Juliblokk hos Aurifil

No er vi komne til Juli månad, og denne månaden er det Laurie Simpson som er designeren hos Aurifil. Ho er ein av designerane til Moda.
HER kjem du til omtale av henne, og her er også linkar til bloggen ho har

Her ser ein kva fargar og mønster gjer med ei blokk, men nokon likar dei reine og tydelege fargane, og andre dei som flyt meir i hop. 

 Her ser ein blokkene som det er mønster til hittil. Månadens blokk kan du laste ned HER.

Om du ser på bildet, står det Polly Minick og Laurie Simpson, dei er visst systre og begge er designerar for Moda. HER kjem du til bloggen deira.

Denne sommarglade puta fann eg på bloggen deira!

Eit lite sommararbeid!

Ei lita nålepute er noko som ein klarer å lage på ein dag, eller ein liten del av dagen! For når vi endeleg får ferie, så skal vi gjere unna alt det som vi ikkje rekk elles i året,..... men vi må no få tid til å sy litt likevel??
Hos Crazy Mom Quilts ligg det oppskrift til ei lita og nett nålepute, med 9-ar-blokk i miniformat!

Kanskje ein også kan sy denne for hand om du ikkje er i nærleiken av ei symaskin!

Dette er ein ekte miniquilt, for desse 9 kvadrata er berre 1 inch!!

Sjå her kor mange fine små nåleputer!

X plus resteblokk

Det er juli, det er sommar og det er syvèr! Med andre ord så regnar det såpass mykje at det er lite triveleg å td. drive med hagearbeid!
Då er det jammen kjekt at vi har eit godt alternativ blant alle våre fargeglade stoff! Og du treng ikkje haste avgarde for å kjøpe meir stoff, for dette er eit mønster der du kan bruke restar av alle slag! På bloggen til australske Badskirt ligg mønsteret.

HER kjem du til mønster og detaljert framgangsmåte!

LeKaQuilt har også prøvd denne teknikken, bildet under er frå bloggen hennar.

Juniblokk

I tidlegare innlegg er det lagt ut månedsblokker frå Aurifil/Pat Sloan. Det er ei ny blokk kvar månad i eit heilt år, og det er kjende quiltarar som står bak kvar blokk.

Det er også lagt ut ein stor presentasjon av kvar månadsdesignar. Og merk dykk, i juni er det ein norsk quiltar som er i fokus!
Wenche Wolf Hatling, dama bak Northern Quilts, har laga juniblokka!

HER er link til omtalen av Wenche. HER er link til video på You Tube!

HER er link til mønsteret til denne blokka.

Kortkurs!

Klubben arrangerer no ein serie med kortkurs på kveldstid.
Tysdag 11. juni og måndag 17. juni vert dei første kursa,
TEMA: Frihandsquilting og deretter Log cabin for nybegynnarar.

Log cabin-blokk

Her er den same blokka sett saman på ulike måtar. 

Mange muligheter med denne enkle blokka!

Kursa vert på Stårheim skule kl. 18.30- 21.30 og er ope for både medlemmer og også for dei som ikkje er det!
Kursavgifta er på berre 100 kr pr kveld pluss materialpakke til kr 50.
Kursavgifta betaler du inn på kontonr 3790.13.16660.


Kursleder er  Ingun Vaksdal, ho skriv:
Ta med beige sytråd, stoppefot, nåler, saks, linjal, skjærematte og kniv, symaskin.
Det vert desse to kveldane no og 2 kveldar til hausten. 

Ingun fortel at først så får du lære teknikkar i frihandsquilting, deretter vert denne "prøvelappen" brukt vidare i Log Cabin-teknikken. 
Kurskveldane no i juni er ikkje avhengige av kvarandre, så om du har høve til berre ein av kveldane, så går det også bra!

Du melder deg på til kursleiar Ingun Vaksdal ved å henvende deg i butikken Primula Design eller på mobilnr. 99482474.

Log cabin blokka er ei av dei mest anvendelege blokkene. Den er enkel i konstruksjonen, men fargevalet og samansetjinga er det avgjerande!!

