Blåtur!

 Årets BLÅTUR er like om hjørnet, og vi satsar på alt alt det grå vert forvandla til BLÅTT tysdag 5. juni!!










Blåturkomiteen har kome med litt info, men som vanleg er det lite dei røper til oss.


Her er det vi får vite:








Så mykje som 36 lappedamer er påmelde til blåturen tysdag kveld!
Eigendel kr 100 tas med og betalast til Laila Brekke i kontantar.  Kan vere
lurt å ta med litt ekstra dersom det dukkar opp noko fint på turen som kan
vere kjekt å ha?
Dei som ikkje treng å møte opp på Nordfjordeid "bak" Libris kl 17 får
beskjed om det av blåturkomiteen. Vi har såpass respekt for andre si tid at
det må gå sjølv om det er blåtur.
Ryggsekk og fjellsko er ikkje nødvendig, vi er heller ikkje så avhengig av
veret. Reknar med at alle fjellovergangar er opne i juni.....

Det vil vere mogeleg å styre tidspunkt for heimreisa sjølv pr bil, men vi
vil tru at junikvelden går med!

Velkomne!

 Dette bildet er lånt frå DENNE bloggen

Ei god quiltekake!!

På siste klubbmøte vart det servert ei sjokoladekake som fall godt i smak hos mange, ja så godt at det vart spurt etter oppskrifta.

Og bloggred. har for vane å fange opp slike signal og etterlyse oppskrifta med bakaren! Den heiter Firkløverkake og her kjem oppskrifta,....frå Britt H.

FIRKLØVERKAKE

5 egg
200 gr sukker
1/2 pl kokesjokolade
2ss sukker
135 gr smør
135 gr kveitemjøl
2 ts bakepulver

Pisk eggedosis.Smelt smør, sjokolade og kaffi på svak varme.
Bland det i eggedosisen og sikt i kveitemjøl og bakepulver.
Ha røra i ei lita langpanne, og steik den nederst i ovnen på
175 grader i ca 30 min.

Glasur:

1 kopp sukker
1 kopp fløyte                       (1 kopp = ca 1 1/2 dl)
1/2 kopp smelta smør
100 gr firkløver sjokolade

Til glasuren blandes sukker, fløyte, smør og sjokolade i en kjele.
La det koke i 15-20 min. Avkjøles litt, og smøres utover kaka.  

Natronkake-steiking!!

Natronkaker,...det er godt det!
Dette bildet er frå vår eigen blogg, og no får du sjansen til både å lære å lage dei og å gjere dugnad for klubben.

Tysdag 7. august vert det dugnad med steiking av Natronkaker til Låvemessa som vi skal arrangere første helga i september. Laila U. Piel vil vere sjefskokk, og ho lærer frå seg lure triks til alle som møter opp. Tid (klokkeslett) og stad må vi komme tilbake til, men Aslaug vil gjerne vite kor mange som kan vere med innan 1. august. Send henne melding eller ring  til nr 97533623.

Og vil du legge deg litt i trening før den tid, så har vi oppskrifta på bloggen vår HER!

Strikkepinneetui

Det er Mai, men det kjennest meir ut som sur Oktober. Det er ikkje ver til å gjere noko særleg hagearbeid, men det veks sakte men sikkert igjen i blomsterbeda.

Då må vi ha noko "trøstearbeid", kan vel ikkje akkurat foreslå at no byrjar vi på julegåvene, men eit etui til strikkepinnane er vel noko som mange treng, og er kjekt å gje bort,......eller å sy til Låvemessa??

På sida til Pickles ligg det ute eit gratis mønster til dette etuiet, ta eit besøk og sett i gang med å sy! Og så kjem vel sola snart.......

Quiltekafè!

 Då er det tid for å treffast att!
Tysdag 8. mai er det Quiltekafe på Stokkenes Gjestegard.
Ta med deg koppen din, eit stort eller lite syarbeid å jobbe med, noko til "Vis og fortel" og kom for å ha ei avslappande stund i lag med likesinna!!

