søndag 20. mars 2022

Presentasjon av butikkar!

Vi er så heldige at det kjem heile 6 butikkar på Regionstreffet 2. april!

Presenterer dei her med link til Facebooksida deira. Om det er spesielle varer du er ute etter å kjøpe under treffet, så er det lurt å ta kontakt med butikken i forkant slik at den vara vert med!!

Her er lista:

  • Frå naboen vår i aust kjem Lappeloftet som held til i Vågå.


Frå Fosnavåg på Sunnmøre kjem Sølvi Quiltestudio, godt kjent for flott quilting av tepper som vi syr! Og har butikk i tillegg.  


  • Frå Førde kjem Trapp ned, den vesle gule butikken midt i sentrum! Godt uval av stoff og Marit er erfaren sydame!

  • Frå Sandane kjem Fantasi! Butikken som er både fysisk butikk midt i sentrum og som har nettbutikk! Butikken har ofte sy- og hobbykveldar og stort  utval av hobbymateriell.

  • Frå Nordfjordeid kjem Lappestua Eid. Butikken har sal og service av symaskiner og sel utstyr til saum  Driv også med bunadskurs og har godt utval av stoff og utstyr til Nordfjordbunad. Har av og til Pop-up-butikk i sentrum! 


  • Frå Nordfjordeid kjem Sybutikken Primula Design, den vesle sjarmerande butikken rett ved Klemmekroken i Eidsgata! Her er stort utval av stoff og du får gode råd om quilting av erfarne Ingun! 

Lotteri!

Som vanleg på Regionstreff har vi lotteri med mange flotte gevinstar. Det er rundt 30 gevinstar på bok. Vi har to store tepper som er sydd av medlemmane og mange andre kjekke gevinstar! 



Dei to store lotteriteppa!






Dette lotteriet er i gang og vi skriv lodd på bok, på den "gammaldagse"måten. Men vi vil også gjere lotteriet meir moderne, og difor har vi også laga til mulighet for å ta lodd digitalt. 

Slik gjer du det :

De kan kjøpe lodd ved å sende pengar på Vipps til nr 512495, registrert på Nordfjord Lappe- og Quilteklubb. Lodd kostar kr 5.

VIKTIG!!

Husk å ta ut kvitteringa på skjermdump og send den på sms til ein av desse:

  • Synnøve Torheim   tlf 98005242
  • Asbjørg Bjørkedal  tlf 47275177
Skriv både beløp og kven vi skal skrive lodda på (namn, adr og tlf) og dei fører deg inn i lotteribok. Du får tilbakemelding når det er gjort.

Trekning laurdag 2. april kl 15.30.



Vi gleder oss til Regionstreff!

 Ja, no er det berre to veker til vi skal ha Regionstreffet, og vi håpar på at mange vil ta turen til Nordfjordeid denne dagen!



søndag 13. mars 2022

Regionstreff, frist for påmelding!!

 Det nærmer seg påmeldingsfristen som er den 15.3 til Regionstreffet!! Vi treng å vite kor mange som kjem for å planlegge lunsj.



Fint også om du melder frå om kva du stiller ut.
All påmelding/spørsmål til epost: torunn@solihav.no
Det kjem til å bli kjekt å møtast att, og med stor utstilling i Eid kyrkje, eit interessant foredrag og 6 butikkar, så vert dette ein flott dag. Ta med familien på tur, dette er i beste shoppingtid i Nordfjordeid sentrum og det er mykje å finne på for dei som ikkje vil sjå på quilting!
Program:
• 9.00 Dørene opnar for rigging av utstilling i Eid kyrkje og butikkar i Eid kyrkjetun.
• 9.30 Sal av smørbrød, kaker, frukt, kaffi/te/brus og loddsal i Eid kyrkjetun.
• Det er gratis inngang for publikum, publikum kan sjå på utstillinga, besøke butikkar og kjøpe kaffi/kaker på kafeen.
• Lotteri med flotte gevinstar.
• 12.00 Foredrag v/Eldrid Røyset Førde, «Kyrkjetekstilar,- spanande og meiningsfulle oppdrag»
• 14.00 Lunsj for påmelde, åresal og loddsal på bok.
• 15.30 Trekning av lotteriet på bok


lørdag 5. mars 2022

Det nærmar seg Regionstreffet på Nordfjordeid!

 




Det nærmar seg Regionstreffet på Nordfjordeid laurdag 2. april. Utstillinga opnar kl 9 for rigging.

Vi har påmeldingsfrist 15. mars, så vi håper no at mange tek kontakt for å gje beskjed om at dei kjem og har med quiltar. Då får vi tal for kor mange som skal ha lunsj og kor mange quiltar det kjem på utstillinga.

Til dei som no vil komme og ha med noko til utstillinga, finn de her merkelappen til å feste på. Det er fint om de tek kontakt i forkant for å melde på quiltar (også om du berre skal stille ut og ikkje ha lunsj) slik at vi veit kor mange som kjem med quiltar. Vi ynskjer ikkje småting på utstillinga, men puter, tepper, løparar og liknande vil passe.

Alle interesserte kan komme og sjå utstillinga, komme i kafeen vår i Kyrkjetunet og ta lodd på flotte gevinstar.

E-post for påmelding og info om antal quiltar, mm: torunn@solihav.no
Skriv den ut og ha den festa på kvar quilt når du kjem til utstillinga.
Om du vil ha den som word-dokument, tek du kontakt på epost.




Utstillinga går føre seg i Eid kyrkje og vi skal bruke kyrkjebenkane til å stille ut på. Utstillinga er open for alle og det er gratis inngang.

Program:

·        9.00  Dørene opnar for rigging av utstilling og butikkar .

·       9.30 Sal av smørbrød, kaker, frukt, kaffi/te/brus og loddsal i Eid kyrkjetun.

·       Det er gratis inngang for publikum, publikum kan sjå på utstillinga, besøke butikkar og kjøpe kaffi/kaker på kafeen. 

·       Lotteri med flotte gevinstar.

·       12.00 Foredrag v/Eldrid Røyset Førde, «Kyrkjetekstilar,- spanande og meiningsfulle   oppdrag»-

·       14.00 Lunsj  for påmelde, åresal og  loddsal på bok.

·       15.30 Trekning av lotteriet på bok