mandag 22. oktober 2012

Vekas kupp!

Det er igjen gode tilbod hos Primula Design

Denne veka er det halv prisBEIGE stoff!  Med unntak av dei aller nyaste slike som på bildet over, så er alle dei beige stoffa på tilbod! Så dette tilbodet er det lurt å nytte, beige er eit "året rundt" stoff og passar i lag med alle fargar!

"Julemarked"

Også i år er vi inviterte til å ha eit lite JULEMARKED inne på den koselege kafeen Didriks på Nordfjordeid. Medlemmane er oppfordra til å komme med quiltar og julerelaterte varer som vi vil stille ut i kafelokalet for salg.

Difor minner vi no medlemmane våre om at det nærmar seg innlevering av produkta. Er du ikkje byrja å sy enno, er det på tide å gjere det snarast!! Det er ynskjeleg at vi leverer produkt som det "lyser" litt jul og julegåver av, og helst ikkje for mange småting. Litt større ting gjev eit flott blikkfang med det same ein kjem inn i kafeen!

Det er innlevering på neste klubbmøte 6.11 og du må merke tinga dine med same merkesystem som vi hadde på Låvemessa. Desse lappane vart sende ut i Sommarbrevet frå Torunn, treng du det sendt på nytt, må du kontakte henne.

Nydelege møblar i lokalet  gjer utstillinga vår litt høgtideleg!

Vi har fått frivillige som vil henge opp på kafeen, og vi kjem til å fylle på nye varer etter kvart som det vert utselt. 


Alle bilda er lånt frå bloggen til Anne Viken

søndag 21. oktober 2012

Fast women!!

Desse Raske damene (Fast women) kom denne veka til Siv på Lappestua! Dei kjem frå Loralie Designs og vil du sjå dei i større format, så kjem du rett til sida HER, klikk på "larger image"  så ser du mykje betre. Butikken har også fått inn eit anna panel med desse damene, har ikkje bilde av dei, men stikk innom butikken, så ser deu dei også (om dei ikkje er utselde då!!)

Tidlegare er det lagt ut bilder at eit anna "damepanel" frå same leverandør, artige blokker til å montere på vesker ol.

Fat quarter stars!

Bedre seint enn aldri, slik er det når ein ikkje oppdagar det når det skjer spennande ting på nettet. Kom over ein "along" på ein blogg som gjekk ut på dato i mars i vår, mange flotte stjerner til eit teppe. Fat Quarter Stars Quilt Along heitte den, men overraskinga var gledelig då bloggred. klikka seg vidare og vidare og kom fram til at alle mønstra låg tilgjengelege!!


Det er bloggen Moosequilt som har lagt ut link, og HER kjem du rett til "alongen", gratis mønster!! Litt nede på sida kjem du til mønster til 12 blokker.

Det er nok mange som har vore med og sydd slike stjerner, HER kjem du til eit Flikr-album på nettet med bilder av mange ferdige arbeid.


På bloggen til  Myequiltingoglittannet (Merete på Quiltekroken i Bergen) fann eg ma. desse stjerneblokkene, sydde i flotte stoff i friske fargar. HER finn du alle innlegga av stjernene ho har sydd. Ho har brukt ma. stoffa Soul Blossoms by Amy Butler, flotte fargar!!


Alle bilda av dei sydde blokkene er frå bloggen til Myequiltingoglittannet.

tirsdag 16. oktober 2012

Mini "oppbevaringspose"


På bloggen til ErinEricson ligg det mange oppskrifter til småting du kan sy, eller Tutorials som det heiter på engelsk.

Denne vesle runde oppbevaringsposen kan sikkert brukast til mykje,...til øyrepropper som vist her, pengar, smykker,mm.
HER kjem du rett til oppskrifta og HER rett til klippemønsteret til sirklane.

Denne låg ute på Flickr, er sydd av .mma`s.

Det er mange bilder av slike småting å finne på Flikr Photostream, og HER kjem du rett til desse.

Mange quiltarar syr også kle til små og store, og kanskje til kjæledyra sine også! HER kjem du til mønsteret til ein stilig hundevest!!

mandag 15. oktober 2012

Ei raud veke!!

Fargane skiftar ute i naturen, og det same gjer fargetilboda på stoff hos Primula Design også! Bak denne raude døra er det gode tilbod igjen!!

Denne veka er det utvalde RAUDE stoff du kan gjere eit kupp på! Halv pris..... kan det bli betre no når det går mot jul?
Bildet er ikkje av butikkens stoff, det er lånt frå denne quiltebloggen.

fredag 12. oktober 2012

Epledagen 17.10!

