Trekning av lotteriet vårt!

Her er trekningslista til det flotte lotteriet vårt, Gratulerer til dei heldige vinnarane!

Trekning av lotteriet til
Nordfjord Lappe- og Quilteklubb
Spisebrekker  nr 2330 Anne Mette Lillestøl
Gul toalettmappe nr 856 Synnøve Aasebø
Lilla løper nr 379 Betsy Hellebust
Beige løper nr 1868 Bodil Johnson
Lite grått teppe m/hjerte nr 2532 fam. Belinda Utnes Piel
Lilla toalettveske nr 1520 Trygve, Hanne og Otilie Tverberg
Skopose nr 645 Bente Anita Myklebust
Turkis løper nr 682 Anne Marit Ripe Daviknes
Kleklypepose nr 596 Rut Bøe
Lite englebilde nr  399 Aud Leirvik
Kruspose nr 1809 Turid Reksnes
Pute nr 363  Astrid Williams
Grå løper nr 1112 Karin Grodås Nesheim
Svart toalettmappe nr 2632 Reidar og Marit Johnsen
Dear Jane løper nr 1380 Liv Antonsen
Rundstrikkepinnemappe nr 322 Alice Grodås
Grått pledd med hjerter nr 1048 Marita Berget Alsaker
Dukke med klær og vogge nr 1555 fam. Bjørn Tore Yri
Leiketeppe m/pose og leikebiler nr 1613 Lukas Nilsen
Rett trekning bevitnes
Nordfjordeid 21.09.13
Torunn Føllesdal Utnes, Ingun Vaksdal og Laila Utnes Piel

Avisomtale

Det er kjekt å sjå at Drivhusmessa vår vart lagt merke til. Bilen stod parkert nær hovudgata i Nordfjordeid, og det var nok mange som fekk seg ein god latter av vår "heimesydde bil". 

Avisa Fjordenes Tidende var der også, og med overskrifta i avisa "Her ser du ein heimesydd bil" så fann ein dette innlegget ( kopiert frå nettsida til Fjt) no nyleg:

Nordfjord Lappe- og Quilteklubb vart lagt ekstra godt merke til med sin «quiltebil» på Eidamessa sist helg.

– Ja, vi meinte at dette måtte vi ha, smiler Laila Utnes Piel.

Ho er ein av 54 medlemmer i quilteklubben som hadde salsmesse under Eidamessa.

– Det var Ingunn på Primula Design som ringde meg og spurte om eg hadde ein bil som vi kunne kle inn. Eg tenkte då ein liten leikebil, men nei da. Det skulle vere ein vanleg bil, ler ho.

Quilteklubben fekk dermed låne eit vrak frå Stårheim bilverkstad.

– Vi i klubben snakka om at vi måtte reise på blåtur i den først, ler Haldis Lindset Nesbakk og legg til at klubben har fått ein del kommentarar på bilen dei hadde stilt ut.

Klubben, som dei siste to åra har hatt låvemesse i Leivdalen hadde flytta messa til drivhuset i Hildenes Gartneri.

– Vi har hatt mykje folk innom og det verkar som folk kosar seg, seier Haldis Lindset Nesbakk.

Då kom vi i mål!!!

Etter ei flott og hektisk helg, så kan vi no setje oss ned og være godt nøgde med årets store arrangement!
Helga vart både våt og kald, skikkeleg surt haustver! Men bilen vår klarte seg bra i regnet og vinden, lappane som vi limte på heldt seg på plass, berre 6-7 lappar hadde ramla ned!

Utstillingslokalet vårt var perfekt, vi kunne ikkje ønska oss noko betre. Vi rettar stor takk til familien Hildenes som inviterte oss til det tomme drivhuset, og vi såg at vi kosa oss i kvarandre sitt selskap.

Her er to glade eigarar av Hildenes gartneri, junior og senior Berteig som fekk kjøpt seg kvar si  god og varm Kvikk Lunsj lue på messa vår!

Vi hadde kafe ute under tak der vi serverte natronkaker med brunost på og gode saftige kaker! Reine konditoriet! Og kafegjestane strøymde på. Triveleg!

