Denne laurdagen kalla dei hobbylaurdag og då passa det godt å vise fram vår kjekke hobby.

Vi hadde med oss litt av kvart, og sidan vi hadde veldig kort varsel på oss, så var og utvalet deretter!

Men tepper og løparar vart vist fram i det uventa flotte vêret, og litt salg vart det. Men aller mest vart det mykje kjekk prat med dei som stoppa opp. 

 Vi fekk stå rett utanfor butikken til Primula Design, der var det gode tilbud denne dagen og då måtte vi også handle litt også😊!

Lokalavisa Fjordabladet var også på tur i gata, så vi slapp ikkje unna der, men likevel koselig at vi vekte merksemd med stoffa våre i friske fargar!

Hobbylaurdag!!

Komande laurdag 4. juli må du ta turen til Eidsgata på Nordfjordeid!! 

Då arrangerer handelsstanden HOBBYLAURDAG! Det vert fokus på hobby og kor mange ulike hobbyar som kan "dukke opp" i gata, det gjenstår det berre å sjå!

Handelsstanden som sel det som trengs til hobbyar, vil no promotere varene sine godt i butikkar og i gata. I tillegg så vert det høve til å ha stand i gata der ein kan selje sine produkt. Ta kontakt med handelsstanden på info@eidhandel.no for påmelding, ope for alle!!

Våre medlemmer vert også herved invitert til å ha ein stand i gata, så for meir info og planlegging/orientering så kan vi kontakte Ingun på Primula Design . 

Bildet er teke ved butikken til Primula Design.

Dette skal bli kjekt, så då håper vi at sola skin i den vakre gata vår denne laurdagen!!

Quiltearrangement!

På eige initiativ har eg som driv bloggen her og Facebooksida vår, laga ei Facebookside som er kalla "Quiltearrangement". Sida har ikkje noko tilknytning til klubben vår, men eg tillet meg likevel å publisere litt info om den her fordi eg når mange.

Eg har lenge sakna ei samleside der vi kan finne info om quiltearrangement rundt om i landet. Ofte får vi vite om det etter at fristen for påmelding er ute eller det er fulltegna. Vi har mange flotte tiltak rundt om, nokre finn vi omtala i quilteblada våre, medan andre får vi vite om ved tilfeldighet. Vi har også quiltelag som arrangerer egne kurs for medlemmane sine, nokre gongar opnar ein opp for at andre også kan delta om kursa ikkje er fulle. 

Det er kjekt å gå på kurs og lære av både kursleiar og kvarandre, og eg synest det er viktig at kurs som blir arrangert, også kjem i gang. Det er då det er viktig at kursa er godt annonserte, slik at den som vil og kan, får høve til å melde seg på.

Sida på Facebook vert berre som ei oppslagstavle der eg samlar info og legg ut, så om noko vert feil eller endra, vil eg gjerne har info om det. Er ingen Facebookekspert, så tek gjerne imot råd om det trengs!! :)

https://www.facebook.com/Quiltearrangement-246169319614367/…

Håper alle quiltarar no kan glede seg litt ved å sjå på denne fristande "godteposen" med mange arrangement i 2019! Vil gjerne ha info om fleire kurs ol. som blir arrangert, og spesielt nord for Trondheim!!! Bruk då melding på Facebooksida eller epost hatlene@online.no

Her er ei liste over arrangement som eg har laga ut frå annonserte datoer, meir info om arrangementa finn du på Facebooksida der det er linka til offentlig info.

mvh

Mariann L. Hatlenes

• 26.1          Quilting i Østerled, Kalnes 
• 1.-3.2.       Syhelg, Voss
• 16.2          Linjalkurs, Elverum
• 22.-24.2    Syhelg, Surnadal
• 15.-17.3.   Årsmøte NQF, Sundvolden
• 5.-7.4.       Quilteweekend, Savalen
• 26.-28.4.   "Kom å sy", Klækken
• 26.-28.4.   Kurshelg v/Quiltegården, Røros 
• 13.-15.6    Kurshelg v/Karmaquilt, Nesbru 
• 12.-20.7.   Utstilling, Mora, Sverige
• 22.-25.8.   Quilt Camp Norway; Gardermoen
• 27.-29.9    Syhelg, Tønsberg

Regionstreff!!!

Søndag 10. april arrangerer Førde Quiltelag regionstreff i Førde barneskule. Her finn du innlegget om treffet på bloggen deira.