Her er ein lys og sommarleg quilt! HER er link til mønster på denne quilten.

Bilda i innlegget er henta frå bildesøk på Google.

Teppe av Wedge Ruler

 Sjå kor flott teppe Aud L har laga! Ho har brukt linjalen Wedge Ruler til blokkene og laga nydelege vifteformer. Det kan også likne på fine skjel eller blomster. Tusen takk for at vi fekk sjå teppet på blåturen, det er både kjekt og nyttig å sjå den ulike bruken av ein linjal. Klubben har denne linjalen i biblioteket.

Blåtur!

Det er juni og BLÅTUR-tid i klubben vår! I år har vi valt å ha blåturen på klubbkvelden i juni, så det vert ei samanslåing av sommaravslutning og blåtur. Vi har lagt opp til at turen skal vere kort slik at flest mogleg av medlemmane har høve til å vere med! Det har vist seg å vere vellukka, for vi har påmeldt over 35 medlemmer!

Så damer,...... det er på tide å ta fram QUILTEBILEN og gjere den klar for avreise!

Og vi treng meir enn ein slik bil!!

Blåturkomiteen har laga køyreliste, og vi treng 8 slike bilar! Sjå føre dykk denne rekkja av vakre bilar, alle på leit etter ein plass for å tilbringe ein fin kveld!

Det vert kanskje ikkje heilt enkelt å sjå kven som kjem, men her anar vi atter ein gong bilen til eitt av medlemmane, ein liten kvit bil frå ytre strøk (?????) , godt forkledd!

Veret ser ut til å verte fint, så det er godt at det regnar frå seg no i helga!

Då er det berre å ynskje alle påmelde medlemmar velkomne til blåturen! Kle dykk allsidig med gode sko, kle for sola og noko varmt etter solnedgang! Husk også å ta med kontantar til egenandelen, andre kontantar treng du ikkje denne gongen! Husk også saks og blyant!

Det er sommar!

Då er vi komne til første dag i første sommarmånaden, og.............DET REGNAR! Hos bloggred trommar det på taket og alle himlens skyer er komne heilt ned til havnivå! Men kva gjer vel det om ein er i nærleiken av litt stoff og ein ide dukkar opp?
Her kjem morgonens inspirasjon, Cross quilt! Eit enkelt design som ein ikkje treng mønster til, men mange fargar som du likar!

 Dette fargeglade teppet ligg ute på bloggen til Film in the fridge. 

Om du vil ha eit meir maritimt preg på blokkene, kan du bruke raude, blå og kvite stoff.

Her ser det ut som ei samling av nordiske flagg, bilda her er frå eit innlegg hos Aquilt is nice.

Om du treng oppskrift på denne blokka, så finn du ei hos Mrs. Schenkman Quilts! God sommarsying!

Winding ways

I går vart eg inspirert av ei blokk som Innehaver av Primula Design heldt på med, Winding ways.
I lyse lette sommarlege stoff ser denne blokka ut som ei lekker blomstereng.

Dette bildet er henta frå Google. HER er fleire flotte bilder!

På bloggen til Kathy Somers ligg det ute framgangsmåte til denne blokka med mønster. Dette er eit mønster som du kan klippe ut i papir og bruke til mal. Det er med saumrom. Malen ser du under her som bilde. Dette bildet kan du lagre, og bruke slik:
Opne Word, velg sett inn bilde fra fil. Når du har fått bildet på plass, klikkar du på det, då kan du dra i hjørnemarkørane og få den størrelsen som du ynskjer på malane.

På bloggen til Primula Design ligg dette flotte teppet. Nydeleg!

Lyse dagar, lyse netter og lyse stoff!

Det er den lyse tida no, og lyse stoff skaper den rette stemninga.
Dette teppet fann eg på bloggen til Cluck cluc sew, og der er også lagt ut ei flott oppskrift!

Så om du vil sy deg eit sommarteppe, samle ihop dei lyse stoffa dine og sett deg ut og sy i veg!