 Det var lyst og god plass til å både henge opp og å legge ut over borda. Medan regnet tromma på taket, så hadde vi det triveleg inne i lag med imponerte kundar som såg på alle flotte varene vi hadde stilt ut for sal.

Vi hadde også laga til utstilling rundt om på veggane, her hang det store tepper, løparar og veggtepper. Kundane la merke til dei ulike arbeida, og var imponerte over kvaliteten på arbeida og dei såg at her har det gått med mange mange timar!!

 Dei flotte gevinstane våre til lotteriet fall i smak, så loddsalet gjekk unna! Komande veke skal vi ha loddsal på Mega på Nordfjordeid, med trekning laurdag 21.9.

Til slutt vil styret få takke medlemmane for godt dugnadsarbeid, her vart det både baka kaker, gått vakter og rigga opp og ned. Det er tydeleg at dette har vi no god erfaring med!
Premien til oss sjølve no etter dette arrangementet, er det komande kurset om 2 veker! Då skal vi lære å sy hjerteblokker i Buggy Barn teknikk. Vi gler oss no til å sitje i ro ei heil helg og berre sy og sy!!

Velkommen til Drivhusmesse!

Då ynskjer vi velkommen til Drivhusmessa på Nordfjordeid komande helg! Det er Eidamesse denne helga, så det vert nok eit yrande liv i gatene våre!

Her viser nokre av oss i styret dei flotte gevinstane vi har til lotteriet vårt. Dette lotteriet startar under messa og vil forsetje på Mega ut neste veke.

I drivhuset hos Hildenes gartneri vert det stor salsmesse av quiltar, strikka varer, barnekle, og ikkje minst god mat å få kjøpt!

Ka dåkke syns????

Då har vi hatt dugnad!! Og firmabilen vår er klar!! Eit kjempeartig prosjekt å jobbe med, vi var berre 4; Reidun, Ingun, Laila og Mariann, men sååå moro vi hadde det.
I eit verkstadlokale sponsa av Stårheim bilverkstad, fekk vi jobbe,.....nesten i fred, for heile tida dukka det opp karar som lurte på kva vi styrte på med. Og så flirte dei litt og rista på hovudet!!

 Men sjå kor lekker han vart! Med initialane våre på panseret, sløyfe på vinduspussarane, og skikkeleg raggarpynt på antenna på taket!!

 Stoffa til bilen er sponsa av Primula Design og Laila U P.

Då gjenstår det å sjå kor mykje merksemd den får på Eidamessa som er på Nordfjordeid i helga, då vert han ståande i nærleiken av Hildenes Gartneri der vi skal ha Drivhusmesse.

Ekstraordinært arbeidsmøte!!

Styret kallar med dette inn til ekstraordinært  hemmeleg arbeidsmøte i forkant av Drivhusmessa!

Oppmøte: Stårheim bilverkstad
Tid: torsdag 12.9 kl 18.30
Kle: Arbeidskle
Sakliste: Kode toyota,....... då slepp du inn i lukka lokale!!!!

Håpar på stort frammøte i denne viktige saka!!

Medlemsmøte

Då er dagen komen for sesongens første medlemsmøte.
Vi møtest på Stokkenes Gjestegard i dag til vanleg tid; 18.30 - 21.30.

Tema i dag vert Drivhusmessa som vi skal arrangere om knapt 2 veker, vi går gjennom korleis vi organiserer oss denne helga, og håpar at flest mogleg av medlemmane har høve til å møte opp.
Vi har også ei spesiell plan for noko vi skal gjere i høve arrangementet,...ei overrasking som ikkje kan leggjast ut her på bloggen.

Det vert også påmelding til kurs "Hjerter" i Buggy Barn teknikk med Marie Myklebust. Dette kurset går siste helga i september.

Bildet er lånt frå Gloppen lappe- og quilteklubb der mange av medlemmane der har delteke på eit slikt kurs.

...og dei baka og baka.....

.......og baka, ja dei baka i hundrevis  med NATRONKAKER i år også! Mellom 500 og 550 kom det rapport om, og bilda viser at dette stemmer nok!

Om du har lyst til å bake Natronkaker, så kjem den lokale oppskrifta her:

2 l kefir

1 pk natron (40 g)

1 toppa ss vaniljesukker

500 g sukker

ca 2 kg kveitemjøl

Kakene klappast ut i ein mjølbolle, dei skal være litt lause. 