Bildet er frå bloggen  til Førde Quiltelag.

Vi oppmodar alle som er interesserte i quilting om å ta turen til Førde denne dagen. Eit slikt arrangement er alltid ei god vitamininnsprøyting for oss som likar å styre med stoff og tråd. Her vert det utstilling, fleire butikkar med fristande stoff, modellar og utstyr, ......kan vi ønske oss meir??

Om du vil, kan du også melde deg på foredrag med Trine Bakke, ho driv Lappemakeriet og har skrive fleire bøker om søm og quilting. Gå inn på linkane og sjå mykje fint!!

Arrangementet er ope for alle, det vil seie at ein treng ikkje å være med i ein klubb for å delta, og bur ein utanfor fylket, så er dette eit fint høve til å sjå flott quilting i Sogn og Fjordane!!

Om du ser på invitasjonen så gjekk påmeldingsfristen ut 15. mars, men send ei epost til Turid Førde Solheim, tuf.so@hotmail.com, så er det nok plass til ein til!!!

Frå Eid er vi fleire som reiser, men oppmodar fleire av våre medlemmer til å støtte opp om Førde sitt arrangement!!

Klubben vår har arrangert Regionstreff før, sjå innlegg frå 2008 HER og frå 2014 HER.

Syhelg!

Vi ynskjer alle medlemmane våre velkomne til syhelg no laurdag og søndag (6. og 7. feb). Vi hadde påmelding til helga på siste klubbmøte, men om du ikkje var på møtet, så har vi plass til nokre til!

Stad: Stokkenes Gjestegard

Laurdag: frå kl 10 - ut på dagen til vi syns vi må gå heim.....
                 Lunsj kl 13.

Søndag   : frå kl 10 - ca 15
                  Lunsj kl. 12.30

Aktivitet under helga:  I utgangspunktet tenkjer vi oss at ein tek med seg det vi held på med, for det er både kjekkare og meir inspirerande å sy i lag. Ein får også tips av kvarandre, og lure teknikkar er det alltid nokon som kan! ....og er det ein teknikk ein lurer på, så er der alltid ein kvan som kan hjelpe.

Du kan også begynne på nye prosjekt, er det noko du er usikker på, så tek vi det som ei felles utfordring så du kjem i gang!!

Vi har nokre få punkt som er planlagde:

• Laurdag ca kl 11 viser Mariann korleis ein syr på lukkekant.
• Primula Design vil ha stoff mm. i lokalet.
• Vi fortset med å sy "Storm at sea" og lærer teknikken bedre av kvarandre.
• .....og vi skal kooose oss heile helga!

Den som vil kan ta med kaffimat, "quilteengelen" har fri denne helga......

Avisomtale

Innlegget under her er henta frå sida til Fjordabladet på Nordfjordeid 13.10.15.

Heim   >   Kultur   >   Dei er klare for tre dagar lappelykke

EI HELG MED SAUM OG INSPIRASJON: F.v. Laila Strand Brekke, Anne Marie Holsvik, Haldis Lindset Nesbakk og Elna Aaning Olsen frå Nordfjord Lappe- og Quilteklubb ønskjer klubbmedlemmer og andre velkommen til Nordfjordeid og Vestlandstreff 2015, ein quiltefestival for heile Vestlandet. (Foto: Maria Hjelle)

Dei er klare for tre dagar lappelykke

KULTUR

Publisert: 13. oktober 2015

Oppdatert: 13. oktober 2015

Komande helg er det Vestlandstreff for quilte­interesserte på Nordfjordeid. Festivalen samlar folk frå heile Sør-Norge til tre dagar saum, saum, saum!

Er du sauminteressert, bør du kjenne di vitjingstid – komande fredag til søndag, når Nordfjord Lappe- og Quilteklubb arrangerer Vestlandstreff 2015.

– Dette er kjempestort. 150 kursdeltakarar er påmelde. I tillegg ventar vi kring 200 som kjem innom. Det kjem folk frå Molde i nord til Stavanger i sør, og vi har derfor valt å gi arrangementet undertittelen «Quiltefestivalen på Vestlandet». Det kjem også kurshaldarar og deltakarar frå Austlandet, Sverige og Danmark. Vi har jobba fram mot komande helg i to år, fortel leiar Anne Marie Holsvik i arrangørklubben, som er vertskap for Vestlandstreff for tredje gong. Sist var i 2006, før det i 2000.

