Klubbmøte september 09

Ny Quilteblogg!

På tide å få litt nytt her på bloggen,....... startar med Lapphøno, eit quiltelag i Mosjøen som har fått seg ny blogg. Sida dei hadde før er nedlagt.

Søndagskurs!

No har vi fått ny dato for kurset med Randi Røys, dette kurset var tidlegare annonsert i september, men måtte avlysast.
Den nye datoen er no søndag 8.november. Kurset varer frå 11-16 og er på Stokkenes Gjestegard.

Vi skal sy ein løpar som ho har komponert sjølv. Som de ser er den litt usymmetrisk samansett, har applikasjon av blomster og dekortrå. Ho har også laga andre fargevariantar, sjå bildet under.

Hittil er det i underkant av 10 påmelde, så dei som no er interesserte, må melde seg på snarast. Det er sett opp påmeldingsfrist 23.10!! Det er plass til ca 20 kursdeltakarar.
NB!NB!
Dette kurset vert også tilbode medlemmer i Gloppen lappe-og quilteklubb dersom det ikkje vert fullt av våre medlemmer som har førsteretten. Andre quiltarar kan også få plass om det er noko ledig. Dei må då ta kontakt med kursansvarleg Aslaug, tlf 97533623
(beklager uskarpt bilde)

Ein annan variant ho har laga, men med den same applikerte blomsten.

Solfrid vart inspirert av Randi sin løpar og har sydd endå ein variant. Så her er mange muligheter til å lage flotte løparar. Og kanskje vert dette årets julegåver frå ivrige quiltarar??

Rykande ferske bilder!

Denne helga har det vore Vestlandstreff på Stord, og dei har allereie fått bilder ut på heimesida si. Flott jobba!!

Dei to bilda i dette innlegget er frå sida til Stord Quiltelag.

HER finn de link til bilda!

Hilde inviterer til hyttetur!

(bildet er frå blåturen 2009 til Kalvåg og hytta til Hilde)
Eg vil med dette invitere til ein sosial hyttetur for medlemmane i lappeklubben,
helga 23. – 25. oktober.

Hytta mi ligg på Liset, vest for Kalvåg, i Bremanger kommune.

Fredagen tilbringer vi på hytta med medbrakt handarbeid, god mat og god drikke. Laurdagen skal vi sy maritim handarbeidspose mellom kl 1100 og 1700 (har leigd eit lokale i Kalvåg).

Om kvelden et vi eit betre måltid på Knutholmen, og er sosiale til langt ut i dei små nattetimar. Søndagen et vi god frokost, skvaldrar og syr, før vi reiser heim utpå ettermiddagen ein gong.

Eg har plass til maks 10 personar + 3 personar i bobilen til Aud. Nokon får ligge i gode senger, medan andre blir installert på sofaer og madrassar. Sengetøy eller sovepose må du ta med.

Når det gjeld mat, så må dette bli eit spleiselag. Eg ordnar med planlegging og innkjøp, og gjestane betalar. Antar at ca kr 300 pr person burde holde + middagen på Knutholmen. (så kjem leige for sylokalet i Kalvåg i tillegg).

Til syinga på laurdagen må du ta med:
Symaskin, skjæreutstyr og vanlige sysaker
Ytterstoff 0,3 m
Fôrstoff 0.6 m
Vliselin 0.3 m
Bomullsvatt 0.4 m
Viledon 0,2 m
Rødt, blått og beige stoff 0,2 m av kvar

Velkommen til ei trivelig helg på hytta.
Håper at mange har lyst til å være med!
Påmelding seinast 12. oktober til Hilde Iren Elvebakke på tlf 915 58 367

Oktobermøte

Minner om at det nærmar seg klubbmøte igjen, tysdag 6. okt håper vi på å møtast mange på Klubbhuset.

Elin Grinde viser oss korleis vi kan lage ein klemmepung, så ta med symaskin dei som vil prøve dette. Ein kan også lage brillehus av same type klemmer. Elin kjem nok med nokre modellar som vil kan studere, så no håpar vi at mange vil være aktive denne kvelden og sy. (OPPFORDRING!!)

Ta med stoff om du har noko du vil bruke, men våre trufaste butikkar dukkar nok opp også denne gongen med fristande varer!

Under her har eg limt inn nokre bilder frå Internett.

Dei 2 øverste bilda er mønsteret frå Bente MalmDesse er henta fra denne bloggen

Ein annan variant er henta her.

Mønsteret til desse 2 siste bilda stod også i Quiltemagasinet 5/2007.

Slik ser klemmene ut før dei blir monterte i "syarbeidet".

Dei som har prøvd dette før må gjerne ta med seg sine modellar og vise fram!!

Brummunddal,...har du vore der???

