Quiltekafe

På siste styremøtet i klubben valde vi å prøve noko nytt på eit klubbmøte, QUILTEKAFÈ!

Kva som kjem ut av det gjenstår å sjå, men vi diskuterte litt om vi alltid skal ha eit opplegg på møta våre. Vi kom då fram til at på novembermøtet kallar vi det Quiltekafe og medlemmane tek då med seg det dei held på med av arbeid. På møta våre er det som regel rikelig med prat rundt borda, så denne gongen opnar vi opp for prat og "sållj" i massevis, og så kosar vi oss med mat og kaffi, lotteri og "Vis og fortell" som vanlig. Og kanskje kan vi vise det vi held på med òg?

Dersom dette vert vellukka, så kjem vi til å gjere det slik av og til. Håper mange kjem denne gongen!!

Julekurset med Patricia Iden

No har vi fått bilder frå Patricia Iden. Vi har bestilt henne til julekurset (sjå innlegg under) og temaet hennar er motiv som ho har kalla Skomakargata. Det er ein serie på mange fantastiske hus som er applikert, ho har laga det som gardin, men dei same motiva kan brukast på bilder,brikker, løparar m.m.

Vi får nok lære mange lure tips av henne på dette kurset, ho er ei erfaren dame innan applikasjon, kikk på bilda, då ser de kor oppfinnsom ho er!!

Som før nemnt er det endelig påmelding på klubbmøtet i oktober, men som vanleg er det lurt å gje beskjed til kursansvarleg fortast mogleg viss du veit at du vil vere med!!

.......og til sist, det er rimelege kurs for medlemmane og ikkje minst veldig sosialt å vere i lag på slike kurs! Sees vi då???

Julekurs?

Er kanskje litt tidleg ute med julekurs-annonsering, men vi har tinga på kursholdar og treng å få vite om vi vil ha nok påmelde til å arrangere kurset.

Kursholdar er Patricia Iden og vert 25. og 26. oktober.

Ho vil legge opp kurset etter våre ynskjer, men innanfor temaet JUL.

Så no er det opp til medlemmene å komme med ynskjer, ta kontakt med kursansvarleg Torill B. Sørland om du vil vere med å påvirke kursinnholdet!!! Og det vil du vel????Desse 2 bilda er frå utstillinga på Regionstreffet 2008, det er detaljer frå ei gardin som Patricia har sydd. Fantastiske detaljar og sirlig utført arbeid!

Patricia har hatt kurs med oss før , ma. "Valmueteppe", og vi fekk lære mykje av henne. Så no håpar vi at mange nok melder seg på så vi får til dette kurset. Endeleg avgjerd om bestilling av kurs vert på klubbmøtet i oktober.

Dobbelsidig Weekend-kurs

Har du enno ikkje meldt deg på kurset som skal vere komande helg, 6. -7. sept, så er der framleis ledige plassar. Kurset startar laurdag kl 10.00.


Kurset er ved Hilde Neset og heiter "Dobbelsidig weekend".

Du melder deg på ved å kontakte kursansvarleg Toril B. Sørland.

Bildet er frå utstillinga på Regionstreffet no i vår, denne løparen er frå eit kurs med Hilde på Vestlandstreffet i Bergen 2007. Kva slags modellar ho legg opp til på vårt kurs, gjenstår å sjå, men dette er iallefall ein av teknikkane ho har brukt.

Eit aldri så lite SYTIPS???

Måtte berre legge ut dette bildet, fann det på nettet, men kan det være bilen til Signy-Alise som skjuler seg under??? (det liknar veldig!!) Iallefall ein fordel å ha liten bil når ein skal sy dette! Kan nok være fint å ha eit slikt cover når ein skal på Quiltetreff!!!

Vi får vente spent på å sjå kven som er den første med ein slik bil i klubben vår!

Junimøtet!

På kalendaren sin siste sommardag i år så er det på tide å få på plass sommarutstillinga vår frå avslutninga i Jektehola. Mykje fine arbeid var utstilte på snorene mellom trea sjølv om det var få medlemmer som hadde med seg noko til utstillinga. Det var likevel stor og flott variasjon i utstillinga, store og små arbeid, og bruksting av ulikt slag. Bilda fortel sjølve!
Og som vanleg mykje god mat og flott ver langs den nydelige plassen ved Eidselva på Nordfjordeid.Dette er ikkje salat!!! .....men lotteriet!

Ein vinfisk!.... som ser langt etter vatnet i elva???

Meshwork

No startar vi igjen!!

Velkommen til nytt møte komande tysdag!


Som de vil sjå på møteoversikten på høgresida på bloggen, så er det Ingun som lagar til eit opplegg til oss dei to neste møta,

"HANDLENETT".

(det er nok ikkje akkurat slike nett vi skal sy, bildet er frå utstillinga i Jektehola no i juni)
Har fått melding frå henne om at de må ta med symaskin.

Epost er sendt ut til alle medlemmer som eg har registrert, men er det nokon som eg ikkje har adressa til, så må de gje beskjed.

Ingun kurser igjen!!

No må alle kurshungrige kikke i bloggen til Ingun, der fløymer det over av kurskveldar for ein kvar smak.

PRIMULA DESIGN

.....og m.a. desse stoffa finn du i butikken hennar!

Ein ny bloggar i klubben!!

Så kjekt! No har klubben fått seg endå ein bloggar, nr 10 i rekka! GRATULERER! No håpar vi på at når haustsesongen byrjar, så vil kanskje fleire ha lyst til å lage seg blogg???

Og til den som har lyst,..... spør ein av oss som har blogg, vi kan sikkert hjelpe deg!

Oj, de vil kanskje vite kven som har den nye bloggen, de får gjette litt, men bloggen heiter Halling Jenta, så då anar de vel resten?

BLÅTUR

Blåturen i år vart ikkje i juni slik som tradisjonen har vore. Men det blir tur i august!

19. august blir det tur! Oppmøte kl 17.30 på parkeringsplassen bak Libris, kle deg i vanlege gode kle. Det vert ikkje restaurantbesøk eller liknande. Ingun og Inger Lise er primus motor.

Om det er noko meir info som skal ut om blåturen, så kjem det ei evt. oppdatering seinare i dette innlegget.