- Vi satsar på at veret vert bra, i alle fall med opphaldsver, så vi legg opp til at "Vis og fortel" skal henge på snorer ute og inne! Slik som då vi ein gong hadde "Flagrande tepper" i Eidsgata eller ved Eidselva slik bildet over viser! Snorene fester vi på stolpane utanfor lokalet, og inne, og når de kjem til møtet, så hengjer de opp det som de har med, festar med kleklyper! Fint om du har namn på tinga dine, for då kan vi spørje om teknikk, mønster du har brukt mm. Vi er usikre på om vi har nok klyper, så ta med deg klyper til dine ting! Håpar at alle tek med seg noko å stille ut, det gjer ikkje noko om vi har sett det før!!
- Det vert to aktivitetar som de kan delta i:
- Stitchery: Du får utdelt eit lite mønster til ein blomst, meir info på møtet. Ta med deg moulinegarn til sjølve blomsten, 2 fargar og eit stoff å sy på som er ca 15 x 15 cm. Litt tynn vatt til å ha under når du syr og blyant/tusj til å tegne på mønsteret.
- Solbrilleetui: Syaktivitet på maskin: Mariann viser korleis du kan sy deg etui til solbriller eller vanlege briller.
- Demonstrasjon av korleis lage eigne skråband til etuiet.
- Ta med deg symaskin om du vil, Mariann tek med ei maskin.
- Av stoff treng du frontstoff, vatt og for, alle minst 20 x 22 cm.
- Til skråband i farge som matchar frontstoffet treng du eit kvadratisk stoff på ca 11 x 11 inch.
- Ta med lang inchlinjal, stoffsaks og kulepenn/tusj som viser att på stoffet ditt og knappenåler.
- ca 15 cm rundstrikk ( slik som gjerne er brukt som "strammesnor" i jakker og bukser)
- knapp på ca 2 cm diameter
- Matvertane lagar til kaffimat til vanleg tid og klubben spanderer litt saltmat og salat til. (det vert ikkje grilling).
- Lotteri med fine gevinstar.
- Primula Design har med aktuelle varer som vanleg.
Velkommen til ein hyggelig og aktiv førsommarkveld!
Ingen kommentarer:
Legg inn en kommentar