Endå eit reisebrev frå Mariann, frå aust denne gongen også!

Ein spontantur med trailer i lag med min mann førte meg til Brummunddal no laurdag. Og klart eg ville ha eit lite stopp der, for der er det ein quiltebutikk som eg ikkje har fått besøkt før.

Fabrikkutsalget ligg midt i sentrum, og er ein kombibutikk med gåver og interiør, trå og stoff. Eg hadde ikkje forventa å finne mykje modellar der, men der tok eg feil. Mange fargeglade løparar og tepper hang i lokalet, og med artige teknikkar. Ein lokal quiltar hadde laga mange av arbeida, ho held også kurs i området der.

I 2007 hadde dei ein veskekonkurranse, her er link til eit slide-show av dei.

Eg tok nokre bilder i butikken med mobilen min, så når eg får lagt dei på pcen min og dei ser ok ut, skal eg legge dei ut her.

Litt stoffkjøp vart det på meg her, for her var nye og fargeglade mønster og fargar, i store mengder, så det var vanskelig å begrense seg. Seinare i haust startar dei med nettbutikk, så den som er interessert i det, må følge med på sida deira.

Helsing Mariann

Ein herlig blogg!

Må berre få vise dåkke denne herlige bloggen!

MATERIAL OBSESSION

Dette er ein australsk blogg og er egentlig ein firma/butikkblogg. Men dei brukar så utruleg mange lyse og lekre fargar at dette er å sjå på som ein "GLADBLOGG"!!!
Nyt også alle dei artige designa dei brukar! Så det er langt fram til vi har prøvd alt!!

Og no når det går mot vinter hos oss, så blir det sommar hos dei!!!! Då har vi noko å sjå fram til når vi sit her nord i mørketida!!

Dei har også gitt ut to bøker, Material Obsession 1 og 2, den siste av dei har eg kjøpt. Det er ei kjempeflott bok med mønster og mange gode bilder. Ei kosebok! Har sett den i nettbutikken hos Northern Quilts (fann den ikkje i butikken der i dag), men eg har kjøpt mi hos Capris.

Helsing Mariann

Lyst på kurs?

Vi er så heldige å ha 2 quiltebutikkar her vi bur, og dette er til og med to "dyktige" butikkar. Dei har eit utruleg flott utval av stoff, så bra at når vi besøker andre butikkar, så veit vi ikkje heilt kva vi treng å kjøpe, FOR VI FÅR ALT VI TRENG HEIME!!


Dei er også arrangørar av kurs av ulikt slag.
Primula har mange 3-timarskurs på kveldstid, meir som "drop in", på Stårheim skule. Sjå i bloggen hennar etter annonsering.

Ho sel ma. Bernina symaskiner og annonserer også no med eit Bernina-kurs:




NYTT BERNINAKURS MED MARIT FRÅ BERNINA 23-24 OKT PÅMELDING 57861395

Den andre butikken er Lappestua v/Siv Smørdal

Ho sel Janome symaskiner og helga 26. -27. sept arrangerer ho kurs for kundar som har kjøpt maskin med henne (Ho opnar også opp for at andre som ikkje har kjøpt maskin av henne òg kan få plass). Kurset er ved Patricia Iden og er laga til for elektroniske maskiner, med spesiell tanke på Janome 6600. På dette kurset skal ein sy eit trekk til symaskina der ein får bruke mange av finessane ved maskina.

Kurset kan òg tilpassast andre Janomemaskiner, så er du interessert i å vite om der er plass, ringer du Siv på 91531479

Oppdatering:(3 ledige plassar pr i dag 14.9)

Feriebesøk hos Quiltespesialisten

No når det regnar som verst her i vest, så er det godt å ha gode ferieminner å mimre litt om. Nestleiar og bloggredaktør Mariann viser her litt inspirasjon frå aust!

Minner om sol og varme dagar gjer godt, men også å kunne hente fram att bilda frå eit besøk i ein koselig butikk på Lillehammer, Quiltespesialisten. Ei blid dame bak disken, ho både sydde modellar og heldt kurs, så kanskje vi kan invitere henne vestover til litt regnver ein gong......

Det var mange fine modellar i butikken, og spesielt mange flotte vesker. Nokre av modellane som var der var etter mønster frå "Melly and me".

Litt Tilda var også her, ein koselig liten gjeng dette ...., og sjå den bittelille quilten....

Dette teppet i gråtonar er eitt som ho held kurs i, tykte dette var eit kjempeflott teppe, og hadde eg budd nærare, så hadde det kanskje blitt kurs på meg.

Helsing frå Mariann

ps. Er det andre som vil dele noko liknande på bloggen her, så send meg bilder og tekst, så legg eg det ut!!