– Utviklande
Saman med Laila Strand Brekke, Haldis Lindset Nesbakk og Elna Aaning Olsen ser Holsvik fram til å sy i lag med likesinna i tre dagar til ende. Alle fire er mangeårige medlemmer i klubben og har site i styret på eit eller anna tidspunkt. Spør ein desse damene, er beskjeden klar: Quilting er ikkje noko ein blir lei av om ein først er bitt av basillen.

– Det er alltid noko nytt ein kan lære, noko nytt ein kan lage. I klubben møtest vi ein gong i veka og diskuterer idear og fortel om prosjekta våre – på den måten gir vi kvarandre inspirasjon. På ein stor treff som dette får vi høve til å utveksle erfaringar med nye folk, lære noko nytt, og ikkje minst hente nye impulsar og idear. På Vestlandstreff er det gode sjansar for å vidareutvikle seg, lovar dei.

Å vise fram eigne arbeid og sjå andre sine er ei viktig kjelde til inspirasjon for quiltarane, og mange brukar mobil og sosiale medium aktivt til å dele bilete. No gler deg seg veldig til ei helg fylt med nye impulsar. (Foto: Maria Hjelle)

Ope for alle
På programmet står 17 kurs med 11 ulike kurshaldarar. Somme går over to dagar, andre går over ein dag og kan kombinerast med andre som gjer det same, og det er også korte kurs på nokre timar for dei som vil innom så mange tema som mogleg. Fleire kurs er på drop-in-basis, slik at ein ikkje treng vere påmeld på førehand.

– Det er ikkje nødvendig å vere medlem i ein klubb for å kome på Vestlandstreff. Alle med ei interesse for å sy er velkomne og vil ha utbyte av å ta turen innom. Om ein ikkje vil gå på kurs, kan ein få med seg utstillinga i fellesareala. Det vert òg sal av kaker og kaffi, og lotteri med flotte premiar som teppe, stoff og symaskiner, lokkar Holsvik.

Fem lappebutikkar
Størstedelen av arrangementet går føre seg på Eid Ungdomsskule, men det blir også utstilling på Nordfjord Hotell, der opningsforedraget til Wenche Wolff Hatling på fredag og festmiddagen for deltakarane på laurdag finn stad.

Wolff Hatling er stoffdesignar og innehavar av Northern Quilts på Steinkjer, ein av fem lappebutikkar som held ope under Vestlandstreff. Dei andre er Trapp ned frå Førde, Sølvi Quiltestudio frå Herøy, og heimlege Lappestua-Eid og Primula Design i Eidsgata.

Dermed skulle det vere unødvendig å uroe seg for å gå tom for tråd.

FAKTA
Vestlandstreff 2015
• 16.-18. okt på Nordfjordeid
• Nordfjord Lappe- og Quilte­klubb er arrangør for tredje gong
• Tre dagar med utstilling, foredrag og kurs for quilte­entusiastar frå Molde i nord til Stavanger i sør
• 17 kurs for 150 påmelde, i tillegg mange drop-in-kurs som er opne for alle

Kurshaldarane:
• Anne Pia Godske ­Rasmussen
• Frøydis Myhre
• Ingeborg Strupstad
• Kari Renolen
• Liv Ingunn Holvik
• Mona Rosvold Bauge
• Patricia Iden
• Randi Røys
• Sylvi Ruud
• Tamara Schultz
• Vigdis Hovden Månsson

Quilterally er i gang!

Det store "Quilterally" er i gang i Norge, og i Norden og kanskje endå fleire plassar! I dag laurdag og i morgon søndag 4.10 er det rallydagar! Om du googlar quilterally, så kan du også lese korleis dei gjer det i td. Danmark og Sverige.

Dette er eit arrangement der det er ekstra gode tilbod på mange quiltebutikkar, og det var kanskje meint at ein skal ta bilen og køyre frå butikk til butikk for å handle. Mange må nok ha rallyfart for å nå fram til næraste quiltebutikk på ein dag, men i vårt område er vi så heldige å ha med ein av våre to "nær-butikkar": Primula Design!

Quilterally har eiga Facebookside og eiga nettside. På nettsida finn du ei oversikt over alle quiltebutikkar i Norge som deltek denne helga.

