Oppstart av ny sesong! Kjekt å møtast att og mykje inspirasjon å hente.
Denne hausten har vi tema Solsikker, knytt opp til tema om å støtte Ukraina. Vi skal etter kvart sy blokker til eit teppe, og no vart det vist tips til ulike blokker ein kan sy.
Det er igjen tid for å møtast til klubbmøte på Stokkenes Gjestegard, tysdag 4.10 kl 18.30-21.30.
Styret kjem til å ha eit styremøte kl 18 i "foajeen", men berre gå rett inn i salen når de kjem.
Dagens opplegg er at vi fortset med solsikketemaet. Tanken er at vi skal lage blokker med solsikkemotiv, men motivet er opp til kvar enkelt å bestemme. Så difor oppmodar vi alle til å ta med seg ein ide til motiv, enten eit mønster, eit bilde, ei blokk, ja gjerne ei ferdig blokk som du har sydd. Slik kan vi dele inspirasjon til kvarandre.
Ta gjerne med deg symaskin og passande stoff slik at du kan sy ei blokk om du vert inspirert av nokon!
Forige veke fekk vi ei stor kasse med lappar av diverse kvalitet frå Frislid konfeksjon. Dette er til felles glede og nytte for alle, og kanskje du vil sy noko av dei denne kvelden eller seinare?? Det er gratis!! Anne Marit D har sydd noko av slike lappar til inspirasjon!!
Program elles for kvelden:
Vi ynskjer "gamle" og eventuelle nye medlemmer velkomne til klubbmøte Tysdag 6. september på Stokkenes Gjestegard.
Denne dagen har vi utvida møte der vi starter kl 12. Det er då ope for den som vil komme og sy i lag. Vanleg medlemsmøte kl 18.30.
SOLSIKKE AV DELTE SEKSKANTAR
Du treng å ha med deg:
Sekskantlinjal, ta med dei (!) du har, elles kan du få låne. Easy Hexagon, osb, osb…. Viktig at du brukar same linjal på heile blomsten.
Sida på sekskanten er i utgangspunktet 2,5 inch utan saumrom, men om du har eit anna mål, bruk det på heile solsikka.
15 cm av to gulfargar, og ein meir brunleg til midten.
Meir av det som vert botnfargen rundt, anten i blått (Ukraina sitt flagg) eller lyst beige.
Tynn tusj om du har, eg brukar dei veldig tynne, men det kan du og få låne.
Utgangspunktet er artikkelen av Merete Veian i Norsk Quilteblad nr 1 2010, ta den med om du har. Vart einig med redaktør Christie at vi ikkje kopierer.
Blokkene er tenkt 12,5 inch store.
Helsing Torunn
Om nokon har quiltar med solsikker eller andre blokker med solsikkemotiv, så må de ta med på møtet!
Det er sjølvsagt også høve til å sy på det du ynskjer, det viktigaste er at vi har ein trivelig møteplass der vi kan sy i lag og dele erfaringar.
Matvertar:
Britt Svarstad, Anne Marie Holsvik, Elisabeth Limevåg, Leikny Støbakk
Litt seint, men med god inspirasjon frå møtet vi hadde i juni.
Solfrid viste oss framgangsmåten til å sy "Flygande gjess" på ein enkel måte. Bilda viser steg for steg, og prosessen til ferdig blokk som vart sydd på møtet.
Då er haustsesongen vår snart i gang att og det nærmar seg både klubbmøte og kurs.
Klubbmøtet vert som vanleg 1. tysdagen i månaden, meir info om møtet kjem seinare.
Men det viktigaste no er å få informert om at vi har pr i dag 5 ledige plassar til kurset med Helle C Løwenskiold 23.-25.9. Kurset heiter "Spot on" og "Fri form kompassrose"
I dag opnar vi opp for at andre enn medlemmane våre kan melde seg på kurset, og det er sendt ut invitasjonsbrev på epost til lag/klubbar som er i vårt nærområde. Det er sjølvsagt ope for alle å melde seg på. Her gjeld det førstemann til mølla!
Informasjon og påmelding til dette kurset får du hos kursansvarleg Synnøve Torheim. Telefon nr til 98 00 52 42
Kurset startar fredag ettermiddag og er inkludert med lunsj og kaffi laurdag og søndag.
