Velkommen til aprilmøte!

 Denne gongen vert det "rett på" etter påska! 

(utsnitt av teppe laga av Elna)

Tysdag 2.4 er det igjen tid for å møtast att, denne gongen har vi langdag der dørene opnast kl 12! Tida fram til vanleg klubbmøte startar, styrer du som du vil sjølv. Ta med niste, kaffi/te lagar vi til.

• Ta med deg det du held på med og sy i veg,
• Kanskje treng du hjelp eller tips frå andre som er der??
• Og kanskje du oppdagar at du manglar noko, då er vegen kort ned til Sybutikken Primula Design som har ope til kl 16.30!

Klubbmøtet vert frå kl 18.30-21.30, og vi ynskjer velkommen til eventuelle nye som vil være i lag med oss i klubben vår.

Program vert slik:

• Info frå styret
• Ingun demonstrerer et par raske blokker du kan sy, om du vil prøve må du ha med to stoff ca 25x25 cm eller "layer cake" 10x10 inch. Må være litt kontrast i farge eller ensfarga/mønstra. Til den andre blokka treng du å ha med litt rikelig med svart og kvitt stoff, 50x50 vil være nok av kvar og ei remse på 4,5 cm x130 cm. (Men berre ta med rikelig,... og symaskin)
• Vis og fortel
• Vi ynskjer også å sjå kva du har laga med Twisterlinjalane, små og store, så ta med og vis. Dette kanskje til inspirasjon til mailøper?? Kanskje lage noko på neste møte?
• Stoff og utstyr frå Sybutikken Primula Design
• Kaffipause
• Lotteri

Har limt inn kopi av matvertlista som Asbjørg sende ut i januar, men om nokon har bytta med kvarandre, så har dei nok orden på det sjølve.

Matvertar: Berit Oppedal Jacobsen (leiar), Gunhild Øigarden, Leikny Støbakk, Aslaug Berget Alsaker.

Bilder frå marsmøtet.

 Her kjem endelig bilda frå marsmøtet. Beklager dårlig oppløysing på bilda!

Velkommen til marsmøte!

 Det er mars allereie og tysdag 5.3 møtest vi til klubbmøte på Stokkenes gjestegard 18.30-21.30.

• Våren er i gang og det er årsmøtetid, og komande helg er det også årsmøte med kurs. Siste frist for påmelding er på klubbmøtet, så om du ikkje ha høve å møte, men vil bli med på kurs, må du ta kontakt med styret.  Elna og Haldis skal  holde kurset, og dei kjem med informasjon på møtet. Elles må de følge med på medlemssida vår.

• Vi legg opp til litt aktivitet denne kvelden, og vi skal prise våren som er komen. Mariann fortset med å inspirere med dekor på bakehandkle, no med eit vårmotiv som de får delt ut på møtet. Dette motivet kan brukast både til stitchery eller applikasjon (for hand eller maskin), så ta med det du treng til ditt arbeid. Har du ikkje eit passande handkle å sy på, kan du bruke eit gammalt laken eller eit lerret i passe storleik. Lurt å ta med vlisofix. Moulinegarn til stitchery eller applikasjon for hand.
• Elles vert det info om aktuelle saker frå styret
• Varer frå Primula Design
• Lotteri
• Vis og fortel FØR kaffipausen
• .....og kaffipause!!

Vel møtt !

Inspirasjonshelg nærmer seg!

 I år har vi valt å kalle årsmøtekurset 9.-10.3 for Inspirasjonshelg. Denne gongen har vi valt å legge vekt på å bruke av det vi har av stofflageret vårt, alt frå restar til stoff som du har spart på lenge.

Haldis og Elna har sydd veldig mykje fargerike quiltar opp gjennom åra, og dei vil inspirere oss med mange ulike teknikkar. Og det er enkle teknikkar. Her treng vi kun vår vanlege rette linjal og rullekniv. Sjå også bilder frå forige klubbmøte der dei viste mange ting, små og store, toalettvesker, vesker, løparar og tepper.

Vi er mange påmelde sålangt, men vi har alltid plass til fleire, så ta kontakt om du vil være med. Siste frist for påmelding er på klubbmøtet 5. mars.

Bilder frå Februarmøtet.

 Så kjekt det er å komme på møte og sjå alt det imponerande  som medlemmane lagar! Der var alt frå småting til arbeid på fleire kvadratmeter! 

Ta eit lite tankeeksperiment om ein quiltar sitt arbeid:

• Her ligg det mange timar med arbeid bak, 
• alt frå planlegging, 
• innkjøp av stoff,
•  kutting av delar, 
• så sy og stryke vekselvis,
•  ....ikkje minst ta opp att det som vert feil, 
• så montere sammen, 
• quilte sjøl eller sende vekk 
• og til slutt finne rette stoff til lukkekant og sy den på. 
• Nokon som klarer å rekne ut tid som går med her???

...og som alltid så diskar matvertane opp med sine beste rettar. Denne gongen fekk vi smake ekte kulturmat; Sunndalsgraut på vafler! (skål med graut visast litt oppe i venstre hjørnet på bildet under her.)