Primula Design har allereie avvikla ei "rallydag" med gode tilbod og rabattar på alle quilterelaterte varer i butikken! I morgon søndag er butikken open kl 10-16 med minst like gode tilbod.

 Mange fristande nye stoff på hylla, og med ferdige modellar, så fristar det endå meir!

Underteikna kunne ikkje motstå desse flotte stoffa, og på kjøpet vart det jammen ein rabatt som varer ut heile 2015!!

I morgon vil du kunne bruke denne stansemaskina og stanse ut gratis figurar som du ser her. Stryk på vlisofix på eit stoff heime, ta med deg til butikken og lag deg fine figurar til å applikere på noko. GRATIS!!!

Ingun og Synnøve på Primula Design ønsker alle velkommen inn til eit rallybesøk 

i morgon søndag 4.10 kl 10-16!!

Jubilantane!!!

Her er vi, 25 av 28 ivrige jubilantar som sydde nydelige blomster heilt ute ved havet.

Kursleiar Randi Røys i midten framme.

I to dagar, berre avbrotne av denne nydelege solnedgangen laurdag kveld, så vart det sydd mange ulike veggoppheng og løparar.

Kursleiar var kreative Randi Røys som var utruleg flink! Tusen takk Randi for alt du lærte oss og hjelpte oss med, alt frå fargeval av stoff, bruk av sting, og ikkje minst tålmodig rettleiing då vi skulle sy saman "labyrinten" av strimlar til botnen. Artig måte og utruleg dekorativt!

Her er eitt av produkta frå kurset, fleire bilder vil komme på bloggen seinare. Randi skal ha kurs nr. 9 på Vestlandstreff, og det som vi sydde denne helga, kan knytast direkte til kursopplegget som ho skal ha då!

Vil du sjå fleire bilder, så følg med når neste innlegg kjem!

Snart jubileumstur!!!

No er det berre få dagar att til vi reiser på jubileumstur!! Blåturen som ikkje er så veldig blå,.....for alle veit kvar vi skal! Men sjå berre kor mykje blått det er på bilda!

Over halve klubben har meldt seg på til arrangementet komande laurdag og søndag, så dette skal bli ei flott markering av at vi er heile 20 år!!

Turmålet vårt er som kjent heilt vest i Nordfjord, til Vedvik som er ei perle heilt ute ved storhavet.

Klikk på bildet så ser du det i større format.  Bildet er lånt frå www.vivest.no, her finn du også andre fine bilder frå Vågsøy kommune.

Her ute bur også nokre av medlemmane våre, dei har vore gode hjelparar i planlegginga.

Det er sendt ut info på epost til alle medlemmane, så les den no om du ikkje har gjort det. Der finn du også info om kva du må ha med deg til kurset som Randi Røys skal holde for oss!

Då gleder vi oss til ei helg med sying, god mat, god prat og flotte opplevinger i ein storslått natur. Vi får be vergudane om sommarver, då kan det kanskje bli litt bading også??

Mange vakre småstrender med kvit sand i Vedvik!

Velkommen til ei festhelg!!

Vestlandstreff i Florø

Då er årets Vestlandstreff i Florø over, og vi som var der er nok veldig glade for at vi tok turen. Kjekke og inspirerande dagar, med mykje nyttig å lære og mange butikkar å fråtse i. Takkar arrangøren der for eit flott gjennomført arrangement, no er det klubben vår som skal førebu neste års arrangement.

Bloggred. har fått lov å legge ut bilder frå arrangementet der, så her er nokre smakebitar frå utstillinga og kurs.

 Over her er frå kurset med Frøydis Myhre, her gjekk Kari M. R. og ho heldt på med dette bildet i stoffmosaikk då eg var innom og såg.

 Dette bildet er laga av ein kursdeltakar, Nina Vestgård Slåtsveen(eit liknande bilde ligg også på Quiltesiden på Facebook) . Ho gjekk på kurs med Anne Beier Finnestad, der gjekk også Signy Alise, så vi får nok sjå nærare på teknikken seinare! Vil også ta med her at dette kurset får medlemmane våre tilbod om til våren! For dette blir årsmøtekurset vårt! Så berre gled dykk! Under her viser "grunnarbeidet" til bildet, stoffmaling!

 Dette er lotteriet på bok som var trekt søndag. Og om eg ikkje huskar feil, så vart det iallefall 6 gevinstar som gjekk til våre medlemmer!

Takk til Quiltegruppa i Florø, dette var kjekt!