3. desember!

 I dagens luke finn du Adventstjerner som du kan brette av stoffremser! 

Lilla er adventsfargen, men dei er like fine i alle fargar, og dei kan være dekorative året rundt alt etter kvar du brukar dei som dekorasjon.

Her i litt andre fargar:

Her er framgangsmåte!

2. desember!

Dagens tips om du skulle treng ein løpar til deg sjølv eller til julegåve! Denne øverste med lillatonar kan du bruke som adventsløpar framover mot jul.

3 variantar med same enkle motiv.

1. desember!

Det er adventstid, og jammen trur eg at det blir kalender i år også! På ein måte er det for underteikna ein omvendt kalender, for eg har stor glede av å finne fram bilder til inspirasjon for andre. Eg har laga slik kalender nokre år no, så om du vil ha mange tips, så søkjer du på "Etiketter" med  orda advent22, advent23, advent24. Dei fleste tipsa kjem frå Pinterest.

Akkurat dette er det denne tida fram mot jul handlar  om: det er forventingar og med håp om å kunne glede nokon!

Så nyt førjulstida med hobbyen dykkar, og veldig kjekt om de legg att kommentarar på Facebooksida vår der de fann linken til denne bloggen.

                            Førjulshelsing frå Mariann L.Hatlenes, bloggredaktør.

Å lage julegåver tek av og til litt tid, så difor må ein starte først med ting som tek tid. Her er eit bilde av eit  fint stitchery med julehelsing, ta det som ein ide og lag eit som er personleg tilpassa til nokon!

Velkommen til julemøte!

Tysdag 2. desember er det tid for julemøte! Lokala på Stokkenes gjestegard  ynskjer deg velkommen  kl 18.30 med pynt på borda og nydelig mat.

Bildet: V/Sybutikken Primula Design

Men OBS! Komiteen ynskjer at du tek med deg ei spisebrikke med juletema,....kva den skal være til, gjenstår å sjå!!

Og som tradisjonen tru, så kjem nissen innom møtet vårt med full sekk med kjekke ting for oss som likar å være kreative! Kva som er årets tema veit vi ikkje, men alltid lurt å ha med "Verktøykassa" der det er både saks og briller!!

• Vi set oss til bords og vi tek måltidet først.
• Nissen Siv opnar sekken og vi set i gang.....
• Vis og fortel, håper de tek med julegåver som de enno ikkje har pakka inn.
• Lotteri
• Og kanskje fristande varer  frå Sybutikken Primula Design som kan bli julegåve til deg sjølv....ta kontakt på førehand om du er ute etter noko spesielt som ho bør ta med!
• Velkomne til ein koselig kveld

Bilder frå Novembermøtet!

 Som vanleg mykje å vise fram når rundt 30 ivrige medlemmer kjem på møtet! Veldig kjekt at vi kan engasjere så mange som viser stor glede av å være i lag og å være kreative med hobbyen sin!!

Eit fantastisk juleteppe, mønster i boka under. Blokkene har symbol frå julefeiring i ulike land!

Ulike variantar laga ved hjelp av linjalen X-block

Kveldens aktivitet var collage med stoffbitar som vi kunne lage som julekort eller bilde.