Det vert demonstrasjon av bruk av ein av dei nye linjalane v/Primula Design, dette bør du få med deg for dette er ein smart linjal!
Elles er det mykje informasjon til medlemmane denne gongen, nemner ma. besøk frå Molde og blåtur.

Og,..... sjå på koppen, den har Baltimore-mønster! Vi ynskjer at dei som har sydd slike Baltimore-motiv tek med seg dette til møtet, vi treng å sjå flest moglege,.....for vi har ei plan...........  :)

OBS! OBS! Husk å ta med påmeldinga til Låvemessa, den blir sendt til dykk på eposten, så sjekk og skriv ut og ta med deg på møtet!

Velkomne til møtet!

Eit lite Mini-tips!

På bloggen til   RandiT  dukka denne vesle oppbevaringsposen opp. Ein universalholder til småting som td. øyrepropper, lypsyl, kodebrikke til nettbank, minnepinne, penger, osv. Iallefall lett å finne igjen i veska om ein har ein plass å feste karabinkroken som er festa på.

Bildet er lånt frå bloggen til RandiT

Mønsteret til dette fann ho på DENNE bloggen.

Endå eit utruleg flott sengeteppe!

Det er ikkje lenge sidan her var eit innlegg om eit utruleg flott sengeteppe, sjå innlegget HER. Difor overraska det oss at det skulle komme endå eit fantastisk teppe rett etterpå! Denne gongen er det Torunn som har sydd dette mesterverket, og det kan trygt kallast eit mesterverk! Her er kombinasjonar av mykje; her er blokker frå kurs, blokker med sirleg utplukka blomsterbilder , godt miksa med motivstoff og til slutt ei flott quilting av teppet.

Ein flott quilta kant rundt, her er det brukt ein ferdig sjablong og tegna på før sying. Den er kjøpt på Lappestua v/Siv på Nordfjordeid.

Teppet er i sarte og søte fargar, og då passar det godt med motivblokker med muffins innimellom!! Dei kvite blokkene med ruter er frå kurset "Restetepper" med Nancy Eriksen.
Det er dattera til Torunn som skal få teppet, ho er blomsterdekoratør, og då er blomstermotiva nøye utplukka. Bilda er funne på internett, deretter overført til stoff.
Teppet er også vendbart med den enkle og ryddige baksida.

Blokkene vart quilta ferdig kvar for seg først, deretter sydd saman med stoffremser. Her er det brukt ein teknikk vi lærte på kurset "Dobbelsidig weekend" med Hilde Neset.

Bilder frå aprilmøtet

Mange av bilda i dette innlegget er av produkt som vart laga på kurset med Annaka no i mars; toalettvesker og små skrin.

Denne veska har Elna sydd etter mønster frå siste Myquilt. Den har ei innerveske som kan takast ut og flyttast over i andre vesker med same storleik.

Innerveska sett frå begge sider.

Eitt av skrina frå kurset med Annaka. Her har fotografen fanga opp innehaver av Primula Design i det vesle speilet inne i boksen!

Dette grå teppet er sydd etter The Twist i denne boka og det er brukt ein av dei nye linjalane som Primula Design vil demonstrere på maimøtet.

Dette skrinet passa akkurat til spoleholdaren!!



Sakseetui

Veske til pc.


Desse to løparane er sydd etter mønster designa av Randi Røys, du får det kjøpt hos Primula Design.

Krokusane på denne løparen er sydd etter papirmønster som vi hadde som tema på mars-møtet.
Dette teppet er sydd av Ingun frå Primula Design, ho har brukt ein av dei nye linjalane til å kutte opp blokkene. Denne og fleire linjalar vil ho demonstrere på maimøtet. Viser òg til bildet av teppet og boka "Strip smart quilts" lenger oppe i innlegget, der er ein annan linjal brukt.