Det er tid for hausting av eple og 17.10 er det Epledagen! Har du ikkje ditt eige tre, så kan du no sy eple i lange baner!


På bloggen til Bee in my Bonnet ligg det oppskrift på epleblokker!!




HER kjem du rett til sida med alt du treng av informasjon om storleik på stoff og gode bilder av framgangsmåten.

Lykke til med eplehaustinga!!

torsdag 11. oktober 2012

Våre to gode butikkar!

Vi er så heldige å ha to quiltebutikkar på Nordfjordeid, Lappestua v/Siv og Primula Design v/Ingun, og det er virkelig to gode!! Det bugnar av stoff og utstyr i begge, og dei utfyller kvarandre på ein flott måte. Dei har ulike stoff og ulike mønster, så når vi først har bruk for noko, ja så må vi også besøkje begge to!

I dag har bloggred. vore innom begge, og akkurat no kan du gjere ein god handel om du kjem innom! Berre sjå her:
Hos Lappestua kan du no kjøpe mange ulike linjalar til 50 % avslag.

 Og her er tusenvis av flotte knappar,..... dette er berre litt av dei!


 Mange flotte motivknappar!


...og eit stort utval av flotte fargeseriar med Quiltestoff! Dette flotte stoffet med friske damer er nettopp komt til butikken!
I den andre enden av butikken er det rikeleg med strikkegarn, Lappestua og Ein rød tråd samarbeider i same butikklokale.




 Primula Design ligg i same gata, og ei opa dør ynskjer velkommen inn!


Denne veka er GRØN les vi på skiltet utanfor, og du kan til og med laurdag 13.10 kjøpe utvalde grøne stoff til halv pris!!! Kjempetilbod!!




lørdag 6. oktober 2012

Vestlandstreff 2012

Vi har fått bilder frå Torunn som er på Vestlandstreff på Voss, så dette blir nesten direktesending!! Takk til henne for at ho tenkjer på oss andre!

Bilda er frå opninga.






onsdag 3. oktober 2012

Impregneringstips!

NLQ hadde klubbmøte i går, og under "Vis og fortel" viste Haldis fram ei veske ho hadde sydd etter AnnaKa sitt mønster "Annas skulderveske". Haldis fortalde at ho hadde impregnert stoffet, noko som er lurt no når regnbygene står i kø her på Vestlandet.

Haldis fekk spørsmål om kva type impregnering ho har brukt, og i eit blogginnlegg ho har laga i dag, finn du all info om dette. HER kjem du rett til dette innlegget.

tirsdag 2. oktober 2012

Nydelig blomstermotiv!

Ved litt surfing på bloggar etter eit klubbmøte der dagens tema var Baltimore, så dukka denne flotte quilten med Baltimoremønsteret opp. Det passar akkurat inn i den stilen av motiv vi er byrja på, med blomster i bukettar eller kransar.


Det viser seg at dette mønsteret  er laga av ein designer  i USA som heiter Edyta Sitar og det heiter "In full bloom" og du kan laste det ned gratis som PDF-fil. På bloggen til Edyta ligg det link, HER kjem du rett til gratismønsteret.

Ho har både heimeside, den finn du HER og blogg som du finn HER. Det er mykje fint å sjå på bloggen, og gå laaaangt bakover i innlegga for å sjå også.

 Alle desse bilda er lånt frå bloggen til Edyta, Laundry basket quilts.




Eit flott langt panel med applikasjonar!

....og det er også nydelig med berre blåfargar!

mandag 1. oktober 2012

Oktobermøte!

Det er allereie tid for klubbmøte igjen, 2. oktober møtast vi på Stokkenes Gjestegard.
Temaet på møtet er vel inga overrasking, og det vert delt ut mønster til Baltimoreblokk nr 2 av  til sammen 9.
Denne blokka vert det mønster til på møtet.

Husk å ta med lyst stoff/ fin lerret, sysaker, frysepapir/omslagspapir til kopipapir og stoff til applikasjon.  Ta òg med ein mjuk blyant ( HB eller 1B) om du vil overføre mønsteret til stoffet med blyant.


Dette teppet har Elna sydd og som de ser er det fin balanse mellom type blokker og plassering av dei. 4 ringar i hjørna og det er lagt vekt på tyngde i midten og nede. Dette er noko de må tenkje på i valet av blokker. Vi kjem til å la dykk vere med på å bestemme neste blokk, det kan vere av dei vi allereie har i klubben til dette teppet, eller vi kan finne nokre nye frå den siste boka vi har kjøpt.