Steikjast på takke på middels varme ( brytar på 7).

Det vert ca 75-80 stk av denne oppskrifta.

Ein flott dugnadsgjeng !

 Takk til alle som brukte denne fine kvelden til storbakst!

 (fotograf Laila U. P.)

No startar vi!!

Ja no startar vi opp! Både med førebuing til Drivhusmessa og til haustens aktivitetar i klubben. Dei som var med på Blåturen, fekk eit lite innblikk i haustens program. Det vert lite tid til overs om du skal vere med på alt, men det beste er at det er berre kjekke ting vi skal drive med!!!

I morgon vert det baking av Natronkaker, og det er kjekt å høyre av bakermester Laila UP at det har meldt seg passeleg med bakarar til denne dugnaden. Denne dugnaden vert på Stårheim, 15 km vest for Nordfjordeid. Bildet under er teke frå ei seter som ligg litt opp og vest for sentrum av Stårheim (Røedsetra), utsikta er mot aust der ein ser Nordfjordeid i fjordbotnen.

Om vel ei veke, 3. september, vert det medlemsmøte på Stokkenes Gjestegard. Tema vert då siste finpuss av det som skal på plass til Drivhusmessa, det gjeld både organisering og ferdiggjering av salsvarer.

Denne messa går føre seg i sentrum på Nordfjordeid 14. - 15. sept,  samtidig med at årets Eidamesse finn stad. 

Vi får disponere eitt av dei store drivhusa til Hildenes Gartneri til utstillingslokale,.... dette vert eit spennande prosjekt! Og vi gleder oss til det yrande livet i gata, og til at mange nyskjerrige kundar kjem innom drivhuset for å finne ut kva ei Drivhusmesse er!!!

Bildet over er av Nordfjordeid med utsikt vestover Nordfjorden der havet ligg ca 5 mil lenger ute. Desse naturbilda kunne like gjerne vore tekne i dag, for så vakkert har vi hatt det akkurat no!!

Drivhusmesse!!

Det nærmar seg årets store arrangement i klubben vår!!! No er det under ein månad til vi skal arrangere det vi har kalla salsmessa vår for : Drivhusmesse! 14. og 15. september er datoane!
Vi har i to år arrangert Låvemesse i Leivdalen med stor suksess, men for å ikkje gjenta oss sjølve til det vert litt kjedeleg, så vil vi år prøve noko nytt.
I vinter dukka det opp eit tilbod om å få bruke lokala i eitt av drivhusa til Hildenes Gartneri på Nordfjordeid.

 Heile tida fram til sommaren er over bugnar drivhusa av egenproduksjon av blomster, men i september er der tomt, nyvaska og klart for ny produksjon litt seinare.

Dette tykte vi var veldig spennande, og når vi legg salsmessa vår til helga det også vert Eidamesse, så vert det eit yrande liv både i gata og sikkert i messeområdet vårt!! Vi vil gjerne vise folk i regionen vår kva vi held på med i klubben vår, og når vi har dei to quiltebutikkane våre Primula Design og Lappestua berre eit par hundre meter unna, så er også vegen kort frå inspirasjon til innkjøp!!!

Det vert mange flotte arbeid til sals inne i drivhuset, noko vil henge ned frå taket og noko vil ligge på drivhusborda. Her finn ein alt frå småting som toalettvesker, kuvertbrikker, vesker, til strikkavarer, flotte lokalt designa og produserte barnekle og til større ting som bordløparar, veggtepper og sengetepper.

Vi håpar også at mange får med seg det flotte lotteriet vårt, her er mange gevinstar som td. dugnadsarbeid i klubben som har resultert i ein nydeleg "Dear Jane"-løpar 

og ei Baby-Born dukke med stor klekolleksjon og fullt utstyrt seng.

Meir info om Drivhusmessa vår vil komme her på bloggen, vi kjem til å få med ein reportasje i Regionavisa når datoen nærmar seg og vi håpar også at lokalavisa vår Fjordabladet vil skrive litt om salsmessa vår i forkant. Om nokon treng meir informasjon om arrangementet, så er dei fleste i styret tilgjengelege på sms og epost no framover.